Euskal Herrian egin den prentsaurrekorik jendetsuenetako bat egin dute Altsasun azaroaren 19an, hurrengo larunbaterako Udalak, atxilotuen senideek eta azken asteetako egoerari erantzuteko sortutako Altsasuarra eta harro plataformak deitutako manifestazio deia babestuz. 13:00etan aterako da Nettotik eta isila izango da.
Altsasuko alkate Javier Ollok azaroaren 16an plenoan adostutakoa indarrean jarri du. Bere hitzetan, urriaren 15eko gertaerak "ez ziren sekula gertatu behar" eta atxilotuen senideei elkartasuna adierazi die.
Gertaera hauek "terrorismo" gisa epaitzea desproportzionatutzat jo du eta ikerketa Iruñeko epaitegietara lekualdatzeko eskatu du. Hedabide batzuek orduz geroztik gertatuakoari emandako trataerarekin haserre agertu da.
Azpian deialdiarekin zabaldu duten kartela.
Ostegun honetan estreinatu da Madrilen 2016ko Altsasuko gazteen atxiloketa eta auzipetzea ardatz dituen antzezlana La Abadia antzokian, Voxek zentsura kanpaina handia egin ondoren.
Giza Eskubideen Europako Auzitegiak ez du aintzat hartu Altsasuko gazteek epaiketa bidezkoa izan zuten aztertzeko eskakizuna. Auzipetutako gazteetako batek, Iñaki Abadek, eman du jakitera berria.
Espainiako Auzitegi Nazionalaren ebazpenean dago oinarritua erabakia eta dioenez, Altsasuko gazteak zigortu zituen ebazpenean ez zen terrorismorik aipatzen, beraz, ez administrazioak ez Auzitegi Nazionalak ezin dute terrorismoaren biktimen kalte ordainik onartu.