Volkswagenen diesel motorren aferaren ostean, azken hilabeteetan Europar Batzordea autoen isurketen inguruko araudi berri bat prestatzen aritu da. El Diario egunkariak eskuratutako dokumentuaren arabera araudia hasiera batean izan behar zuena baino arinagoa da.
Europar Batzordeak 2019an jarri nahi du indarrean araudi berria. Diesel motorrek gaur egun baino %20 gehiago kutsatu ahalko dute, eta frogak errepidean egingo dira, ez laborategian. Gaur egun muga kilometroko 80 miligramo karbono dioxido da. Araudi berriarekin 96 miligramora igoko da. Batzordearen esanetan, frogak errepidean eginez gero, gaur egungo isurketa mugak ezin dira bete eta horregatik igo egin behar dira.
Dieselgatek datuak trukatzeko softwarearen erabilera argitara atera zuen. Hori dela eta, Batzordearen dokumentuan berebiziko garrantzia du aparailu horien debekua betetzen dela ziurtatzeko arauak. Araudi berriak ordea, ez ditu asebete talde ekologistak. Greg Archer Transport & Enviroment talde ekologistako kideak adierazi du ez dagoela inongo arrazoirik ibilgailuek %20 gehiago kutsatzeko: “Volkswagenen aferaren ostean isurketa handiagoak ahalbidetzeak ezinezko egingo du sektorearengan konfiantza berreskuratzea”.
Arautegi berrira moldatzeko, denbora tartea emango die auto enpresei Europar Batzordeak. Denbora tarte horien inguruan sortu da eztabaida Europar Batzordearen eta diesel merkatu handienak dituzten herrialdeen artean. Alemania, Espainia, Frantzia eta Italia dira mota honetako motor gehien ekoitzi eta erabiltzen dituztenak. Herrialde hauek araudi arinagoa eskatu diote Europar Batzordeari.
Zehazki, Espainia izan da diesel motorren Europar Batzordeari oposizio gogorrena egin dion herrialdea, Volkswagenen eskandaluak Alemaniaren jarrera kolokan jarri ostean. Bere helburua isurketen muga gaur egungoa baino %60 handiago izatea da. Araudi berria oraindik berresteko dago, eta bihar azken eztabaida egingo dute estatu kideek horren inguruan.
2015ean Volkswagen auto ekoizle alemaniarra epaitegietara eraman zuten, diesel motorrak trukatzeagatik, motorren isurketa kontrolak pasa ahal izateko. Bost urte geroago, epaitegiek erabiltzaile bati arrazoia eman diote, eta enpresak kalte ordainak ordaindu beharko dizkio,... [+]
Dieselgate eskandualen ostean, diesel teknologiazko kotxe berrietan kutsadura arazoak konponduta zeudela uste zuena oker zegoen. Transport & Environment agentziak –Europako hainbat ekologista eta ingurumenaren aldeko elkarte biltzen dituen federazioak– egunotan... [+]
Garraio publikoa doan eskainiz gutxitu nahi du aireko kutsadura Alemaniak. Asmo hori jakinarazi diote herrialdeko hiru ministrok, tartean Ingurumenekoak, Europar Batasunari.
Diesel motorrek igortzen dituzten gasak ez direla osasunarentzat “uste bezain kaltegarriak” frogatu nahi zuten autogintzako hainbat enpresak. Horretarako hainbat herritar gela batean sartu zituzten diesel motorraren gasak arnasten zituzten bitartean telebista... [+]
Diesel autoen erdiak eta autobus eta kamioien heren batek gasen isurketen muga legalak gainditzen dituzte. Gehiegizko emisioek 28.000 heriotza goiztiar eragin zituen 2015ean, ingurugiro agentzia estatubatuarrek egindako ikerketa baten arabera.