Dantza Plazan berriro ere martxan da Gasteizen
Urtebeteko geldialdiaren ondoren, osasun neurriak hartuta eta lekuz aldatuta, Dantza Plazan programari ekin diote Gasteizen. Maiatza, ekaina eta iraileko zenbait ostiraletarako iragarri dituzte hurrengo dantzaldiak.
aurre egingo dieten hedabide independenteak
Urtebeteko geldialdiaren ondoren, osasun neurriak hartuta eta lekuz aldatuta, Dantza Plazan programari ekin diote Gasteizen. “Oso hunkigarria izan da hasiera, jendea dantzarako gogoz dago”, azaldu digu Jon Fernandez antolatzaileetako batek. Udal Folklore Akademiak, herritarrak plaza dantzetara gerturatzeko hainbat dantzaldi antolatu ohi ditu, eta aurreko urtean dena bertan behera gelditu bazen ere, aurtengoan berriro heldu diote ekimenari. Maiatzaren 7an hasi ziren, eta dagoeneko hiru saio egin dituzte.
EAEn oraingoz erromeria irekiak debekatuta daude, beraz, baimena eskuratzeko, plaza guztiz itxi, sarrera kontrolatu eta izen-ematea antolatu behar izan dute. Dantzariek uneoro musukoak erabiltzea derrigorrezkoa da eta kontaktu fiskoa eskatzen duten dantzak baztertu dituzte. Maiatza, ekaina eta iraileko zenbait ostiraletarako iragarri dituzte hurrengo dantzaldiak.
Egokitzapenak eta aldaketak
2020an ezinezkoak izan zen, baina aurten hainbat aldaketekin eta egokitzapenekin dantza saio horiek antolatzeko aukera ikusi da. Plaza Berritik Florida Parkera aldatu dute dantzarako eremua, espazio hori ixteko egokiagoa baita. Hesiekin eta gortinekin estali dute ingurunea eta errepertorioan ere hainbat aldaketa egin dituzte, batez ere, dantzarien arteko kontaktu fisikoa saihesteko. Horrez gain, parte-hartzaileek momentu guztian musukoak jantzita izan behar dituzte. Lehenengo saioa 80 pertsonako edukiera mugarekin egin zuten, bigarrena 100 pertsonakoarekin eta, azkena, 120koarekin; datozenetan ere kopuru horri eustea aurreikusten dutela esan digu Fernandezek.
Sarrerak aurrez
Dantzaldian parte hartu nahi duenak aurrez eskuratu behar ditu doako sarrerak, ekitaldi aurreko astelehenean. Pertsona bakoitzak gehienez 4 sarrera jaso ditzake. Horretarako, 945 16 16 18 deituta edo online erreserbatu daitezke sarrerak.
Dantza Plazan 2021
- Maiatzak 7, 20:00etan
- Maiatzak 14, 20:00etan
- Maiatzak 21, 20:00etan
- Maiatzak 28, 20:00etan
- Ekainak 4, 20:00etan
- Ekainak 18, 20:00etan
- Irailak 10, 19:30ean
- Irailak 17, 19:30ean
"2000. urteko San Joan egunez, aspaldiko urteko jende multzorik handiena bildu zen Andoaingo Goikoplazan, hamabiak jotzearekin batera dantzarako prest. Lehenengo aldiz gizon eta emakumez osatuta zegoen axeri-dantzarien taldea zen". Hitz horiekin ireki zuen "Emakumeak... [+]
Elkarrizketa ilustratzeko erabili dugun argazki nagusia 1970eko hamarkadan hartua da. Erratzuko plaza festetarako apainduta ageri da, ezpelez atonduriko ohiko eszenatokiarekin eta etxetik etxera zintzilik, dilindan dauden xingolekin. Urrunean bi soinulari agertzen dira, Maurizio... [+]
Adina ez dela dantzan aritzeko oztopo agerian utzi dute Errenteria-Oreretako Beti Bizkor elkarteko euskal dantza taldeko kideek. Dantzaren onurak argi erakusten dituen testigantza esanguratsuak jaso ditu Ikerne Zaratek Oarsoaldeko Hitzan argitaratutako Adina ez dadin ekiteko... [+]
Biteri Kultur Etxean egin dugu zita Pepi Arrospiderekin (Hernani, 1952). Izaskun Auzmendirekin (Arribe, 1964) agertu da, biak San Joan konpartsako kideak. Telefonoa. Auzmendirena da, hizketan hasi da, baina Arrospide adi-adi dago. Ia sartu da telefonora bera ere. Segituan... [+]
“Guk entseatu egiten genuen, mutilei erakusten genien, parrilarako laguntza behar zutenean hor egoten ginen, baina gero sekula ere ez genuen dantzatzen plazan, ezta burutik pasa ere”. Oihane Auzmendi Iturbe (Legazpia, 1977) Sustraiak dantza taldeko dantzaria da,... [+]
Aitzindariak elkartea Aitzina Biga ikuskizuna prestatzen ari da. Ehun parte-hartzailetik gora izango dira dantzan, musikan, antzerkian, kantuan eta bertsotan apirilaren 19an Maulen aurkeztuko den ikuskizunean. Uztaila bitarte, beste lau emanaldi izango dira: Miarritze, Arrasate,... [+]
Azaroan estreinatu zuen bere lehenengo lana Nagore Tamayo dantzariak (Tolosa, 2000): Nondik abiatu inora izena du, eta Natalia Belén dantzariarekin batera gorpuztu du. Bere herrian egin dugu hitzordua, Zumardi Handian.
Festa egiteko musika eta kontzertu eskaintza ez ezik, erakusketak, hitzaldiak, zine eta antzerki ikuskizunak eta zientoka ekintza kultural antolatu dituzte eragile ugarik Martxoaren 8aren bueltarako. Artikulu honetan, bilduma moduan, zokorrak gisa miatuko ditugu Euskal Herriko... [+]
Iurretan 1995ean andreek soka-dantza nola plazaratu zuten idatziz jasoa du Jon Irazabalek. Izan ere, 1837ko San Migel jaietan emakumeek osatutako aurreskua dantzatu zela ikusita, arrasto haiei jarraika, kopla doinuz lagundutako soka-dantza ikasi eta kaleratu zuten Iurretako... [+]
Dantzaren munduan gabiltzanok askotan errepikatzen dugun ideia da dantza efimeroa dela. Elhuyar hiztegiak espainoleko "efímero"-ren ordaintzat ematen ditu honakoak: efimero, suntsikor, galkor, iragankor, iraungikor, ilaun. Ez dut gogoan nori irakurri nion... [+]
Azken urteetan Lapurdiko kontserbatorioan euskararen eta diziplina tradizionalen presentzia handitu da eta euskal dantzako ibilbideari forma ematen ari dira; irailean hasi da lehen zikloa. “Herri Elkargoa sortu zen Iparraldean eta nahi zuten herri musika eta herri... [+]
MOOR KRAD
Nork: Ertza konpainiak.
Noiz: urriaren 3an.
Non: Getxoko Muxikebarri aretoan.
---------------------------------------------
Bi urte atzera izan nuen Moor Krad obraren berri; hain zuzen, Ertza konpainiako kideek dantza pieza sortu eta estreinatu zuten... [+]