Beste liburu denda bat galzorian, alokairuaren garestitzeagatik: Hendaiako La Grande Illusion
Bikote batek duela kasik hiru urte zabaldu zuen denda Hendaia erdigunean, Errepublika plazan, proiektu independente bat abiatzearen ilusio handiz.
Alokairuen eta higiezinen garestitze basatiak komertzio txikiei ere eragiten die, ez da dudarik. Liburu denda bat eta bere proiektu independentea kinka larrian daude Hendaian, La Grande Illusion deiturikoa. Izena frantsesez badu ere, hiru hizkuntzatan egiten du lan: frantsesez ez ezik, euskaraz eta gaztelaniaz ere bai. Liburuak eta abarreko materialak hiru hizkuntza horietan eta zenbait kasutan ingelesez ere gomendatzen dituzte La Grande Illusionen. Eta, bereizgarri moduan, haur eta gazteentzako zurezko jostailuekin hornituriko txoko bat du, helburutzat dutelako, Kazeta-k aipatu moduan, "adin guztietako lagunak irakurtzera gonbidatzea". Komikiak eta jolas interaktiboak dituzte eskuragai espazio horretan.
2022ko udazkenean zabaldu zuten liburu denda Clemence Cieau eta Mario Bompartek. Arroxelan jaio zen lehena; kazetaritza ikasi zuen sorterrian, eta Quebecen ezagutu zuen Mario. Marseillan bizi izan ziren gero, eta zenbait liburu dendatan egin zuen lan Clemencek, eta irrati kultural batean Mariok. Ordutik, Gil Arrocenari Mediabask-en kontatzen ziotenez gero, biziki amesten zuten Euskal Herrian liburu denda bat eta horri loturiko proiektua zabaltzen, Euskal Herriari ikusten zioten "identitate indartsu eta aberatsagatik". Hendaian hartu zuten bizileku, eta seme-alabak ikastolan matrikulatu zituzten. Bikotea, berriz, euskaltegira.
Kazeta hedabideak azaldu duenaren arabera, ekainaren 17an zabaldu zen herrian La Grande Illusion ixtear zegoenaren notizia. Irailaren lehenean itxi egingo dute saltokia, ordainezin zaielako alokairua pagatzea.
Azken asteotan, 770 sinadura baino gehiago bildu dituzte proiektuari elkartasuna adierazteko, eta bide batez, Herriko Etxea interpelatzeko, zutik mantentzen lagun dezan. Baina, Herriko Etxeak dioenez, lokalaren jabea partikular bat da eta ezin dezake ezer egin. Dena dela, Kazeta-k jakitera eman duenez, liburu denda eta proiektua lekualdatzeko posibilitatea mahai gainean dago, "izaera kooperatiboa hartuta".
Elkargunerako eta hausnarketarako espazio izateko sortu berri dute Eva Forest liburutopia Gasteizko erdigunean. Liburuak baino, jakintza dute oinarrian. Pentsamendua, memoria eta transmisioa. Pentsatzen gozatzea. Kafetegia eta liburu denda korridore labur batek eta umeen txokoak... [+]
Frantzian bereziki, baina mundu erdian barrena ibiltzen da Aritz Otazu XVI. eta XVII. mendeetako liburuen bila. Nafarroako eta Euskal Herriko historia ezagutzera ematea da bere pasioa eta zuzentzen duen Mintzoa Argitaletxearen xedea. Mintzatzen ematen du egun osoa: bezeroekin,... [+]
Danele Sarriugarte idazleak euskaratutako David Thoreauren Walden liburuak jaso du Nafarroako Liburu Denden Elkartearen euskarazko libururik onenaren saria.
Amazon ahalguztidunak bidalketa gastuak kobratu gabe banatzen ditu liburuak, baina liburu denda txikiek ezin dute halakorik egin, bizirauteko etekin duin bat jaso nahi badute. Horri aurre egiteko, zehazteke dagoen gutxieneko bidalketa gastu kopuru bat kobratzera derrigortuko du... [+]
Durangoko Azokak iragarri du Euskal Herriko hainbat lekutan kontzertuak antolatuko dituela abenduaren 5etik 8ra. Helburua: pandemiaren aurkako neurrien eraginez Durangora joaterik izango ez dutenei ere Azokako giroa hurbiltzea. Gainera, urtarrileraino luzatuko dute Durangorekin... [+]
Nerabe garaiko irakurketa ia erabat ahaztuta, Irungo karrika nagusiko 16.enean eskuratu nuen Irene Aldasororen itzulpen bikaina den Gailur ekaiztsuak. Bereziki inspiratuta ez nengoen egun batean izan zen, zerbait nahi baina zehazki zer nahi duzun ez dakizun egun horietako... [+]
“Batzuetan liburu-denda txikiei lotutako ideia erromantikoa daukagu, baina errealitatea ez da hain erromantikoa”. Liburuaren industrian, denda txikiak azken putza zergatik diren garbi azaldu digu Ylenia Benitok. Irungo Brontë liburu-denda asmoz beteta zabaldu... [+]
Iruñeko Kale Nagusian dagoen liburu-denda, kafetegi eta areto kooperatiboak “Zurekin bai ala bai” kanpaina jarri du martxan, proiektua sostengatzeko bazkide berrien bila.
Katakrakeko Hedoi Etxarte eta Karrikiriko Jon Bujandarekin solastatu gara, ezagutzeko nola egokitu dituzten salmentak egoerara, eta nola egiten ari diren orain denda fisikoak irekitzeko prozesua.
Euskal kulturako editoreak kexu agertu dira Eusko Jaurlaritzak industriarako diru-laguntzarik iragarri ez duelako. Euskal Autonomia Erkidegoko liburu dendetako langileen %95a ERTEan dagoela jakinarazi dute, eta kulturgileentzako eskainitako laguntzak industriara ere bideratzen... [+]
Liburu-dendak itxita daude konfinamendua agindu zutenetik eta, bitartean, Amazon bezalako plataformek saltzen jarraitzen dute hemen eta ia mundu osoan. Hori bai, liburu-dendak dauzkatenek autonomoen kuota berdin-berdin ordaindu behar izan dute martxoan. Egoera hori salatu du... [+]
Iruñeko liburu-saltzaileen artean Abarzuza familiak toki berezia du, 1944an Andres Abarzuzak lehen denda zabaldu zuenetik.
Egun, haren bilobek jarraitzen dute liburuen negozioan. Horietako bat Martzela da, Santo Domingo aldapako denda xarmangarriko nagusia. Garai batean... [+]
Euskal kulturaren alderdirik abangoardistena, sormen berritzaileena bildu eta erakustea da Loraldia Festibalak bere buruari jarri dion xedea, baina urtero hartzen du iraganera begiratzeko tartea. Aitzindariek ezarritako zimendurik gabe, nekez izango genukeelako gaur euskal... [+]
Atera naiz Marianen janari dendatik, dozena bat kroketa erosita, oilasko bular bat xerratan (“finak mesedez”) eta parean tokatu direlako poltsan bukatu duten beste pare bat gauza, hasten naiz etxerantz eta kalea gurutzatzen ari naizela ikusten dut afixa eskaparatean:... [+]