Bizikletaren erabilera bultzatzen ari dira hainbat hiri koronabirusaren aurreko neurri moduan
Munduko hainbat hirik bizikletaren erabilera bultzatzeko neurriak hartu dituzte, koronabirusaren hedapena saihesteko garraiobide egokia delakoan. Pandemiaren irteerarako ere neurri eraginkorra izango dela sinetsita daude hainbat osasun aditu. Euskal Herrirako adibide izan daitezke, nahiz eta zaila den burutik kentzen konfinamendu hasieran lanera bizikletan zihoan herritarrak ertzainekin izan zuen enkontrua.
Laura Galaup kazetariak bildu ditu eldiario.es hedabidean koronabirusaren hedapena saihesteko neurri gisa hainbat hirik bizikletaren erabilera bultzatzeko martxan jarri dituzten politikak.
Alemanian Osasun ministroak eta ikerlariek gomendatu dute
Berlin hiriko zonalde batzuetan bizikleten karrilak zabalago egin dituzte, txirrindularien artean 1,5 metroko segurtasun distantzia gorde dezaten, baliatuz pandemiaren garaian jarritako neurrien ondorioz trafikoa gutxitu egin dela eta beraz, lekua libratu dela errepideetan.
Jens Spahn Alemaniako Osasun ministroak duela hilabete gomendatu zuen bizikleta erabiltzea, garraio bide hori egokia delako koronabirusari aurre egiteko distantziak mantentzeko.
Osasun fisiko, mental eta mugikortasunean espezialistak diren hainbat ikerlari alemanek gutun ireki bat argitaratu zuten martxoaren 31n, oroitaraziz bizikletan ibiltzeak laguntzen duela "kutsatzeko arriskua gutxitzen" eta administrazioei eskatu zieten "azpiegituretan egokitzapenak azkar egitea", eta batez ere abiadura mugak jaistea, istripuak gutxitzeko.
Zeelanda Berria, Kolonbia eta Budapestek kilometroak gehitu dizkiote bizikleten sareari
Zeelanda Berriko Garraio ministro Julie Anne Genter-ek iragarri du azerak zabalago egin eta aldi baterako bizikletentzako karrilak eraikitzen dituzten hiriei, galtzada egokitzeko lan hauen %90a Gobernuak finantzatuko duela.
Kolonbiako Bogotá hiriburuak lehendik 550 kilometro errepide zituen bizikletentzako, eta martxoaren erdialdera aldi baterako beste 117 kilometro gehiago egokitu dituzte bizikletentzako.
Budapestek ere aldi baterako karrilak zabaldu ditu bizikletentzako. Iragarri du karril hauek irailera arte egongo direla erabilgarri, baina esperientzia positiboa bada, karril hauetako batzuek "finko bihurtu ahal izango direla pandemia pasa ostean".
Alokairuko bizikletak doan Brusela, Londres, Berlin eta Glasgow-en
Brusela hirian osasun langileei doan uzten die alokairuko bizikleta elektrikoak erabiltzen Billy etxeak, eta gainerako herritarrei ez dizkie kobratzen lehen 15 minutuak.
Glasgow hiriko udaletxeak akordioa egin du bizikletak alokairuan dituen Nextbike etxearekin, osasun langileak doan joan daitezen lanera. Londresek neurri berari eutsi dio.
Berlinen kasuan udala da bizikletaren alokairuaren lehen 30 minutuak ordaintzen dizkiena, herritar guztiei.
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]
Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]
Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.
Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.