Bi anbulantzia sabotatu dituzte lan baldintzak salatzeko
Ugaon eta Laudion anbulantzia bana sabotatu dute asteazken gauean, zerbitzurik gabe utziz. Enpresak langileei aparteko lan-saria ez diela ordaintzen salatu nahi izan dute egileek. Osakidetzak Sevillako SSG enpresari azpikontratatu dio anbulantzien zerbitzua.
Asteazken gauean Larrialdiak enpresako bi anbulantzia sabotatu dituzte Ugaon (Bizkaia) eta Laudion (Araba). "Larri-SSG lapurrak" dioten pintaketak egin dizkiete, eta atzerako ispiluak apurtu. Halabedi.eus-ek jakinarazi duenez, sabotajearen egileek adierazi dute ohar batean ekintzaren ondorioz anbulantziak aldi baterako erabiltezin geratu zirela. Sabotajearen arrazoia enpresako langileek aparteko lan-saria ez dutela kobratzen salatzea izan da. Sevillako SSG taldeko enpresa bati azpikontratatua dio anbulantzia zerbitzua Osakidetzak.
