Boliviako estatu kolpea salatzeko mobilizazioak deitu dituzte
Euskal Herriko hainbat hiri eta herritan elkarretaratzeak egingo dituzte ostiralean. Estatu kolpea salatzeaz gain, "Evo Moralesek hauteskundeak irabazi ondoren lortutako zilegitasun demokratikoa" berretsi nahi dute antolatzaileek.
Hego Euskal Herriko eragile ugarik dei egin dute ostiralean mobilizatzera. antolatzialeen artean daude EH Bildu eta Podemos alderdi politikoak, ELA eta LAB sindikatuak edota Etxaldeko emakumeak mugimendu feminista. Boliviako estatu kolpea salatu eta Evo Moralesen hauteskundeetako garaipenaren zilegitasun demokratikoa aldarrikatuko dituzte. Gertatukoaren harira, "herriaren borondatea errespetatzea" exijitu dute, eta nazioarteko komunitateak "isilik geratu" izana salatu.
Ohar baten bitartez, "Euskal Herrian eta munduan bakea helburu duten elkarrizketa eta negoziazio politikoei laguntzeko" konpromisoa hartu dute. Hona Euskal Herriko hiriburuetan deitu dituzten mobilizazioen xehetasunak:
- Bilbo: 19:30ean, Arriaga plazan
- Donostia: 19:30ean, Bulebarrean
- Gasteiz: 19:30ean, Andre Maria Zuriaren plazan
- Iruñea: 20:30ean, Udaletxe plazan
Adriana Guzmán Arroyo herri-hezitzaile aymara eta Boliviako feminismo komunitario antipatriarkaleko erreferentearekin batu eta kolonialismoa, arrazismoa, estraktibismoa, nahitaezko heterosexualitatea, familia, komunitatea, Estatua eta pribilegioak izan ditugu mintzagai,... [+]
Berreskuratzeko gaitasuna galtzen ari da Amazonia, deforestazioak eta degradazioak larriki kaltetuta. Egungo egoeran, planetaren birika berdea deitu izan denaren zati handi batean karbono gehiago isurtzen da airera, xurgatzeko gai dena baino. Berehalako neurriak eskatu ditu... [+]
Asteburuan aurrekaria ezarri dute Bolivian estatu kolpea ematen saiatzen direnentzat, hamar urteko espetxe zigorra ezarriz Jeanine Añez senatari ohiaren, Williams Kaliman Indar Armatuetako komandante ohiaren eta Yuri Calderon Poliziako komandante ohiaren aurka.
Bolivian izan dira Garabide elkarteko hiru kide, plan estrategikoa prestatzeko lehen saioetan, eta euskararen biziberritzearen gakoak azaldu dizkiete ketxua komunitateko kideei.
