“Zer gertatzen zen begiratzeko buelta eman nuen eta danba, Ertzaintzaren balak aurpegian eman zidan bete-betean”
San Sebastian eguna izan zen joan den asteko asteazkenean. Festa garrantzitsua donostiarrentzat. Azken asteetan Donostiako Alde Zaharrean gertatu den moduan tabernak ixteko ordua gerturatu zenean ertzainek auzoa hartu zuten eta istiluak jazo ziren. Alde Zaharreko Gazte Asanbladak salatu duenez, udaltzainak gazte bat atxilotzen saiatu ziren, “batzuek zergatik atxilotzen ari ziren ere ez zekiten arren”. Ingurukoak atxiloketa gelditzen saiatu ziren eta Ertzaintzari eskatu zioten laguntza. Azkenean, hainbat gazte atxilotu zituzten eta beste hainbat zauritu. Zaurituen artean dago Nahuel Gómez Rodríguez tabernaria. Lanetik etxera zihoala hautsi zioten matrail hezurra, foam bala bat aurpegira botata.
Zer gertatu zen asteazkenean? Nolako giro zegoen Alde Zaharrean?
Egia esan ni lanean egon nintzen egun osoa. 14:00etan tabernara iritsi nintzenean giroa triste eta hutsa zegoela iruditu zitzaidan, baina gutxika jendea animatu eta gure tabernako terraza bete zen berehala. Ez uste edukiera mugak, ea jendeak distantziak eta maskaren erabilera errespetatzen ari ziren kontrolatzera inor agertu zenik. Ez, ez!
Argi zegoen jendeak San Sebastian eguna ospatzeko gogo izugarria zeukala. Tabernako bozgorailuetatik Donostiako martxa jarri genuenean terraza osoak, makil, txalo, egurrezko plater edota hankekin alai eta pozez beterik martxa jarraitu eta abestu zuen. Ederra izan zen.
Hedabideek eta arduradunek jende-pilaketari eta kale-zurrutari botatzen diote errua, zu nola harrapatu zintuen poliziaren kargak?
Esan dudanez, polizia ez zen egun osoan zehar tabernan agertu ea distantziak, edukiera eta maskaren erabilera zuzena errespetatzen ari ziren ziurtatzera. Guk egin behar izan genuen beraien lana (hainbat hilabete gabiltza horrela). Baina 20:00ak aldera lan eta lan ari ginen bitartean entzun nuen zurrumurruren bat Konstituzio plazan, San Telmon, Bretxan eta beste hainbat lekutan hiruzpalau furgoi agertu zirela eta denok gauza bera pentsatu genuen: “Ez dugu gau lasai eta alai batekin amaituko eguna...”
Minutuak pasa eta hasi nintzen lagunek whatsappeko taldeetara bidaltzen zituzten mezuak irakurtzen: 'konejera bat sartu da ziztu-bizian X kalean', 'ertzain taldeak ikusi ditut ezkutu eta guzti San Telmon Alde Zaharreruntz sartzen'. "Akabo gure jaiak" pentsatu nuen.
Zehatzago konta dezakezu nola gertatu zen zauritu zintuen karga?
Alde Zaharreko Boulevarrean gertatu zen. Lana amaitutakoan, eta dagoeneko arazo eta kargak hasi zirela banekienez, autobusa hartu bitartean denbora pasa geratu nintzen tabernan, garbitu eta gero ahalik eta azkarren iristeko geltokira, autobusera igo eta etxera joateko istilu guztiak saihestuz.
Behin autobusaren geltokian nengoela argi ikusi nuen ez zela autobus zerbitzurik egongo Boulevarra zegoen moduan egonda. Zer egin erabaki bitartean inguruetara begira nengoela lagun bat ikusi nuen bere txakurrarekin kalearen beste aldean.
Esan nion ez zela txakurrarekin kalean egoteko leku eta momentua, are gutxiago Boulevarrean zegoen giroarekin. Etxera joateko konbentzitu nuen eta nik autobusik edukiko ez nuenez etxera oinez joatea erabaki nuen. Grosen bizi naiz, Ategorrietan, eta bigarren zubirako bidea hartu genuen, Burger King dagoen izkinarantz joan ginen, Maria Cristina hotelaren aldera, eta justu tarte horretan dagoen errepideko semaforoa gurutzatu bezain laster oihuak eta istiluak entzun ziren berriro. Buelta eman nuen zer gertatzen zen begiratzeko eta danba!, aurpegian bete-betean eman zidan balak. Tamalez, diodanez, oso-oso azkar izan zen kolpea, buelta eman bezain laster jaso nuelako kolpea, eta ez zidan ezer ikusteko denbora eman. Oroitzapenak pixka bat lauso dauzkat baina uste dut lau edo sei ertzain ikusi nituela Whiskiaren museoaren inguruan dauden obretako aldamioaren azpian eta uste dut haiek izan zirela, gertuen zeudelako. Ez zeuden hain urrun, 30-40 metrora, ez gehiago.
“Tirar a dar” agindua eman zutela ikusten da bideo batean. Ikusi zenuen nora apuntatzen ari ziren?
Tamalez, oso-oso azkar gertatu zen eta ez nuen ezer ikusi. Notizia horiek guztiak hurrengo egunean ospitalean ikusi nituen eta irakurri nituen. Nik ere sare sozialetan-eta partekatu nituen. Tartean, ertzain batzuei ”Vamos a tirar a dar, ¿vale?” esaten entzuten zaiena. Hori ikusi nuenean, hori entzun nuenean... Dios, ez dakizu nolako amorrua, nolako inpotentzia... sua nabaritu nuen barrenean. Badirudi, gainera, justifikatuta eta guzti dagoela niri gertatutakoa. Ondo iruditzen zaie, benetan? Ikaragarria.
Tiroa jaso ostean zer gertatu zen?
Etxera bidean nirekin zihoan lagunak lagundu zidan. Kolpea jaso nuenean, momentuko berotasunarekin nik ez nuen min handirik nabaritu, baina bai nabaritzen nuen odol asko ari zitzaidala ateratzen ahotik. Burutik pasa zitzaidan lehen gauza izan zen: 'kabroiak, hortz bat hautsi didate'.
Baina nire lagunak ikusi ninduenean berehala atera zuen jantzita zeraman buffa eta zauria estaltzeko esan zidan. 'Nahuel, benga. Goazen Cuarto de Socorrora'. Orduan konturatu nintzen nire zauria nik uste baino larriagoa zela.
.jpg)
Zer moduz zaude orain, zer esan dizute medikuek?
Gaur [larunbata] da etxean pasa dudan lehen eguna eta egia esan zertxobait okerrago esnatu naiz. Ospitalean ez nuen inongo minik ezta molestiarik ere, asko lagundu eta medikazio ugari ematen zizkidatelako. Baina etxean parazetamolarekin pasatutako lehen eguna ez da ospitalekoa bezain profesionala izan, nabaritzen da aldea. Bestela, zer edo zer hitz egin dezaket, baina ahoa gehiegi zabaldu gabe.
Gertatutakoa dela-eta jarri da inor zurekin harremanetan?
Udalak bidalitako hiru pertsonarekin hitz egin dut oraingoz, besterik ez. Hainbat galdera erantzun nizkien astelehenean beraiekin biltzekotan geratu ginen salaketa jartzeko.
Lagun marika batek deitu dit galdetzeko nola salatu dezakeen hurrengoa: joan zen Akarlandara, EHUren parean dagoen parkera, eta komun publikoetan bi tiporekin zegoela, udaltzainen bizpahiru kotxe agertu ziren super azkar, poliziak sartu ziren komunera borrekin hormak kolpatzen,... [+]
‘Sanfermines de 1978. Los victimarios’ liburua kaleratuko du Txalaparta argitaletxeak. German Rodriguezen heriotzaren erantzule eta arduradunak biltzen ditu.
Bilboko hooligan inbasioari buruz idatz nezakeen, baina herri txiki batean bizi naiz ni eta ez dut sufritu. Euskaraldiari buruz idatz nezakeen, eskerrak emateko euskarari bizkarra ez ematen lagundu gaituzuenoi, baina ez da hori gorputzak eskatzen didana.
Egunak daramatzat gai... [+]
2023ko abuztuan, Bilboko Kale Nagusian, saltzaile ibiltari baten defentsan Poliziari aurre egin zion emakumeari hiru urteko espetxe zigorra eskatzen dio udaltzain batek. Bideo batek Poliziaren kontakizuna ezbaian jartzen du.
Ertzain talde bat bi gazte jipoitzen ileapaindegi batean. Lokal barrura sartu dituzte, San Frantzisko kaleko segurtasun kamerek polizia gehiegikeriak filmatu ez ditzaten, baina seguruenik ez zuten espero negozio horrek ere segurtasun kamera zuenik. Bilboko Kontseilu... [+]
Eusko Jaurlaritzako Segurtasun sailburuak esan du litekeena dela "ertzainen baten jokabide desegokiaren" ondorioz zauritu izana gizona. Pertsona horrek salaketa jarri zuen eta Ertzaintzaren barne ikerketa batek baieztatu du foam jaurtigailu baten inpaktua jaso zuela.
Mariaren Bihotza plazan egingo dute elkarretaratzea, 18:30ean, ertzainek erasotako pertsonei elkartasuna adierazteko eta inpunitate polizialari ezetz esateko.
Poliziaren indarkeria erregistratzen ditu Donostiako Txago kolektiboak. Berriki 2024 urteko Karrikaratu txostena aurkeztu du, zeinean jasotzen diren Poliziaren indarkeria formak, estrategiak, ezaugarri nagusiak, edo jo puntuan dituzten herritarren tipologia. 156 esku hartze... [+]
Ospitaletik irten eta berehala prentsaurrekoa eman du Iker Aranak, Errekaldeko gaztetxearen aurrean. Gaztetxearen desalojoan ertzainek "neurrigabeko indarkeria" erabili zutela salatu du, eta salaketa hurrengo egunetan aurkeztuko du.
Iazko abuztuan, Irundik gertu, ertzainek atxilotzean izan zuen bihotzekoa gizon batek. Eneko Valdésen heriotzaren ikerketan, Polizia errugabetu zuten.
Bilboko Etxarri II gaztetxearen hustuketan gertatutakoaz hitz egin du Ertzaintzaren jaurtigai baten ondorioz barrabila galdu duen 33 urteko bizilagun batek. Beste zenbait bizilagunekin zegoen han, gaztetxeko kideen elkartasunean, "modu baketsuan".
"Amorru handiko eguna" dela adierazi du Zabarteren senar Noboak, emazteak epailearen aurrean deklaratu berritan. 2024ko martxoan jokatu zen Realaren partidu baten atarian zauritu zen foam jaurtigai batekin, eta Donostiako ospitaleko Zaintza Intentsiboko Unitatean... [+]
Azken astean ezagutarazi moduan, Eusko Jaurlaritzaren Balorazio Batzordeak txosten banatan aitortu ditu estatuaren biktima gisa. Justizia sailburuak ekitaldi pribatu banatan entregatu dizkie dokumentuak.
Rosa Zarra Ertzaintzaren pilotakada baten ondorioz hil zela da Eusko Jaurlaritzako Poliziaren Biktimen Balorazio Batzordeak atera duen ondorioa, Berria-k jakinarazi duenez. Orain arte, Ertzaintzak beti egin dio uko bertsio horri, eta Rosa Zarra berak zuen gaixotasunaren ondorioz... [+]
Lau agenteak lesio-delituengatik ikertzen ari dira eta horrek galarazten du 2024ko amnistia aplikatzea. Polizia horietako batek, ustez, gomazko bala batekin begi bat zartatu zion Roger Español kataluniarrari.