Barrosoren aurkako kontzentrazioa deitu dute ostegunean Donostian
“Ez dugu behar gerra kriminal gisa epaituak izan behar luketenen leziorik”. Durao Barrosoren aurkako protesta deitu dute ostegunean Donostian San Telmo Museoaren kanpoan 19:00etan. Hitzaldia ematera doa Europako Batzordeko presidente izandakoa.
Astelehenean Egia auzoan egindako batzarraren ostean bidalitako oharrean diotenez, “Barroso gure hirira etortzea eta erreferente politikotzat hartzea tamalgarritzat jotzen dugu”. Donostia 2016 eta Globernance institutuaren eskutik, "Europarentzako narratiba berri bat" hitzaldia eskainiko du gaztelaniaz 19:00etan hasita.
“Gerra kriminalak, lapurrak eta hondamendi sozialaren errudunak ez dira ongi etorriak Donostian. Eskatu nahi dugu ez bilakatzeko euren konplize; bera eta bere gisakoak ez ditzatela gonbidatu gure hirira. Ozen oihukatzen dugu 'Durao Barroso Donostiatik kanpora!' Eta adierazten dugu herritarron eta herrien etsaiek parez pare izango gaituztela beti, gure eskubideei erasorik onartzen ez dugulako”.
Azoreetako Gailurrean Aznar, Blair eta Bushekin Irakeko bonbardaketei hasiera eman ziotela gogoratzen dute, NBEren irizpideen aurka. “Emandako zerbitzuengatik sari gisa jaso zuen Europako Batzordeko lehendakaritza eta bertatik herritarrok zapaltzen igaro ditu hamar urte”.
“Finantza iruzurrak eta eskubide sozialen aurkako neurriak inoiz ez bezala aplikatu dituzte epe honetan; austeritatearen izenean murrizketa eta pobretze neurriak era basatian bultzatu dituzte, milioika herritarren bizi baldintza duinen gainetik pasatuz”.
Politika sozialak eta aberastasunaren banaketa murriztuz "kapitalismoaren ametsetako Europar Batzordea" izan da Duraorena beren ustez. "Europako Banku Zentrala eta Nazioarteko Diru Funtsarekin batera Troika famatua osatu dute herritarrok estutuz eta arnasa hartzea eragotziz estrategia bateratua jarraitu dutenak. Etxegabetzeak, elikadura arazoak, oinarrizko hezkuntza eta osasunaren galera eta antzekoak dira politika horien ondorioak; baita kapitalista handien irabazien biderkatzea eta merkatuen liberalizazioa ere. Herrien eta herritarren burujabetzari eragindako atzerapausoa ikaragarria da".
Europar Batasuneko estatu kideen gehiengoak atzera bota du euskara, katalana eta galiziera EBn hizkuntza ofizialak izateko eskaera. Finantzazio eta arlo legalean hainbat "zalantza" dituztela plazaratu dute.
Espainiako Gobernuak Europako Batzordeari egindako eskaerari Euskal Herriko, Kataluniako eta Galiziako 28 unibertsitatek babesa eman diote. Salvador Illa Kataluniako Generalitateko presidenteak eta Imanol Pradales lehendakariak eskutitz bat sinatu dute eskaerari babesa... [+]
Israelek Gazan eta Zisjordanian egindako giza eskubideen urraketak argi uzten dituen Kanpo Ekintzarako Europako Zerbitzuaren txostena esku artean, EBko Atzerri ministroek erabaki dute Israel-EB elkartze-akordioarekin berdin-berdin segitzea. EBren "ekintza-eza" ikusita,... [+]
Etxe Zuriko maizterrak larunbatean iragarri zuen EB Europako Batasunaren esportazioei %30eko muga zergak ezarriko dizkiela abuztuaren 1etik aurrera, biak merkataritza akordio batera ez iritsiz gero. Horren aurrean, AEBei muga zergak igotzeko prest dagoela adierazi du EBk... [+]
153 orrialdeko txosten bat kaleratu du parlamentuak. AEBak ez ditu apenas zuzenean aipatu, baina horretarako "ikuspegi atlantista" terminoa erabili du: "Europak darabilen ikuspegi horrek gerra-komertziala ekarri du Europaren eta Txinaren artean, ageriko kalte eta... [+]
Trumpen muga zergen inguruko neurri ero bezain erratikoek ekarri dute Europako Batasuneko herrialde ugarik sektore eta enpresa kaltetuentzat dirulaguntzak bideratzea. Esate baterako, muga zergen gerrak kaltetutako enpresen aldeko14 mila milioi euroko plana onartu berri du... [+]
Europako Batzordeak beste urrats bat eman nahi du migrazioaren kontrako politikak gogortzeko bidean: deportaturiko migratzaileek ez lukete zertan harreman zuzenik izan behar hirugarren herrialde "seguruak" deiturikoekin, hara kanporatuak izateko.
Astearte eguerdian egin du ohartarazpena Nazio Batuen Erakundeak. Astelehenean laguntza humanitarioa daramaten bost kamioi sartuko direla iragarri du Israelek, hamaika asteko blokeo erabatekoaren ostean. "Tanta bat da ozeanoan", adierazi du Tom Fletcher NBEko Giza... [+]
Badira aste batzuk Europar Batasuneko presidente den Ursula von der Leyenek zortziehun mila milioi euroko gastu militarraren beharraren berri eman zuela. Gastu hori Europak jasaten duen mehatxu militar bati aurre egiteko omen da, eta mehatxu horri batasunez erantzun beharra... [+]
EBko diplomaziaburuari gutuna bidali diote lau talde parlamentarioko hainbat legebiltzarkidek, tartean EH Bildukoak. Oraindik nazioarteko uretan segitzen du Askasunaren Ontzidiak.
Posible da, nonbait, zoriontasuna neurtzea. Are, bada horretan tematzen denik. NBEk ez du arrakasta handirik munduko bakeari eusten, baina halako tasuna planetan zehar nola dagoen banatua erakusten du urtero, txosten batean. Funtsean zerrenda bat da, herrialdez herrialde, zein... [+]
Ukrainaren ondoren Polonia?
Europar Batasunak Ukrainako gerra hauspotu du Kiev armaz hornituta, eta menia oraindik airean delarik, gerraren zikloan murgilduta dago bete-betean. Hori bai, bere diskurtsoa modulatzen ari da, eta gero eta gehiago hitz egiten du balizko su-etenaz... [+]