"Bilboko 32 ikastetxek joko aretoa dute 100 metrora edo gertuago"
“Ludopatiatik aske diren auzoak nahi ditugunak gero eta gehiago garelako, eta badakigulako kaleak hartuta baino ez dugula irabaziko”, ostiralean manifestazioa deitu du Bilboko Eragin elkarteak, “apustu etxeak itxi arte”.
Bi urte darama Eraginek apustu etxeen aurkako borrokan. Borroka hori fruituak ematen ari dela adierazi du elkarteak, astearte goiz honetan eman duen prentsaurrekoan: “Gero eta gehiago gara enpresa hauek gazteentzat eta orokorrean langile klasearentzat gaitza direla ikusten dugunak”.
Bilbon egoera jasanezina dela gaineratu dute: “Zabalburuk mota hauetako lau areto ditu, Deustok bost, Errekaldek lau, Santutxuk beste lau… eta Bilboko 32 ikastetxek joko areto bat dute 100 metrora edo gertuago".
Ostiralean, arratsaldeko 19:30ean aterako da manifestazioa, Zabalburutik abiatu eta Errekalde plazara arte.
Letoniako Olybet apustu etxearen izena ez da Osasunako jokalarien kamisetetan agertuko, ezta, besteren artean, estadioko euskarri fisikoetan edo telebista-iragarkietan ere, jokoaren sektoreko enpresen publizitatea arautzeko Espainiako Gobernuak onartutako dekretua dela-eta.
Joko arriskutsua goiz antzemateko eta prebenitzeko gidaliburua gazteei eta haien ingurukoei zuzendurik dago. "Jokoarekin lotutako arazoak edozein pertsonak izan ditzake, baina, bereziki, eurak dira kolektibo kaltebera", Eusko Jaurlaritzaren hitzetan.
Indarrean sartu da Eusko Jaurlaritzak eginiko jokoaren lege berria EAEn. Aurrerantzean, apustu etxeek ikastetxeetatik gutxienez 150 metrora egon beharko dute, eta bi joko aretoren artean 500 metroko distantzia errespetatu beharko dute.
Lau ataletan sailka daitezkeen aldaketak egingo ditu datorren hiruhilekoan Eusko Jaurlaritzak jokoaren erregulazioan: aretoen arteko eta ikastetxeekiko distantziak mugatuko dira, baita areto kopurua ere, horietara sarbidea kontrolatuko da, eta publizitarearekin lotutako... [+]
Haritik Hirira lantaldeak agerian utzi du apustu etxeen eta horien kokalekuaren arteko harremana, auzo batzuen eta besteen arteko bereizketa nabarmenarekin; horiek mugatu eta arautzeko beharraz ohartarazi dute Asajer errehabilitazioan diren Arabako jokalarien elkartetik.