Bi ertzain auzipetu dituzte emakume bati eraso egiteagatik Getxoko komisarian

  • Getxoko ertzain-etxean atxilotuta zegoen emakume bati eraso egiteagatik ertzain bi inputatu dituzte. Komisariako zaintza-kamerek jaso zituzten emakumeari emandako ukabilkadak eta zaplastekoak, El Correok zabaldu duenez.


2019ko apirilaren 24an - 09:41
El Correo egunkariak zabaldu du Getxoko ertzain-etxeko zaintza kameren irudietako bat.

2018ko maiatzaren 26an gertatu zen Getxon. Supermerkatu baten atarian dirua eskatzen ari zen pertsona bat identifikatzen ari ziren bi ertzain. Polizien jarrera ez-bidezkoa zela iritzita, emakume bat ertzainengana hurbildu zen. Emakumeak epaitegietan adierazi duenez, orduan ertzainetako batek bera bultzatu zuen hortik aldentzeko esanez eta beste ertzainak “popatik hartzera joateko” oihukatu zion.

Emakumea ez zen urrundu eta atxilotu egin zuten. Getxoko ertzain-etxera eraman zuten, eta ziegan sartu aurretik, emakumea saiatu zen bere kartera berarekin eramaten, ertzainek kontrakoa esan arren, emakumeak adierazi duenez, “polizia-etxeetan dirua galdu duten pertsonen kasuak ezagutzen zituelako”. Orduan, ertzainetako batek, hiru ukabilkada eman zizkion emakumeari aurpegian, zaintza-kamerek jaso zutenez. El Correo egunkariak zaintza-kamera horren bideoa eskuratu du.

Salaketaren arabera, 8.259 zenbakidun ertzaina da erasoaren egilea. Gertatutakoaren ostean, bi ertzainek zerbitzu medikuetara jo zuten eta medikuen txostenaren arabera, zenbait harramazka zuen ertzain horrek.

Eraso hau dela eta, bi ertzainek deklaratzera deitu zituzten ikertu gisa otsailaren amaieran Getxoko laugarren instrukzio epaitegian. Ertzainek ere erasoa sufritu duen emakumea salatu dute, “agintearen aurkako atentatua” egitea leporatuta.


Kanal honetatik interesatuko zaizu: Ertzaintza
"Enpresa pribatuen esku utzi da segurtasun publikoaren norabidea"

Ertzaintzaren azken hamarkadako bilakaera teknologikoa aztertu du bere liburu berrian Ahoztar Zelaieta ikerketa kazetari, kriminologo eta ARGIAko kolaboratzaileak. Segurtasunaren industria ikertu eta Ertzaintzarekin duen lotura plazaratu du, La Ertzaintza que viene... [+]


Eneko Valdés eta Juan Calvo, Ertzaintzaren zaintzapean hilak: 30 urteko aldea, kointzidentzia gehiegi

1993ko abuztuaren 20an Juan Calvo bilbotarra hil zen Arkautiko Ertzaintzaren komisarian, atxilo zegoela. 2023ko uztailean ARGIAk heriotzaren inguruko informazio eta datu berriak argitaratu zituen, agerian uzten zituztenak Calvok jasotako tratu txarrak zein Poliziaren gezurrak... [+]


2024-03-20 | ARGIA
Agerraldi psikotikoa zuen gizon bat hil da, Ertzaintzak "bortizki esku hartu" ostean

Drogen eraginez agerraldi psikotiko betean zen 36 urteko gizon batek Poliziaren laguntza eskatu zuen Astigarragan, pasa den otsailaren 2an. Lagundu ordez, Ertzaintzak gizona bortizki tratatu zuela eta anbulantzian sartu zutenerako hilda zegoela salatu du haren familiak.


Gomazko pilotak erabili al ditu Ertzaintzak Gasteizen, lehen aldiz Cabacasen heriotzaz geroztik?

Gasteizko Martxoaren 3ko manifestazioaren aurka oldartzean Ertzaintzak gomazko pilotak erabili zituela salatu zuten zenbait eragilek eta pertsonek sare sozialetan, argazkiz lagunduta. Salaketak ez zuen oihartzun handirik izan, baina egia balitz gertaera esanguratsu baten aurrean... [+]


2024-03-15 | Gedar
Larunbatean, "estatuen indarkeria eta errepresioa" salatuko ditu EHKSk Donostian

Egun osoko jardunaldi politikoaren barruan, manifestazio bat egingo du 19:30ean, Gipuzkoa Plazatik abiatuta. "Azken asteotako jazarpen polizialaren eta errepresioaren" kontra mobilizatuko dira.


Eguneraketa berriak daude