Bilboko konpartsek protesta egingo dute sexu erasoen aurka
Bilboko konpartsen agiria azken sexu erasoen harira: "Gaur berriz erasoen aurkako protokoloa aktibatu dugu asteartetik hona egindako eraso sexistei erantzuteko. Ondorioz, elkarretaratzea deitu dugu gaur, abuztuak 26, arratsaldeko 18:00etan Arriaga plazan".
"Horrez gain, eta egoeraren larritasuna kontuan hartuta, konpartsok pausu bat gehiago eman nahi dugu gure haserrea gizarteratzeko eta Aste Nagusia gelditu ekimena abiatu dugu. Ordu beteko paroa egingo dugu, 23:30etik 00:30era eta,beraz, txosnak ixteaz gain, denbora-tarte horretan dauden ekitaldi guztiak atzeratuko ditugu.
Honekin batera, gonbitea luzatzen diegu Plaza Biribila, Berastegi, Albia Lorategiak, Pío Baroja eta Alde Zaharreko txosna eta tabernei ekimen honekin bat egin eta euren aktibitatea gelditzeko, eta elkarlanean ari gara udaletxearekin ordu horretan programatuta dauden jai-esparruko ekintzak ere geldi daitezen".
(Albiste hau Uriola.es-ek argitaratu du eta CC-by-SA lizentzia baliatuta ekarri dugu ARGIAra)
62 urte ditu erasotzaileak, eta aurreko astean eraso zion 13 urteko mutil bati. Leioako campusean, bestalde, gizon bat atzeman dute komun batean irudiak grabatzen.
Eremu digitalak, gizakion dinamiketatik edaten duen heinean, gizarte eredu ezberdinetan aurkitu ditzakegun antzeko arazoak ditu. Pertsonen arteko arazo asko botere kontua izan ohi da; botere arazoek indarkeria dakarte zenbaitetan. Esate baterako, indarkeria matxista.
Eremu... [+]
Bizkaiko Foru Aldundiko Emakumeak Babesteko eta Familiei Laguntzeko zerbitzuan, lau psikologotik hiru kendu dituzte. Are gehiago, langileek salatu dute indarkeria matxistaren biktimak artatzeko plan berriak emakume ugari uzten dituela kanpoan.
Emakumea oso larri dago erietxean, Sud Ouest egunkariak jakinarazi duenez. Haren bikotekidea izan daitekeen gizona fidantzarik gabeko atxiloaldian sartu dute, aurrekariak dituelako.
Indarkeria matxistaren datu "onartezinak" salatu ditu Txibite presidenteak. Izan ere, Nafarroan erregistratutako salaketen %17 sexu-indarkeriagatik dira. Hartara, bihar zabalduko duten Sexu Indarkerien Arreta Integraleko Zentro "seguru eta konfidentzialaren"... [+]