Del Burgok 3.000 euroko pentsioa jasotzen du hilero Kongresutik

  • Espainiako Diputatuen Kongresutik diru gehien jasotzen duen parlamentari ohia da Jaime Ignacio Del Burgo, UPNko eta PPko diputatu ohia, 3.010 euro zehazki. 1989 eta 2006 artean izan zen diputatua Kongresuan.

Xabier Letona @xletona
2018ko martxoaren 20a
Jaime Ignacio Del Burgo.

Guztira 111 parlamentario ohik jasotzen dute hilero pentsio bat Legebiltzarretik, Europa Pressek zabaldu dituen datuen arabera. Erretiroa hartu ondoren gehienezko pentsioa jasotzeko adina kotizatzen ez badute, falta zaien kopurua Kongresuak jartzen die. Gutxienez zazpi urtez jardun behar zuten diputatu gisa pentsio hau jasotzeko eskubidea izateko.

2011n ezabatu zen pribilegio hau, krisiaren garai gordinetan herritarrei eskandalua iruditu zitzaienean halako diru sariak kobratzea aginte guneetatik sekulako murrizketak egiten ari zirenean. Pentsioa murriztu zen diputatu berrientzat, baina eskubide hori zuten diputatu ohiei mantendu egin zitzaien.

Pablo Castellano PSOEko eta Izquierda Unidako diputatu ohia ere 3.000 eurora iristen da hilero, eta hirugarrena Cristina Almeida da, 2.709 eurorekin. Hamaika diputatu ohik 2.000 eta 2.500 euro artean patrikaratzen dute hilero eta beste hamazazpik 1.500 eta 2.000 euro artean. Gainerakoentzat  murriztuz doaz kopuruak eta azken zortzik 100 euro baino gutxiago jasotzen dute hilero.

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Pentsioak kanaletik interesatuko zaizu...
Eguneraketa berriak daude