Emakumeak borrokan

Aireko kutsadura gutxitzeko lege-proiektu urardotua onartu du Europako Parlamentuak

  • Atmosferara jaurtitzen diren kutsatzaile nagusien mugak zorrozteko lege-proiektua onartu du Eurolegebiltzarraren osoko bilkurak, azaroaren 23an Estrasburgon egindako saioan. Hala ere, onartutako proposamena hasiera batean Europako Batzordeak egindakoa baino ahulagoa da. Aireko kutsadurari buruz “behingoz” araudi ausarta ezartzeko aukera galdu da, proiektua gaitzetsu dutenen aburuz. Testuak 499 aldeko boto jaso du, eta 177 aurkako.

Unai Brea @unaibrea
2016ko azaroaren 24a
Garraioaren sektorea da aireko kutsaduraren erantzule nagusietako bat (Arg.: earthtimes.org)

Onartutako dokumentuak zenbait kutsatzaileren emisioetarako muga baxuagoak ezartzen ditu 2030erako. Europako Kontseiluaren (estatu kideetako gobernuek osatua) onespena beharko da orain, baina ez da oztopo handirik espero alde horretatik, kutsatzaile kopuruei ipinitako langa berriak dagoeneko informalki adostuak izan baitira Kontseiluarekin.

Europako Legebiltzarraren arabera, proposatutako murrizketek kutsadura atmosferikoa europarren osasunarengan duen eragina %50 gutxituko dute 2030era bitartean. Haatik, Parlamentuko zenbait talderen ustez lege proiektua ez da behar bezain handinahia. Kontuan hartu behar da aireko kutsadurak urtero 400.000 heriotza goiztiar eta ehunka milioi euroko kosteak eragiten dituela (2010eko datu ofizialak).

Dokumentuari kritikatu zaizkion gabezien artean, aipatzekoa da ez dituela emisioen mugak bateratzen Osasunaren Munduko Erakundeak segurutzat jotzen dituen balioekin. Beraz, gehienezko isurketek, mugatu arren, balio horien gainetik egoten segituko dute substantzia gehienen kasuan. OMEk dioenaren eta europar legediak ezartzen duenaren arteko alde hori maiz kritikatu dute ekologistek eta gizarte zibileko beste elkarte batzuek.

Bestalde, onartu berri den testuaren puntu batek dio EBk konpromisoa hartuko duela diesel autoen emisioen neurketetan atzemandako irregulartasunak konpontzeko. Irailean Transport & Environment GKEak argitaratutako txosten baten arabera, automobil marka guztiek aise gainditzen dute legediak ezarritako muga hainbat substantziaren emisioei dagokienez, kasu batzuetan kopuruak biderkatzeraino.            

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Airearen kalitatea kanaletik interesatuko zaizu...
Airearen kutsadura "jasanezina" dela salatu du Lezoko herritar talde batek

Duela bi aste Pasaiako Portuan agintari nagusiei errautsak bota zizkien laguna defendatu dute, errauts hori herritarrek egunero irensten duten zati “nimiño” bat dela esanaz. Larunbatean elkarretaratzea egin zuten Lezoko udaletxearen aurrean, eta sinadura bilketa abiatu dute.


2017-12-21 | Anboto
Durangoko Fumbarri enpresak gai kutsakorrak isuri dituela egiaztatu du Eusko Jaurlaritzak

Elena Montero ingurumen sailburuordea Durangon egon da gaur, airearen kalitatearen inguruan azken hiru hiletan egindako ikerketaren berri emateko. Fumbarri enpresak partikula kutsakorrak isuri dituela eta gainerako estazioekin alderatuz kutsadura indize altuagoa eman dela onartu arren, legezko mugak ez direla gainditu esan du sailburuordeak. Gainera, Durangoko airea urteko egunen %99tan ona dela nabarmendu du. Balorazioa egin du, baina ez du neurketen datu zehatzik eman.


2017-11-17 | Unai Brea
Petronorreko emisioen kontrolak "lasaitzea" leporatu dio Podemosek Jaurlaritzari

Petronorren funtzionamendu txarrari –“programatu gabeko 70 geldialdi eta kontrolik gabeko hainbat hauts emisio azken urte bietan”– Jaurlaritzak behar bezalako erantzunik ematen ez diola eta, areago, findegiaren emisioen kontrolerako irizpideak leundu dituela esan du Eusko Legebiltzarrean Elkarrekin Podemoseko Jose Ramon Becerrak. Gobernuak Petronorri “tratu berezia” ematen ote dion ere galdetu dio Arantza Tapia sailburuari.


2017-11-08 | ARGIA
Ende Gelaende 2017: Milaka desobediente meategi erraldoia gerarazten saiatu dira Alemanian
MULTIMEDIA - erreportajea

Alemanian meategi erraldoi bat gelditzen saiatu dira milaka lagun, klima aldaketaren aurka. Alemaniako Bonn hirian Munduko Klima Aldaketaren Konferentzia hasi aurreko egunean, igandean, desobedientzia zibila modu masiboan praktikan jarri dute milaka lagunek, Ende Gelände mugimenduak deituta.

Informazio gehiago ARGIAko albiste honetan.


2017-06-27 | Unai Brea
Bi milioi pertsona inguruk kutsatutako airea arnastu zuten iaz Hego Euskal Herrian

Urtero ohi duen legez, Espainiako Estatuko aire kutsadurari buruzko txostena aurkeztu du Ekologistak Martxan taldeak Madrilen. Hego Euskal Herriari dagokionez, ozono troposferikoak eragindako arazoak eta datu bilketaren gabeziak nabarmendu dituzte besteak beste. Azaldu dutenez, Hego Euskal Herriko bi milioi lagun inguruk Osasunaren Munduko Erakundeak (OME) gomendatutako balioen gainetik arnastu zituzten substantzia kutsatzaileak 2016an, neurtutako kopuruak ia beti legearen barruan egon arren.


Ibilgailuen gas kutsatzaileek 107.000 heriotza goiztiar eragiten dituzte urtean

Diesel autoen erdiak eta autobus eta kamioien heren batek gasen isurketen muga legalak gainditzen dituzte. Gehiegizko emisioek 28.000 heriotza goiztiar eragin zituen 2015ean, ingurugiro agentzia estatubatuarrek egindako ikerketa baten arabera.


Urtean 467.000 heriotza Europan aire kutsaduraren eraginez

Aire kutsadurak Europan 467.000 heriotza goiztiar eragiten ditu urtean, Europako Ingurumen Agentziaren arabera eta BBCk jaso duenez. Hiriguneetan bizi diren pertsonak dute arrisku gehien, hauen %85 PM2,5 partikula finekin kontaktuan baitaude, Osasunaren Mundu Erakundeak kaltegarritzat jotzen duen tamainan.


Bartzelonara sartzea debekatuko diete ibilgailu kutsatzaileenei

Bartzelonako Udalak hirian zirkulatzea debekatuko die gehien kutsatzen duten ibilgailuei 2020. urtetik aurrera. Datorren urtean erabakiko da zein ibilgailu motari eragingo dien debekuak, Udaleko ekologia alkateorde Janet Sanzek adierazi duenez.


Aire kutsadurak ugalkortasunari eragiten diola ondorioztatu dute

Hainbat ikerkelani eginiko berrikusketa batek aire kutsadurak espermaren kalitateari eragiten diola ondorioztatu du, baita abortuak izateko arriskua handitzen duela ere. Bartzelonako Hospital del Mar erietxeko medikuek eta bertako ikerketa zentroak (IMIM) eginiko berrikusketaren emaitzak dira El País egunkariak jaso duenez.


2016-07-29 | ARGIA
Ke beltz hodeia eragin du hainbat orduz Petronorrek Muskizen

Ostiral goizean 7:55etan hasita hainbat orduz, Muskizko Petronorren plantako hiru tximiniatatik ke beltza atera da. Enpresak dio akats elektriko bat izan dela eta ez dela kaltegarria bizilagunen osasunerako.


Azkenak
EGILEA
Eguneraketa berriak daude