Donostiako metroaren obrek etxebizitza batean dagoeneko pitzadurak eragin dituztela salatu dute

  • Donostiako metroaren obrek hiriko lurpe hareatsuan zimendatuta dauden Cortazar zabalguneko eraikinetan arrisku larriak dakartzatela ohartarazi du Donostia Defendatuz koordinakundeak. Etxebizitza batean dagoeneko agertu diren pitzadurak erakutsi dituzte (ikusi argazkia).

ARGIA @argia
2019ko otsailaren 27a

Obrak “ezjakintasun ikaragarriarekin” diseinatu direla salatu du koordinakundeak, Cortazar zabalgunearen ezaugarri bereziak aintzat hartu gabe: “Hiriaren oinarrian dagoen lurpeko hareatzan metatzen diren uren filtrazioen eta obrara gertatuko diren ihesen ondorioz, lurpeko geruza hareatsuaren desegonkortzea gertatuko dela ezezagun du proiektuak, eta hareatzaren desestabilizazio horrek, eraikuntza-laneko indusketa makinariak sorturiko bibrazioek lagunduta, kalte handiak eragin ditzakeela eraikinen egituretan”. Eraikinak erortzeko arriskua ere azpimarratu du koordinakundeak. Harkaitza zulatzean sortuko diren bibrazioek hondar-geruza sakabanatu eta besteak beste, “eraikinen egiturari kalte egingo zaio, etxeen egonkortasuna arriskuan jarrita”.

Metroaren eraikuntza lanek eragindako bibrazioen ondorioz, Zubieta kaleko 1 zenbakian, goiko solairuko etxebizitzan pitzadurak agertu direla aurreratu dute. Xehetasun handiz azaldu du obra hauen eragina koordinakundeak.

Prentsaurrekoa egin dute Donostiako erdialdean.

“Lanak gelditu, edo kalte-galerak zuen gain hartu”

Hori guztia kontuan hartuta, hiru eskaera nagusi egin dizkiete “auzi honetan erantzukizuna duten” erakundeei: Donostiako Udalak eta Eusko Jaurlaritzak erakuts dezatela obra hau egiteak pertsonentzat eta Cortazar zabalguneko eraikinentzat dakartzan arriskuen larritasunaz jabetzen direla; adostu dezatela nazioartean ospe oneko erakunde bati ikerketa hidrauliko eta geotekniko zorrotz bat egin dezan eskatzea; eta kautelazko neurri gisa hirigunean jadanik hasi diren eraikuntza-lanak geldiaraz ditzatela, “eta bestela, jendaurrean beren sinadurarekin ziurta dezatela aurretik jakin ezin den neurriko ezbeharren bat gertatzeko posibilitaterik txikiena ere ez dagoela, eta halakorik inoiz gertatuko balitz kalte-galerak beren gain hartuko dituztela”.

Donostia Defendatuz plataformatik hainbat etxebizitzan izandako pitzaduren argazkiak zabaldu dituzte.
ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Donostiako metroa?

Donostiako metroa? kanaletik interesatuko zaizu...
Eguneraketa berriak daude