Cabacas auzia artxibatzeko Fiskaltzak egindako eskariak Iñigoren senide eta lagunen "erraiak erre" ditu

  • Fiskaltzak Iñigo Cabacas auziaren artxiboa eskatu du. Albisteak "erraiak erre" dizkiela aitortu dute Iñigo Gogoan herri ekimeneko kideek, eta "argi eta garbi" errepikatu dute "Iñigoren erailketa ezin dela artxibatu".

Artikulu hau CC BY-SA 3.0 lizentziari esker ekarri dugu.

2017ko maiatzaren 09an - 09:35

Bost urte igaro dira Iñigo Cabacas Ertzaintzak jaurtitako pilotakada baten ondorioz hil zela. Senide eta lagunentzat hasieratik ibilbide "mingarri" izan da. Besteak beste, "fiskaltzak ere izandako jarreragatik" salatu dutenez. Behin eta berriz errepikatu dute Iñigo Cabacasen senide eta lagunek "arduradunak estaltzen ari direla batzuen eta besteen artean". Ildo honetan, euren ustez, Fiskaltzaren papera "azpimarragarria" izan da.

Joan den ostiralean zabaldu zen, instrukzio epailearen irizpidearen aurka, auziaren artxiboa eskatu duela Fiskaltzak. "Arlo judizialean ikusten ari garen esperpentoaren esperpentoan", Iñigo Gogoan ekimeneko lagunen esanetan. "Lotsagabetzat" jo dute Fiskaltza, bost urte pasa ostean, eta "instrukzioko epaileak ere hain argi adierazi duenean hiru furgonetak Indautxuko kailejoian izandako jarrera arduragabearen ondorioz hil zela Iñigo, hitzez hitz, 'incumpliendo los principios básicos de proporcionalidad, prudencia, necesidad y seguridad'". 

Hori dela, "argi eta garbi" behin baino gehiagotan zabaldu duten mezua errepikatu dute: "Iñigoren erailketa ezin da artxibatu". Inpunitatearekin amaitzeko, eta "Iñigorekin egindako injustizia handiagotu nahi ez bada", epaiketa egitea beharrezkoa dela adierazi dute, "nahiz bertan epaituak izan beharko ziren guztiak inputaturik ez egon".

Albiste hau Bilboko Uriolak argitaratu du eta CC-by-sa lizentziari esker ekarri dugu ARGIAra


Kanal honetatik interesatuko zaizu: Inigo Cabacas auzia
2022-04-11 | ARGIA
10. urteurren ekitaldian
Iñigo Cabacasen gurasoak: “Ez dugu epaitegian irabazi, baina bai kalean”

Omenaldia egin diote Iñigo Cabacasi, bere heriotzaren hamargarren urteurrenean. Iñigo Cabacas Lizeranzu plaza izendatu dute Ertzaintzaren pilotakada batek hil zuen kantoia. Antolatzaileek eta gurasoek herritarren babesa eskertu dute, eta erakundeen... [+]


2022-04-06 | ARGIA
Hamar urte bete dira Ertzaintzak Iñigo Cabacas zauritu zuenetik, eta larunbatean omenaldia egingo diote

Apirilaren 5ean hamar urte bete dira Ertzaintzak jaurtitako gomazko pilota batek Iñigo Cabacas larriki zauritu zuenetik. Apirilaren 9an, ostera, Cabacasen heriotzaren hamargarren urteurrena beteko da, pilotakadaren ondorioz hil egin baitzen gaztea. Data seinalatu... [+]


2022-01-19 | Leire Artola Arin
Iñigo Cabacasen gurasoek Erkorekari galdegin diote ea ez duten aitortzarik merezi

Abenduaren 15ean Ertzaintzak artxibatu egin zuen Cabacasen hilketari buruzko barne ikerketa, eta gurasoek gutun batean adierazi dute “harridura eta atsekabea” eragin ziela erabakiak. Josu Erkoreka Jaurlaritzako Segurtasun sailburuari leporatu diote euren samina... [+]


2021-12-16 | Jon Torner Zabala
Cabacas auzia: Barne ikerketa artxibatu du Ertzaintzak

Eusko Jaurlaritzako Segurtasun sailburu Josu Erkorekak azaldu duenez, sei auzipetuei ezin zaie ardura diziplinariorik eskatu, haietako bost (Juan José de Pablo 'Ugarteko' ertzainburua tartean) jada ez direlako funtzionarioak, eta seigarrenak, tiro egiteko agindua... [+]


2021-04-20 | ARGIA
Cabacas auzian kondenatutako ertzainari kartzela zigorra bertan behera utzi dio auzitegiak

Bizkaiko Auzitegiak erabaki du bi urtez bertan behera uztea Iñigo Cabacas hiltzea kondenatutako Ertzaintzako agenteari ezarritako bi urteko kartzela zigorraren gauzatzea. Ebazpenaren arabera, espetxe zigorra betearaziko diote, baldin eta Juan Jose de Pablo ertzain... [+]


Eguneraketa berriak daude