Cannes-eko jaialdian ikusiko da Raul de la Fuente nafarraren 'Another Day of Life'

  • Raul de la Fuente zuzendari nafarrak Damian Nenowrekin batera zuzendu duen Another Day of Life animaziozko filma aukeratu dute Canneseko zinema jaialdirako. Emanaldi berezia izango da eta lehiaketatik kanpo egon arren, ikusmina eragin du: filmak Ryszard Kapuscinski kazetari eta idazlearen Jeszcze dzien zycia liburua eramango du pantaila handira.

Gorka Bereziartua Mitxelena @boligorria
2018ko apirilaren 20a
Raul de la Fuentek animaziozko film batekin lortu du Cannesen sartea.

1975eko Angolako gerra zibilean Kapuscinskik bizi izandakoa da filmaren ardatza: kazetari gisa gatazka haren berri ematera joan zen artean 43 urte zeuzkan poloniarra; eta gerraren beroan jasotakoak liburu bihurtu zituen, baita obra horri esker nazioarteko sona lortu ere.

Kronika hura animaziozko film bihurtu dute de la Fuentek eta Nenowk eta Bordeleko Cartoon jaialdian zati bat erakutsi ondoren –15 minutuko puska bat–, askoren interesa piztu zuen, filmak animazioa, artxiboko irudiak eta zuzeneko ekintzak nola uztartzen dituen ikusirik.

Kanaki Films etxeak ekoiztu du filma, Poloniako Platige Image estudioarekin batera. Azken urteetan, Kanakikoak ezagun egin dira Minerita dokumentalari esker, zeina mundu osoko hainbat zinemalditan ikusi ahal izan den, baita Oscar sarietarako “shortlist”-ean sartu ere –nolabait, Oscarren finalerdiak liratekeenak–.

Lehenago, de la Fuentek Euskal Herriko publikoaren arreta eskuratu zuen Nömadak TX filma ere zuzendu zuen, beste zenbait dokumentalen artean.

Filmaren ekoizpenean zeresan handia izan duen Amaia Remirezek ostiral goizean Euskadi Irratiari azaldu dionez, filmaren estreinaldi komertziala urte honetako irailean edo urrian egingo da, oraindik data zehatzik ez baldin badaukate ere.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Zinema

Zinema kanaletik interesatuko zaizu...
Lezo Urreiztietak egin ez zuena

Santurtzi, 1907ko urriaren 16a. Lezo Urreiztieta Rekalde kontrabandista, mugalaria eta Jagi-Jagi nahiz ELAko kidea jaio zen. Txikitatik, aitaren itsasontzia izan zuen eskola eta hamar urte betetzerako kontrabandoan ari zen. 1981ean hil zen Baionan eta bere bizitzan egindakoak sinestezinak dira, literalki.


'Azken otsoa' euskarazko film laburra Zinebi jaialdian lehiatuko da

Nazioarteko 52 film izango dira ikusgai azaroaren 9tik 16ra bitartean, tartean euskara hutsean ekoitzitako Iker Maguregiren Azken Otsoa fikziozko lana eta beste bost Euskal Herrian grabatutakoak. Bilboko Golem zinemetan proiektatuko dira.


Nork hil nahi zuen Bob Marley?

Horrela dira gauzak nazioarteko agenda mediatikoan: urtetan ahaztuta egon da Bob Marley eta halako batean, nonahi ikusten hasten zara. Zergatik? Ba Netflixek estreinatu duen dokumental batengatik: Who Shot the Sheriff? lanean aztertzen da zer geratu 1976ko abenduaren 3an, zazpi pertsona abeslari jamaikarraren etxean sartu zirenean, han zegoen jende guztiaren kontra tiroka.


Bizinema Bang Bang
"Zinemaren espiritu ludikoa berreskuratu nahi dugu"

Pelikula batzuk hobeak dira jende gehiagorekin ikusiz gero. Horri festa giroa gehituz gero, are esperientzia gozagarriagoa. Hala pentsatzen dute Irungo Bizinema Bang Bang ekimenaren bultzatzaileek. Zinema telebistan kontsumitzeko ohitura zabaldua dagoen garaiotan, 1980-90eko hamarkadetako film ikonikoak pantaila handian eta jatorrizko bertsioan ikusteko aukera eskaintzen dute.


Aukerak eta loturak

Izaro filmaren kronika. Zuzendaria: Txuspo Poyo. Irailaren 23an, Donostiako Zinemaldian ikusia.


2018-10-26 | Iņigo Igartua
Fikziozko LOPE film "zoroa" asteburuan estreinatuko dute Oņatin

Filmaren aurre-estreinaldia urriaren 27an gaztetxean egingo dute Lope Agirre hil zuten eguna gogoratzeko eta emanaldi publikoa urriaren 28an Santa Ana antzokian izango da.


2018-10-18 | Axier Lopez
Netflix-ek Italiako tortura kasu bat argitzen lagundu zuenekoa

10 urteko isiltasun eta ukazioaren ostean, Italiako Stefano Cucchiren hilketaren kasua argia ikusten hasi da. Polizia batek gazteari egindako torturak berretsi ditu orain, eta horretan, Sulla mia pelle filmak ere badu zeresana.


Helena Taberna
"Nire herrian oinarritutako zinema egitea gustatzen zait"

Euskadiko Filmategiak Helena Tabena zinemagile altsasuarraren inguruko liburua argitaratu du, eta haren lanaren atzera begirakoa antolatu du Donostian eta Bilbon.


2018-10-09 | Uztarria
Xanti Rodriguez zuzendari azpeitiarraren 'Lekaime' film laburra, Sitges-eko festibalean

Sail ofizialaren barruan film laburren atalean lehiatuko diren hamar lanak eman dituzte asteburuan Fantasiazko Nazioarteko Zinema Jaialdia, tartean azpeitiarrarena.


Azkenak
EGILEA
Eguneraketa berriak daude