Donostiako Baratze Parkean, nekazaritza ekologikoan aritzeko 160 lursail

  • Kutxa Ekoguneko Baratze Parkea inauguratu dute Donostian. Nekazaritza ekologikoa ardatz, hainbat ekimen egingo da bertan: tailerrak, ikastaroak, bisita gidatuak eta abar.


2014ko martxoaren 21an - 00:00
Azken eguneraketa: 2014-03-25 09:12:04
Barazkigintza ekologikoan oinarrituko da baratzen eguneroko lana; ongarri eta izurriak saihesteko tratamendu organikoak erabiliz eta kimikoak baztertuz.

Kutxa Ekoguneak "elikadura eta ohitura osasuntsuak sustatzearen aldeko apustua egiten du" eta horretarako Baratze Parke Sarea jarri du martxan Gipuzkoako hainbat herritan, denborarekin leku gehiagotara zabalduko dena.

Gaur egun, Lezo, Usurbil, Hernani, Alegi, Tolosa, Zegama eta Errenteriako 600 baratzekide biltzen ditu Sareak. Barazki ekologiko eta bertakoen aldeko sentsibilizazioa sustatzeko ekimena da, Kutxa Ekoguneko kideek diotenez: "Autokontsumorako baratzezaintza ekologikoa egin nahi duten herritarrek, erakunde edo ikastetxeek, herri baratzetan jarduteko aukera dute, izaera komunitarioa duen proiektu honen bitartez".

Ekoguneko Baratze Parkea

Gipuzkoako Baratze Parke Sareko egoitza nagusian Hernani, Lasarte eta Donostiako 200 baratzakide baino gehiago arituko dira lanean. Baratz bat eskuratzeko eskaerak 250 izan ziren, beraz, itxaron zerrenda bat dago eta bajak dauden heinean esleipen berriak gauzatuko dira, sustatzaileek nabarmendu dutenez.

Baratze Parkearen inguruko informazio gehiago (PDF)


Kanal honetatik interesatuko zaizu: Laborantza ekologikoa
Nafarroako nekazaritza-ekoizpen ekologikoak lurren %25 kudeatu nahiko lituzke 2030ean

Nafarroako sektore ekologikoa egonkor mantendu da azken urtean eta nekazaritza ekoizpena %5 handitu da. Nafarroako Nekazal Produkzio Ekologikoaren Kontseiluak erronka du 2030. urterako: lurren %25 ekologikoa izatea. "Bide horretan ari gara lanean, ahalik eta nekazari eta... [+]


2024-03-14 | Leire Artola Arin
EAEko nekazaritza lurren %5ak soilik dauka ziurtagiri ekologikoa

Gorantz egiten ari da nekazaritza ekologikoko eredua Araba, Bizkaia eta Gipuzkoan, Ekolurra Kontseiluak baieztatu duenez, baina Europako Itun Berdeak 2030erako helburutzat duen %25etik urrun dago oraindik.


2024-02-19 | Garazi Zabaleta
Garroko Etxaldea
Herriko etxeak bultzatutako proiektua, laborantza biologikoan erreferente

2011n abiatu zuten Lekorneko Garroko Etxaldean laborantza biologikoko proiektua: “Lurrak Herriko Etxearenak ziren, eta bertako eta Herri Elkargoko hautetsiek sortu zuten proiektua”, azaldu du Argitxu Ithourria kideak. Laborantza biologikoa bultzatzeko helburuz abiatu... [+]


Agroekologiaren alde egiteko dei egin du Egurra ta Kandela baserritar ekintza kolektiboak

Nekazaritza eta abeltzaintza “errotik” aldatzeko trantsizio agroekologikoaren aldeko elkarretaratzea eginen dute, hilaren 16an, Gipuzkoako Foru Aldundiaren egoitzaren aurrean.


2024-02-05 | Garazi Zabaleta
Soronea
“Barazkiak prezio duinean saltzeko bidea dendan topatu zuen osabak”

Miriam eta Igone Saldias ahizpek baserriari eta familiako proiektuari eusteko apustua egin dute. Berrobiko Soronea baserrian barazkiak ekoizten dituzte eredu ekologikoan, eta Tolosako Soronea dendan saltzen, modu zuzenean.


Eguneraketa berriak daude