Asteazkenean pasako da Espainiako Auzitegi Nazionaleko epailearen aitzinetik David Pla
Otsailaren 13an atxilotu eta goiz honetan gelditu da Espainiako poliziaren esku preso ohia. Elkartasunez eta espainiaratzea salatzeko elkarretaratzea eginen dute bihar 19:00tan Hendaiako herriko etxe aitzinean. Asteazkenean aztertuko dute ere Iratxe Sorzabalen aurkako laugarren euroagindua. Sorzabalen Espainiaratze eskaera salatzeko mobilizazioa eginen dute bihar, 19:30tan, Irungo Jenaro Etxeandia plazan.
Bihar goizeko 10:00etan pasako da Espainiako Auzitegi nazionaleko epailearen aitzinetik David Pla. Frantziako justiziak preso ohiaren kontrako euroagindua onarturik, otsailaren 13an atxilotu zuen Frantziako poliziak Hendaian. Goiz honetan gelditu da Espainiako poliziaren esku Pla eta ondoko orduetan helduko da Madrilera.
Pla Espainiaratzearen alde agertu zen Frantziako Kasazio Auzitegia iazko abenduan. Espainiako Auzitegi Nazionalak 2008ko ustezko bilera bategatik egin zuen euroagindu eskaera, ETArekin lotuta. Alta, Espainiak leporatutakoak Frantziako poliziaren txostenek gezurtatzen dituztela azaldu zuen auzitegian Xantiana Cachenaut defentsaren abokatuak.
Pla 2015ko irailean atzeman zuen Frantziako poliziak, Baigorrin, Iratxe Sorzabalekin batera.
Sorzabalen aurkako euroagindua aztergai, bihar
Beste espainiaratze eskaera bat aztertuko du bihar Frantziako justiziak: justuki, Iratxe Sorzabal preso politikoaren aurkakoa. Sorzabalen kontrako laugarren euroagindua da hau. Espainiaratze eskaera hori salatzeko mobilizazioa eginen dute biharko 19:30tan, Irungo Jenaro Etxeandia plazan. Bidasoaldeko Iratxeren Lagunak taldeak finkatu du elkartasun unea.
2001ean Guardia Zibilaren esku jasandako torturak salatu izan ditu auzibide horretan ere Sorzabalek. 2015ean, atxilotu zutenean, haren tortura salaketak frogatzeko prozedura bat irekitzeko eskatu zion Xantiana Cachenault abokatuak instrukzio epaileari. Istanbulgo protokoloa aktibatu eta mediku aditu baten azterketa izan zuen Fresnesko presondegian: "Medikuaren arabera, Sorzabalen tortura salaketak sinesgarritasun osoa du; estres post-traumatikoa antzeman zion". Euroagindua jasandako tortura horietan oinarritzen dela azaldurik, espainiaratzerik ez onartzea eskatu zuen defentsak. Orain arte, entzun-gabeko eskaera, hain zuzen, iazko azaroaren 19an Parisko Kasazio Auzitegia Sorzabal espainiaratzearen alde agertu zelako.
Urtero legez, hitzordua izan dute igandean Sare eta Etxerat elkarteek Hego Euskal Herriko 11 hondartzatan. Euskal preso, iheslari eta deportatuak etxeratzearen aldeko aldarriak egin dituzte.
Marijo Louis paristarra da sortzez, 1977an heldu zen Miarritzera Euskal Herriko borrokek erakarrita. Josetxo Otegi zizurkildarrak 1983an pasa zuen muga Gipuzkoatik Lapurdira, Poliziatik ihesi. AEK-ko irakasle eta ikasle zirela ezagutu zuten elkar. 1986an, GALen atentatuen,... [+]
Ibilbideen serie honetako ezberdinena dirudike Baiona Ttipiak, bere antzinako eraikinei beha jarriz gero: ez blokerik, ez adreilurik, ez maldarik.... herrixkatxo lasai bat da. Aitzitik, Errobi ondoko auzo honen historian barrena eginez gero, konturatuko gara borroka politiko... [+]
Lau egunez Lakuntza milaka lagunez bete du Hatortxu Rockek. Aurtengo edizioak presoen aldeko jaialdiaren bideari amaiera eman dio. Hala ere, abenduak 27rako jaialdi berria iragarri dute: Aske.
Jesus Maria Gomez Ezkerro 'Txutxo', 2001eko urtarrilean atxilotu zuten, 2021ean hirugarren gradua ezarri zioten, eta 2023ko otsailean baldintzapeko askatasuna eman zioten. 24 urte geroago aske geratu da.
26 urtez euskal preso eta iheslariak etxeratzeko aldarria oholtza gainera eraman ondoren, Hatortxu Rock jaialdiak bere azken edizioa egingo du ostegunetik igandera bitartean, Lakuntzan (Nafarroa). Jaialdian bildutako dirua preso sein senideentzat dispertsioak zekarren zama... [+]
"Euskal Herriaren jazarpena elikatzen du Euskal Herriaren bakearen bidean egindako akordiotzat saldu duten honek", adierazi dute larunbatean Arrasaten eginiko prentsa agerraldian.
Astelehenean, 40 urte beteko dira Joseba Sarrionandia eta Iñaki Pikabea presoek Martuteneko kartzelatik ihes egitea lortu zutenetik. Egiako pisu batean izan ziren ezkutaturik bi iheslariak, eta oraindik milaka eztarrik abesten dute «kristoren martxa dabil!».
GALek Baionako Monbar hotelean egindako atentatuaren urteurrenaren datatik gertu antolatu dute ekimena dozenaka herritarrek. Helburua "egia aldarrikatu, memoria landu eta GALen gerra zikinaren biktimak aitortzea" da, eta irailerako egitaraua aurkeztu dute.
Rosa Zarraren hilketaren 30. urteurrena da ekainaren 30ean. Ekainaren 29an, biolentzia polizialaren biktimaren omenaldian, hainbat eskakizun egin zituen Egiari Zor fundazioak. Zarraren familiak Juan Mari Atutxa Segurtasun sailburu ohiari barkamena eskatzea galdegin dio.
Bere konpromiso politikoagatik eta unibertsitatean zuen militantziagatik, eskuin muturreko taldeen hainbat eraso pairatu zituen 1987 eta 1988 urteetan. Hemezortzi urterekin pairatu zuen lehen erasoa, Bilboko Santutxu auzoan bizi zen eraikineko igogailuan; geroztik, hiru eraso... [+]
Aurrez, Plentziak, Alkizak eta Gernikak euskal errepublikaren parte izatea erabaki zuten. Baztanekin, dagoeneko Euskal Herriko lau herriek hartu dute erabakia.
78ko Sanferminak Gogoan plataformak eta Gasteizko Martxoak 3ko ekimenak bat egin dute espainiar estatuak gertakari latz horietan bere erantzukizuna onartu eta biktimen aitortza ofiziala egin dezan. 'Estatua Erantzule!' izena darama kanpainak.
Kartzelan 27 urte egon eta gero askatasunean geratu dela iragarri du Etxerat elkarteak.