BiziHotsa euskal erresistentzia kutxa jaio da COVID19aren ondorioei aurre egiteko
Hainbat gizarte-eragilek, kolektibo feministak, antiarrazistak eta antikapitalistak, sindikatuk eta euskal kooperatiben sareek erresistentzia kutxa bat jarri dute martxan "COVID19ak areagotu duen ofentsiba neoliberalari erantzuteko". 60.000 euro lortzea dute lehen erronka, 15 kolektiboren oinarrizko beharrak bermatzeko.
"Ez da osasun krisia bakarrik, krisi horren kudeaketa da egungo nekropolitika areagotzen duena, eta horrek gizarte ezberdintasunak handitzen ditu, komunitateen zaugarritasuna larrituz” adierazi dute ekimenaren sustatzaileek. Horregatik, BiziHotsa jarri dute martxan, erresistentzia kutxa gisa funtzionatuko duen plataforma. Helburua 21 egunetan 60.000 euro lortzea da, gero bigarren fase bat abiatzeko. "Zenbaiti asko irudituko zaio, baina hori da bizitzak balio duena, eta gaur egun ez dago ziurtatuta, erakunde publikoak ez baitira beren lana egiten ari", azpimarratu du Izarne Castillo ekimeneko kideak.
Eragileek eta norbanakoek egin ditzakete ekarpenak
Bilketa Coop57 Fundazioaren bidez egingo da. Dohaintzak desgrabatu ahal izango dira eta gardentasun fiskala ziurtatuko da. Dirua bi modutan jasoko da. Dohaintza handien eta hitzarmenen bidez: "Dagoeneko herrialde honetako gizarte-eragile handi ezberdinak hasi dira dohaintzak egiten"; eta crowdfunding masibo baten bidez, "pertsona guztiak inplikatu ahal izateko".
Dagoeneko doaintza egiteko modua dago webgune honetan. Kanpaina hasi eta gutxira 6.000 euro bildu dituzte dagoeneko: "Ilusioz beteta gaude eta harrera ona izango duelakoan gaude, euskal gizartea solidarioa eta konprometitua izan baita beti", esan du Izarne Castillok. "Geldirik eta beldurtuta nahi gaituzu, baina guk erresistentzia antolatuz erantzuten dugu", azpimarratu du.
Oinarrizko beharrei erantzutera bideratuko dira ekarpenak
BiziHotsa webgunea sortu dute, kolektibo ezberdinek laguntza eta bitartekoak eskatu ditzaten. Aurrera begira BiziHotsa kolektiboa hazten joango dela espero dute, baina lehen fase honetan, 15 proiektu kolektiboetan jarri dute arreta eta kolektibo horietara bideratuko da diru-bilketa. Hasiera batean elikadura, etxebizitza, errepresioaren aurreko ahalduntzea eta oinarrizko osasuna eta higienea bermatzera bideratuko dira ekarpenak.
Hauxe da ekimenaren berri emanaz zabaldu duten bideoa:
Katalunian Societat Catalana de Pediatria elkarteak pandemia kontrolatzeko ikastetxeetan aplikatzen diren neurriak bertan behera uzteko eskatu du, neurri horiek haurrengan dituzten ondorio kaltegarriak argudiatuz. Tartean dago gela barruetan maskararen erabilera kentzea, modu... [+]
Beste hainbat bezala COVID pasearen aurka Bilbon deituta zegoen manifestaziora joan ginen aurrekoan. Bertan adin, kolore, janzkera eta hizkera askotariko zenbat jende zegoen ikusteak asko poztu ninduen, eta tartean topatu nituen unibertsitate garaiko batailetako lagunak edo... [+]
Zarauzko Udaleko urtarrileko osoko bilkuran, galdera erantzunen txandan sei herritarrek hartu zuten hitza, eta Covid pasaporteak eragindako diskriminazioa eta beren bizipenak azaldu zituzten; tartean, pasaporterik gabe kiroldegira sartzeagatik atxilotuta bukatu zuen... [+]
Bermeon jaiotako eta bertara etorritako herritarren artean hilean behin egiten zuten tertulia dago Lurre Hurre proiektuaren oinarrian. Elkar ezagutu zuen herritar talde horren harremanetik abiatuta, eta konfinamendu garaian migratzaile askok bizi zuten egoeraz jabetuta, egitasmo... [+]
Joseph Andras (Le Havre, Frantzia, 1984) idazlea da. 2016an lehen eleberriagatik "Goncourt" sari famatua eman zioten, baina berak uko egin zion epaimahaiari esanda “lehia, konkurrentzia eta norgehiagoka arrotzak zaizkiela idazketari eta sorkuntzari”... [+]