Astelehen goizean egindako prentsaurrekoan jakinarazi dute kanpaldiarekin jarraituko dutela asteazkena arte, nahiz eta igande gauean Bilboko Udaltzaingoak hau hustu. "Kanpingak berriro ere kentzen badizkigute, herritarrei eskatuko dizkiegu". Igande gauez hustu zuen gunea Bilboko Udaltzaingoak, 22:00 aldera. OEEk (Ongi Etorri Errefuxiatuak) jakinarazi duenez, Hiritarren Segurtasun zinegotzi Tomas del Hierroren aginduz esku-hartu dute agenteek, nahiz eta deialdia legezkoa izan.
Migratzaile eta errefuxiatuen harrerari dagokionez instituzioak izaten ari diren konpromiso falta salatu eta Euskal Herrira heltzen diren norbanakoei babesa adieraztea zuen helburu Ongi Etorri Errefuxiatuak plataformak deitutako kanpaldiak. Urriaren 14tik 17ra arteko kanpaldiaren lehen egunean, baina, kanporatuak izan dira Areatzako Tinglatuetan tokia hartua zuten kanpin denda eta norbanakoak.
Bertara itzuli dira astelehen goizean, eta kanping dendak berriro muntatu. "Kanping dendekin gaude hemen kalean geratzen ari baikara. Kanping denda elementu sinbolikoa da eta izaten jarrituko du. Kontzentrazioak asteazken arte jarrituko du", adierazi dute prentsaurrean, Pikara magazinek jaso duenez.
Gertakaria “adierazteko eta manifestatzeko askatasunaren kontrako erasoa” dela salatu du plataformak, bai eta “udal aginpideen gehiegikeria” ere.
Igande gaueko hainbat bideo jarraian:
Hoy nos han desalojado de una acampada donde estábamos reivindicando que ninguna persona se quede en la calle. Al señor alcalde no le gustan "este tipo de cosas" en el centro de su ciudad@OEEbizkaia @Caravana_AF @ArabaOee pic.twitter.com/aUu7vnAh9V
— Juan Hernández Zubiz (@JuanHZubiza) 2018(e)ko urriaren 14(a)
La Policía desaloja y requisa la acampada organizada en los Tinglados del Arenal en #Bilbao para denunciar la falta de compromiso institucional en materia de acogida de migrantes y refugiadas que los deja en la calle @OEEbizkaia @Komiteak @feministalde @KARMELAbizirik @uriolaeus pic.twitter.com/JunnijE2GO
— Ecuador Etxea (@EcuadorEtxea) 2018(e)ko urriaren 14(a)
Ongi Etorri Errefuxiatuak plataformak urteroko Marea Horia izeneko mobilizazioa egin du zapatuan, Plentzia eta Gorlizko hondartzetan. Horietan bildutako lagunek salatu dute mundu osoko milioika pertsonak, euren jatorrizko herrialdeak utzi eta Europara iritsi nahian,... [+]
Duela gutxi Bilboko Alde Zaharrean kale salmentan ari zirenen aurka Poliziak izandako esku-hartze “neurrigabe eta biolentoa” ikertzeko eta esku-hartze hori “legitimatu eta justifikatu” duen Amaia Arregi Segurtasun zinegotzia kargugabetzeko eskatu du... [+]
Migratuen eta arrazializatuen kolektiboek eta elkarri laguntzeko sareek eta kolektiboek gau osoko kontzentrazioa deitu dute ekainaren 8an Bilbo, Donostia, Gasteiz, Iruñea, Barakaldo, Irun eta Artean, harrera duina aldarrikatzeko.