Billabesa autobus zerbitzuko langile batek jasandako azken erasoa salatu dute
Martxoaren 22an izan zen erasoa, eta TCC enpresako berdintasun batzordeak salatu duenez, “sexu konnotazio erabatekoa” izan zuen. Protokoloak aplikatzeko eskatu dute, erasoen gorakadaren aurrean babesgabe daudelako.
Erasoa 16. linean gertatu zen, azken bidaian, eta erasotzaileak gidaria bakarrik egotea bilatu zuen, harengana hurbiltzeko eta kaltea eragin zion ekintza egiteko. Ez zuen laguntzarik jaso, eta salaketa jarri zuen. Berdintasun batzordeak sexu eraso gisa kalifikatzeko eta hala zigortzeko eskatu du.
Azkenaldian horrelako erasoek gora egin dute; ordutegi eta aisialdi ohituren aldaketagatik, lehen goizaldean gertatzen zena, orain, billabesen azken bidaietan gertatzen ari delako. Hori dela eta, erakundeei eskatu diete esku har dezatela, langileak babesik gabe ez uzteko protokoloak aktibatuz; eta TCC enpresari berdintasun-planak eta protokoloak eguneratzen jarraitzeko, eta aplikatzeko eskatu diote, askotan huts egin dutelako.
Adibide gisa, aipatu dute izu-botoi bat dutela egoera horietan sakatzeko, baina azken erasoaren kasuan ez zuela funtzionatu, une horretan ikuskatzaile bakar batek beste lan batzuk egin behar zituelako. Halaber, azken urteetan manparak eskatu dituzte, erasoen aurrean babesteko, baina ez zizkieten jartzen, arrazoi teknikoak aipatuz, eta pandemiarekin, ordea, jarri egin dituzte. Beraz, borondatea dagoenean, urratsak egiten direla ziurtatu dute.
EAEko Justizia Auzitegi Nagusiak ebatzi du hirugarren graduan dagoen presoak eskubidea duela langabezia jasotzeko. LAB sindikatuak aurrekari gisa ikusi du epaia eta urrats bat dela dio "presoen oinarrizko eskubideak aitortzera bidean".
Irunberriko etxe partikular batean lanean ari zela erorita hil da 42 urteko iruindarra. Sindikatuen esanetan, lan-segurtasun araudia "ez da betetzen" eta erantzukizunak argitzeko eskatu dute. LABen arabera, jadanik 42 dira Euskal Herrian lanean ari zirela hildakoak.
2017an izendatu zuten LABeko idazkari nagusi eta gaur egun Igor Arroyorekin partekatzen du koordinatzaile orokorraren kargua. Eredu sindikalak, aliantzak, helburu orokorrak eta etorkizuneko erronka handiak landu ditugu ondoko lerroetan. Eskuin muturraren mamua ere agertu da.
1970eko hamarkadaren erdialdean sigla dantza itzela zegoen euskal panorama soziopolitikoan, eta horien artean mordoxka bat ezker abertzalekoak. Mende erdi geroago, denboraren higaduraren edo errepresioaren ondorioz, horietako gehien-gehienak desagertuta daude, arbola bakarra... [+]
Espainiako Ministro Kontseiluak etxeko langileentzako osasun-azterketak, formazioa eta lan-arriskuak ebaluatzea ezartzen duen dekretua onartu berri du. Baina dekretu horrek arrakala garrantzitsuak ere baditu: langileari “sekretu profesionala” mantentzea eskatzen dio,... [+]
Nafarroako Foru Komunitateko hezkuntza publikoko sindikatuek (STEILAS, ANPE, AFAPNA, LAB, CCOO, ELA eta UGT) 2024ko irailaren 26ko ostegunerako greba deialdia aurkeztu dute Hezkuntza Departamentuko erregistroan.
30 urteko behargina hil da Amezketako (Gipuzkoa) paper fabrikan. Ibarra Argi Lanak enpresak azpikontratatuta zegoen. Elkarretaratzea egin dute ostiralean, 11:00etan, gertatutakoa salatzeko. 2024an hil den 38. langilea dela adierazi du LABek.
Juan Mari Aburto alkateak jai apartak izan direla esan arren, kale saltzaileek Aste Nagusian etengabeko tentsioa, jazarpena eta presentzia polizial neurrigabea bizi izan dutela kritikatu dute. Beren eskubideak babesteko neurriak adostu nahian uztailetik Bilboko Udalarekin... [+]
Esku-hartze sozialeko sektore publikoaren alde.
Istripu bat Ataunen (Gipuzkoa) gertatu da, abuztuaren 22an. Bestea Iurretan (Bizkaia) gertatu zen abuztuaren 14an.
Udan lantaldea asko murriztu da langile gehienek oporrak hartu dituztelako, eta sindikatuek salatu dute Correosek apiriletik langileen oporraldien berri izanda ere ez dituela langile gehiago kontratatu.
"Ez dugu aukerarik, hauxe da gure lantokia. Eusten saiatuko gara ". Itxiera eragozteko, Italiako fabrika bateko langileek "industria behetik birmoldatzearen" aldeko apustua egin dute, ekoizpen-bitartekoak beraiek kontrolatuta. Kanarietako energia-komunitate... [+]