ARGIA.eus

2020ko ekainaren 06a

Covid-19 izurritearen uhina munduan zabaldu eta burtsetaraino iritsi da

  • Txinan hildakoen kopuruak hazi eta munduan zehar pixkanaka zabaldu arren Covid-19 gripe txinatarraren astindurik ez zen asteotan nabari munduko burtsetan eta horixe zen zenbait aditurentzako izurritea kontrolatzeko bidean egon zitekeela sinesteko argudioetako bat, ez baita ezer beldurtiagorik dirua baino, ziotenez. Astelehen honetan, otsailak 24, kutsadura eta hilen kopuruak Hego Korea eta Italian handitzearekin batera egin dute behera burtsek.

ARGIA @argia
2020ko otsailaren 24a
Covid-19aren biktimen estatistika 2020ko otsailaren 24an, eguerdiko 13:03an. (Irudia: Johns Hopkins institutua)

Astelehen goiza %2 eta gehiagoko galerekin hasi dute mundu osoko burtsek. Italian MIB indizeak %4 galtzen zuen, Espainiako Ibexak %3,Paris, Londres eta Frankfottekoek ere %3 galtzen zuten... Asiako burtsek tonu bera eduki dute goizean eta arratsaldean ikusiko da AEB eta Kanadakoek zein joera hartzen duten. Petrolioari dagokionez, Brent upelak portzentai bereko merketzea jasan du goizean zehar.

Europari dagokionez, burtsen jaitsierak iradokitzen du inbertsiogile handiak hasi direla kontutan hartzen Covid-19 koronabirusak konpainia eruroparrei ere kalteak eragingo dizkiela beren emaitzetan. Azken hilabeteetan deigarria zen, zenbait aditurentzako, burtsek beren gorakadari nola eusten zioten gero eta nabarmenagoa zen arren munduko ekonomiaren hazkundea moteltzen ari zela. Orain motelaldiari koronabirusak eragindako lurrikara gehituko zaionean, ikusi beharko da ondoko egunetan zein joera hartzen duen diruak, batik bat kontutan hartuta edozein krisi berriri aurre egiteko dagoeneko tresna mugatuak dauzkatela banku zentralek eta agintariek, aditu honek iradoki duen moduan:

 

Bizkitartean, Johns Hopkins institutuaren kontabilitatean Covid-19 koronabirusak orain arte (otsailak 24, eguerdiko 13:03) hildakoak 2.626  dira eta kutsatuak ia 80.000. Txinan lanak dituzte, berrogeialdiak eta eskualde osoen blokaketak gora behera, izurriteari hesiak jartzen baina munduan zehar zabaltzen jarraitu du bitartean birusak. Irandik zabaldu diren datuak konfirmatu barik ere (zenbait iturrik 50 hildako aipatu ditu, agintariek errapostu egin dute kopurua dozena batera mugatuz), Ipar aberatseko herritarren artean benetan kezka zabaldu dutenak Italiako (4 hildako, 215 kutsatu) eta Hego Koreako (8 hildako, 833 kutsatu) datuak izan dira.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Koronabirusa

Koronabirusa kanaletik interesatuko zaizu...

Azkenak
EGILEA
Argia buletina
Egunaren laburpena
zure e-postan
Eguneraketa berriak daude