Hiru hilabete Bilboko Portutik armak Saudi Arabiara garraiatu gabe
Ongi Etorri Errefuxiatuak mugimenduko kide batek Radio Bilbaori jakinarazi dionez, dagoeneko hiru hilabete dira Saudi Arabiako itsasontziak ez direla Bilboko Portuan sartu. Aurreko hamasei hilabeteetan 455 kontenedore kargatu zituzten. Kolektiboaren ustez, mobilizazio sozialak beste portu batera mugiarazi ditu.
Bilboko Portutik Saudi Arabiara lehergaiz eta gudarako materialez beteriko kontenedoreak bidaltzen direla salatzen ari dira Ongi Etorri Errefuxiatuak, Mugimendu Feminista eta Greenpeace gisako eragileak.
Trafiko honen arduradun egiten dute Bahri izeneko itsasontzia, eta adierazi dutenez, orain arte hilean behin jasotzen zuen kargamentua.
Beren kalkuluen arabera, Ignacio Robles suhiltzaileak kargamentua igotzeari uko egin zionetik urte eta erdi igaro dira, eta denbora tarte honetan 455 kontenedore eraman dituzte Ekialde Hurbileko herrialde horretara. Hala ere, esan bezala, azken hiru hilabeteetan ez dela bidalketarik egin uste dute, eta hori horrela bada, "presio sozialagatik" izan dela.
Gaiari jarraipen zorrotza egingo diotela jakinarazi dute, baita Europa mailako mugimendu bat artikulatzeko saiakera ere, armen salmentaren aurka egiteko.
Helburua, "negozio eredu hau kanporatuko duen masa sozial kritikoa eraikitzea" dela adierazi dute.
Balirudike dena kontrolpean dagoela, badakitela guri nola sinetsarazi edozer, ez dugula inoiz, berez, guk nahi duguna egiten. Iragarki konstante batean bizi bagina bezala, esaten dugu “aukera berdintasuna”, eta pentsatzen dugu esaten ari garela “aukera... [+]
Ezohiko irudia ikusi zen Madrileko Moncloako jauregian martxoaren 18an: estatuko industria militarraren buru nagusiak Pedro Sánchez presidentearekin eta Margarita Robles Defentsa ministroarekin bilduta. Bertan ziren ere Hego Euskal Herriko enpresa militarretako buru... [+]
Badator gerra handi bat. Gastu militar ziztrin horiekin ez goaz inora. Trumpek bakarrik utziko gaitu oraingoan. Herritarrek prest egon behar dute Putinen aurrean... Europar Batasuneko agintarien artean nagusitzen ari den diskurtso hori, hitz bakarrean laburbiltzen da:... [+]
Europako Banku Zentraleko lehendakari orde Luis de Guindosek Europak dituen "mehatxuez" hitz egin du Bartzelonan: "Berriz ere erreforma estrukturalen inguruan hitz egin behar dugu".