Black Lives Matter-eko ekintzaile batek tiro bat jaso du buruan Londresen

  • Sasha Johnson Black Lives Matter (BLM) taldeko ekintzailea eta "Taking the Initiative" alderdi politikoko kidea egoera kritikoan dago, buruan tiro bat jaso ostean. Tiroketa Peckhamen, Londres hegoaldean, gertatu da eta poliziak ikerketa abiatu du.


2021eko maiatzaren 24an - 09:42
Argazkia: Taking the Initiative Party

Black Lives Matter (BML) mugimenduko aktibista den Sasha Johnsonek tiro bat jaso du buruan eta egoera kritikoan dago. Gertaera Londres hegoaldean (Erresuma Batua) jazo da gaueko 3:00ak aldera. "Taking the Initiative" alderdi politikoak sare sozialetan eman du gertatutakoaren berri.

Alderdiko kideek adierazi dutenez, tiroketa igandeko lehen orduetan gertatu da eta aktibistak "heriotza mehatxuak" jaso zituela azaldu dute. Poliziak ordea, oraingoz ez du mehatxuak egon direnik ziurtatu eta ez da atxiloketarik egon. 27 urteko gaztea zauriturik aurkitu zuten Peckhamen (Londres hegoaldean) 3:00ak baino lehenago, tiroketa bat izan zela jakinarazi zien dei bat jaso eta bertaratu ostean. Gertatutakoa argitzeko ikerketa abiatu dute jada.

Alderdiaren komunikatuak honela dio: "Tristura handiz jakinarazten dizuegu Sasha Johnsonek tiro bat jaso duela buruan. Oso egoera kritikoan dago ospitalean". "Sashak komunitate beltzaren inguruko bidegabekerien aurka borrokatu du beti. BLMko kide eta "Taking the Initiative" Alderdiko Zuzendaritza Batzordeko kide izateaz gain, Sasha hiru seme-alabaren ama ere bada, eta ahots indartsu eta boteretsua du gure jendearentzat eta komunitatearentzat", gaineratu dute.

"Taking the Initiative" (TTIP) beltzek gidatutako lehen alderdi politiko britainiarra da eta Johnson kide ezagunenetakoa da. 2020an lortu zuen ospea BLMren protestetan antolatzaile aktiboa izan zelako, eta gaur egun Erresuma Batuko mugimenduko pertsonaia nagusia bihurtu da. Kideen esanetan gizarte bidegabekeria desagerrarazteko helburuarekin aritu da protestetan parte hartzen eta hauek gidatzen.

 


Kanal honetatik interesatuko zaizu: Erresuma Batua
Mikroplastikoak ondare arkeologikoan

York (Ingalaterra), K.o. II. mendea. Eboracum erromatar hirian hainbat egitura eta etxe eraiki zituzten. Besteak beste, egungo Wellington Rowen harrizko eraikin bat egin zuten eta Queen’s Hotela dagoen tokitik igarotzen zen harresian arku bat jarri zuten. Bi aztarnategiak... [+]


Gilen Konkistatzailearen oinordeko aberatsak

Hastings (Ingalaterra), 1066. Gilen I.a Normandiako dukearen gudarosteak Harold II.a erregearen tropak mendean hartu zituen, eta tronua eskuratu zuen. Gilen I.a Konkistatzailea 1087 urtera bitartean izan zen errege.

Normandiarren konkistaren ondorengo erregealdi horretan,... [+]


Uztailean hasi nahi du Erresuma Batuak migratzaileak Ruandara deportatzen

Rishi Sunak lehen ministroak jakinarazi du deportaziorako "baliabideak" prest dituela "legez kanpoko migratzaileak" kanporatzeko. Auzia etenda dago Auzitegi Gorenaren erabaki baten eraginez, baina parlamentuak Sunaken lege bat onartu berri du horren gainetik... [+]


Ogi-apurrak Afrika espoliatuarentzat

Ghana, 1823. Ashanti Inperioaren eta britainiarren arteko lehen gerra hasi zen. Guztira lau gerra izan ziren bien artean, eta gatazka 1901 arte luzatu zen. Lehenago, europarrek herrialdeko Urrezko Kosta kontrolatzen zuten. Baina 1807ko esklabotzaren abolizioaren ondorioz,... [+]


Eguneraketa berriak daude