Datozen urteetako maskaradak eta pastoralak noiz eta non?

  • Erabakita dute zuberotarrek datozen hamar urtetako pastoralak eta hiru urtetako maskaradak zein herrik emango dituzten, eta zerrenda luzatzen doa urtetik urtera. Hilabete honetan gehitu dira, adibidez, Lakarri-Altzaiko herritarrak. Martxoaren hasieran Xiberoko Boza Irratian iragarri zuten 2024rako maskaradak prestatzen ari zirela; egun batzuen ondoren, ordea, adierazi dute 2025ean emango dituztela. Izan ere, kontuan hartu gabe zuten duela bi urte Pagolako gazteek adierazi zutela 2024ko maskaradak antolatuko zituztela. Beraz, Lakarri-Altzaiko gazteek urtebete atzeratzea izango dela egokiena erabaki dute.

Artikulu hau CC BY-SA 3.0 lizentziari esker ekarri dugu.

2022ko apirilaren 07an - 09:12
Abdelkader pastorala, Ürrustoi-Larrabile, 2021-07-25. Argazkiak: Amaiur Aristi - Dantzan

Herritarrek ikusten dutenean badela taldea eta gogoa maskaradak edo pastorala prestatzeko hedabideetan ematen du horren berri. Gerta liteke urte berean herri bat baino gehiagok adieraztea pastoralak edo maskaradak prestatzeko asmoa. Orduan, akordiora iristen saiatu ohi dira eta ez badute lortzen posible da urte berean bi herrik antolatzea maskaradak. Pastoralen kasuan ez da izaten horren ohikoa urte batean bi pastoral plazaratzea, baina gertatzen da tarteka.

Barkoxeko maskaradak, Barkoxe, 2021-01-08. Argazkia: Amaiur Aristi - Dantzan

Hemen dituzue datozen urteetako maskaradak eta pastoralak nork eta noiz emango dituzten adierazten duen zerrenda:

Maskaradak

  • 2023 Maule
  • 2024 Pagola
  • 2025 Lakarri-Altzai

Pastoralak

  • 2022 Muskildi
  • 2023 Urdiñarbe
  • 2024 Gamere-Zihiga
  • 2025 Barkoxe
  • 2026 Sohüta-Hoki
  • 2027 Zalgize-Iruri
  • 2028 Altzürükü
  • 2029 Aloze
  • 2030 Idauze-Mendi
  • 2031 Lakarri-Altzai

Kanal honetatik interesatuko zaizu: Maskarada
2024-05-02 | Ainize Madariaga
Maskaraden hegaletan

Lehentze franko ditu Pagolako maskaradak: lehentze da Pagola herriak maskaradak ematen dituela; lehentze ere da Kabana pertsonaia neska batek jokatzen duela; lehentze ere da maskaradako txirulariak oro neskak izan direla, Urdiñarbeko barrikaden denboran; lehentze da... [+]


2023-12-01 | Euskal Irratiak
Maskarada bueltan da Pagolan ehun urteren ondotik

Xiberoa eta Baxe Nafarroa artetik jalgiko da aurten maskarada. Ehun urteko etenaldiaren ondotik, xiberotar usaia berreskuratuko dute aurten Pagolako gazteek.


2023-01-19 | Lide Iraola
Ez da buhamerik izango maskaradetan aurrerantzean, arrazakerian oinarrituta zegoelako

Hasi dira maskaradak Zuberoan, urteroko tradizioari jarraiki. Alabaina, tradizioak aldatu daitezkeela erakutsi dute aurten Maulen: lehen aldiz, ez da buhamerik izango. Pertsonaia horiek ijitoak ziren, eta estereotipoetatik eta arrazakeriaz antzezten zirela salatu izan dute... [+]


Eguneraketa berriak daude