Espetxe-zigorra eskumuturrekoak kalean saltzeagatik Donostian?
Moussa Sow kale saltzaileak (abizena ez dugu lortu) eta Joseba Alvarez militanteak martxoaren 26an epaitegietan deklaratu beharko dute Donostiako Udaltzaingoak haien kontra salaketa bana jarri duela eta. Jatorri senegaldarreko saltzaileari “udaltzainen aurkako erasoa” leporatu diote eta Alvarezi desobedientzia “udaltzainen jarduera oztopatzeagatik”.
Eskumuturrekoak eta artisau-lanak saltzen ditu Sowk. Donostiako Alde Zaharreko auzokideentzat ezaguna da horregatik. 2018ko ekainaren 24an kalez jantzitako bi udaltzainek Sow atxilotu zuten Abuztuaren 31 kalean. "Zalaparta entzun genuen, hurbildu eta orduan ikusi genuen nola biren artean, besoa okertuta eta oso modu txarrean, arrastaka zeramatela Moussa”, dio Joseba Alvarez Alde Zaharreko bizilagunak. Berarekin hitz egin du ARGIAk. Bera bezala, gero eta jende gehiago elkartu zen, “auzotarrak modu txar eta indarkeria maila hori etetea eskatu genien poliziei, horretarako beharrik ez zegoela argudiatuz, kalean eskumuturrekoak saltzen ari zen, besterik ez”. Egoera ikusita, udaltzaingoek errefortzuak eskatu zituzten, eta borrak airean, Moussa atxilotuta eraman zuten.
Handik bost hilabetetara Donostiako Udaltzaingoak Alvarezi “Poliziaren lanak oztopatzeagatik” desobedientzia delitua egotzi diote eta Sowi are delitu larriagoa, “polizien aurkako mehatxuak, desordena publikoak eta udaltzainen kontrako erasoak” egitea. Martxoaren 26an Donostiako epaitegietan deklaratu beharko dute biek 9:30ean, Mari Jose Rua Portu epailearen aurrean.
Etengabeko jazarpenaren adibide
Udaltzainek Moussa Sow atxilotu baino hiru egun lehenago kalean identifikatu zuten, eta saltzen ari zen material guztia kendu zioten. Espazio publikoan “baimenik gabe” saltzen ari zelako. Alvarezek argitu duenez, “Moussak erresidentzia paperak ditu, eta gehien jota, egin duena, horri delitu deitzerik badago, kontu administratiboa da. Baina udaltzainek Zigor Kodea erabili dute bere kontra eta delitu larria leporatu diote". Zigor Kodearen 550.2 artikuluak dio, agintearen aurkako erasoak urte bat eta lau urte arteko espetxe zigorra dakarrela.
“Udaltzainek arinkeriaz jokatzen dute, pertsona baten bizitza hankaz gora jar dezakete. Leku askotan poliziek manteroekin egindako historia berdina da hau, baina Donostian eta mantarik gabe”. Alde Zaharrean Mozal Legearen aplikazioa eguneroko ogia dela dio Alvarezek, eta errefuxiatu eta migratzaileen aurkako udaltzainen jarrera oldarkorraren beste tanta bat besterik ez dela.
Kalea saltzaile izatea ez da delitua. Kriminalizaziorik ez!
Alvarezek argi du bere aurkako salaketa gutxienekoa dela, kasu hau salatzeko egingo dituzten protesten helburu nagusia Moussak epaiketarik ez izatea da, eta are gutxiago “atentatua” egotzita.
Lelo hori erabiliko dute Moussa Sow-rekin elkartasunez martxoaren 26an, 9:30ean Donostiako epaitegien aurrean LAB sindikatuak antolatu duen elkarretaratzean.
Gorputzak, identitateak, desirak, justizia soziala, ahalduntzea eta memoria: sei arlo horien bueltako unitate didaktikoak kaleratu dituzte, DBH eta Batxilergoko ikasleekin lantzeko. LGBT+ pertsonen testigantzak, diskriminazioa eta aldarrikapenak oinarri, “armairuan... [+]
Ongi doazen ikasleak talde batean, zailtasunak dituztenak, bestean; maila akademikoaren arabera banatuko dituzte ikasleak datozen ikasturtean, Frantziako Estatuan. Ikasleak sozialki eta akademikoki sailkatu eta bereiztea, desoreka areagotzea eta egoera okerragoan daudenak... [+]
Hainbat herritarri suzko arma batekin tiro egin ostean bi pertsona zauritu zituzten udaltzainek, horietako bat larri, pasa den martxoaren 21ean, Barakaldon. Tirokatuak kalean bizi ziren magrebtar jatorrikoak izatea ez dela kasualitatea dio 77 elkartek sinaturiko adierazpenak:... [+]
Ostegun goizeko 8:00etatik 12:20era Polizia operazio handia egon da Donostiako Martutene auzoko etxe okupatu batean. Espainiako Poliziak, Ertzaintzak eta Udaltzaingoak elkarrekin egin dute operazioa, “atzerritarren bulegoaren operazioa” dela azaldu dute. Donostiako... [+]