EAE da Europan test gehien egin dituenetakoa ala... test gutxien egin dituena?

  • Covid-19 izurria zabaltzen hasi zenetik ari da esaten Eusko Jaurlaritza Euskal Autonomi Elkartea dela Europan birus hori gehien testeatu duten eskualdeetakoa, egindako test kopuru gordinak erakutsiz. Eneko Axpe zientzialariak, ordea, erakutsi du justu alderantzizkoa dela erreparatzen baldin bazaio test kopuruen eta testetan positibo edo kutsatu eman dutenen kopuruen arteko proportzioari: EAE dela Europan proportzioan test gutxiena egin duen eskualdea.


2020ko apirilaren 24an - 13:15

Hemeroteketan frogatu daitekeenez, Eusko Jaurlaritzako buruak koronabirus izurriaren hasieratik saiatu dira herritarrak lasaitzen esanaz beste inon baino test gehiago egiten dituela Osakidetzak. Jakina baita Osasunerako Mundu Erakundeak Covid-19a kontrolatzeko estrategiaren ardatz nagusien artean beti aipatu duela herritarrak modu masiboan testeatzea, zehazki, susmagarri den edozein kasu isolatzeaz gain (Txinan egin dena baina hemen ez) susmagarri edo gaixo horrekin harremanetan egon den pertsona oro testeatu behar dela, izurria eraman arren sintomarik erakutsi ez eta aldi berean birusa zabaltzen ari diren pertsonak ere isolatzeko.

Hori Euskal Herri osoan horrela ez dela edozein herritarrek dakien gauza da: gaur delako eguna koronabirusa daukaten gaixoekin lanean aritu edo ari diren profesional guztiak oraindik testeatu gabe daudena, pentsa gainerako kontakto guztiak... Hala ere, Eusko Jaurlaritzak alderantzizko mezuarekin lasaitu nahi izan ditu herritarrak. Martxoaren 18an, justu Espainiak Alarma egoera ezarri eta konfinamendua hasten zen egunetan, Osakidetzak esan zuen  ordurako EAEn eginak izan zirela milioi biztanleko 1.837 test, "Europako bataz bestekoa 350 probatan dagoen bitartean". Apirilaren 2an Iñigo Urkullu lehendakaria bera izan zen datu berriz irudiztatu zuena ideia bera:

Eta ostegunean, 23, Nekane Murga Osasun sailburuak berriro argudiatu du EAE testak egiteari dagokionez Europaren bataz bestekoaren gainetik dagoela.

Hori, ordea, administrazioak testekin daraman estrategiaren egokitasuna neurtzeko modu murritzegia dela erakutsi du Eneko Axpe fisikariak, Stanford Unibertsitatean eta NASAn ari denak. Bi grafiko osagarrirekin azaldu du kontua artikulu luzeenarekin baino hobeki:

Bigarren koadroak nabarmen ageri da EAEn –eta itxura guztien arabera Nafarroan ere bai– Covid-19ez kutsatuta daukan jende kopuru handiaren proportzioan oso test gutxi egin direla. Gauza jakina, bai, baina agintariek herritarrei aitortu nahi ez dietena eta herritarrok ere aski indarrez argitzea eskatzen ez duguna.

Atxak –iturri ofizialetatik hartutako datuekin– erakutsi duen koadroan deigarria egiten da zeintzuk dabiltzan taularen goiko aldean eta zeintzu azkenean. Bat egiten baitu milioi 1 herritarreko koronabirusak hildako kopuruetan munduko estatistikek erakusten duten zerrendarekin. EAEtarron aurretik dago Belgika, mundu herrialdeen artean milioi 1eko heriotza kopuru altuena duena.

Gauza asko ari da astintzen Covid-19 txikia gure bizimoduan eta are gehiago aldaeraziko dituela bistakoa da. Tartean, bai gure agintariek eta ziurrenik gizarteak ere gu eta gure osasun sistema Alemaniaren edo Austriaren parean omen geundelako uste hori... izurriak eraman du airean.

Euskadi quintuplica la media europea de pruebas de covid-19 con 1.837 test por millón de habitantes

En Euskadi se han realizado hasta la fecha 4.020 pruebas para detectar el coronavirus, lo que supone 1.837 test por millón de habitantes, mientras que la media europea es de 350 pruebas por millón de habitantes.

Leer más: https://www.europapress.es/euskadi/noticia-euskadi-quintuplica-media-europea-pruebas-covid-19-1837-test-millon-habitantes-20200318121931.html

(c) 2020 Europa Press. Está expresamente prohibida la redistribución y la redifusión de este contenido sin su previo y expreso consentimiento.

 

Euskadi quintuplica la media europea de pruebas de covid-19 con 1.837 test por millón de habitantes

En Euskadi se han realizado hasta la fecha 4.020 pruebas para detectar el coronavirus, lo que supone 1.837 test por millón de habitantes, mientras que la media europea es de 350 pruebas por millón de habitantes.

Leer más: https://www.europapress.es/euskadi/noticia-euskadi-quintuplica-media-europea-pruebas-covid-19-1837-test-millon-habitantes-20200318121931.html

(c) 2020 Europa Press. Está expresamente prohibida la redistribución y la redifusión de este contenido sin su previo y expreso consentimiento.

 


Kanal honetatik interesatuko zaizu: Koronabirusa
Hamar milioi euroko komisioak sortu zituzten Koldo García atxilotu duten maskaren operazioan

Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]


Ikasgela kalera ateratzetik lau horma artera itzuli al dira eskolak, pandemia ostean?

"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]


2023-07-04 | Ilargi Manzanares
Asteazkenetik aurrera ez da derrigorrezkoa musukoa Hegoaldeko osasun zentroetan

Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]


90.000 milioi euro irabazi zituen industria farmazeutikoak, diru publikoz finantzatutako COVID-19 txertoekin

Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.


Gaurtik aurrera maskara ez da beharrezkoa garraio publikoan Hegoaldean

Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.


Eguneraketa berriak daude