Beste emakume batek salaketa jarri du, Ertzaintzak Donostian egindako kargetan zauritu zutelako
Buruan foam jaurtigai batekin kolpea jasotako emakumeaz gain, bigarren pertsona bat zauritu zen Donostian asteartean ertzainek Realeko zaleen aurka egindako oldarraldietan. Ertzaintzak jakinarazi du kasu hau ere ikertzen ari dela.
Emakumezko batek salaketa jarri du Donostiako Udaltzaingoaren aurrean, bizkarrean inpaktu bat jaso zuelako pasaden asteartean. Kasu honetan lesio arinak dira, baina Ertzaintzak jakinarazi du ikerketa abiatu duela gertatutakoa argitzeko.
Realaren eta Paris Saint Germainen arteko futbol partidaren aurretik ertzainek Donostiako Anoeta inguruan zaleen kontra egindako kargetan zauritu zen pertsona hori. Ertzaintzak onartu du zauritua ez zela parte hartzen ari "euskal jarraitzaile erradikalen talde antolatu batek hasitako desordena publikoetan".
Horrez gain, 44 urteko beste emakume bat ZIUn dago oraindik, larri, foam jaurtigailu batek buruan jo eta odol-isuria eragin ostean. Noticias de Gipuzkoak pertsona horri lagundu zion gazte baten lekukotza argitaratu du.
Lekukoak azaldu duenez, "dena oso lasai zegoen, ez zen ezer gertatzen ari momentu horretan". Baina halako batean ertzain ugari ikusi zituzten eta kargatzen hasi zirela dio: "Aluzinatzen ari ginen, zer ari da gertatzen? Ez dago eta inor eta...". Emakumea "airetik" ateratzen ikusi zutela ziurtatu dute eta lurrean ikusi zutenean laguntzera joan ziren.
Ertzaintzak onartu du zauritua ez zela parte hartzen ari "euskal jarraitzaile erradikalen talde antolatu batek hasitako desordena publikoetan"
Bere esanetan, Reale Arena estadiora sartzeko ilara luzeak zeuden, gaztez beteta, baina "eroak bezala ari ziren tiro egiten, guk ez genuen inor ikusi istiluak sortzen".
Ertzaintzak, bere aldetik, jakinarazi du "lanean" ari dela "frogak bildu eta desordena publikoak eragin zituzten, hiri-altzarietan kalte materialak egin zituzten eta Ertzaintzako 8 agenteri lesioak eragin zizkieten pertsonak identifikatzeko eta epailearen eskuetan jartzeko".
"Ertzaintza deskontrolaturik dago"
Poliziak herritarren kontra azkenaldian egindako oldarraldiek soka politikoa ekarri dute. Arnaldo Otegi EH Bilduko koordinatzaile nagusiak adierazi du, Tolosan, Gasteizen eta Donostian gertaturikoa ikusita Ertzaintza "deskontrolaturik" dagoela: "Norbaitek tentsioa igo nahi du eta ez da ezker subiranista", esan du.
Arnaldo Otegi: "Esan dezala [Erkorekak] zein talde dauden, zeren eta polizia infiltratuak baldin badaude –eta badaude, argazkietan ikusi ditugulako–, eta istilu horiek sortzen dituztenen erdian badaude, jakingo dute zein diren"
Zentzu horretan, EH Bilduren kontrako "estrategia" bat dagoela salatu du eta Josu Erkoreka Eusko Jaurlaritzako Segurtasun sailburuak aste honetan egindako adierazpenak testuinguru horretan kokatu ditu Otegik. Erkorekak iradoki zuen gertaera horien atzean "talde antolatuak" eta "sigla politikoak" daudela.
"Esan dezala zein talde dauden, zeren eta polizia infiltratuak baldin badaude –eta badaude, argazkietan ikusi ditugulako–, eta istilu horiek sortzen dituztenen erdian badaude, jakingo dute zein diren", esan du EH Bilduko kideak.
Bestetik, Imanol Pradales EAJren lehendakarigaiak Madrildik eskatu du "fokua" ez jartzen Ertzaintzarengan baizik eta "kaleak sozialki astitzen" dituztenengan.
Erasoa Bilboko kale horretako ile apaindegi batean egin zuten maiatzean. Erasoa grabatua izan zen eta auzokideek salatu zuten.
Emaitza positiboa eman zuen iragan abuztuan egindako testak, baina Polizia Zientifikoaren laborategira bidali baino lehen Ondarroako komisariatik desagertu zen frogen poltsa.
Guillermo Garcia eta Ioseba Pagola “giza eskubideen urraketen biktima” izan zirela aitortu du gobernuak. Egiaren Garaia Da plataformak “positiboki” baloratu ditu beste bi aitortza hauek.
Beste 20 pertsonarekin batera, Guardia Zibilaren esku zegoenean pairatu zituen torturak aitortu dizkio Nafarroako Gobernuak. Urrats honetara heltzeko Torturatuen Saretik egindako lan kolektiboa azpimarratu du Euskalerria Irratian. Ziklo baten itxieratzat hartu du aitortza... [+]
Igandean Guardia Nazionaleko 2.000 soldadu mobilizatu ondoren, AEBetako armadak jakinarazi du beste 2.000 soldadu eta 700 marine bidaliko dituela Los Angelesera, etorkinen aurkako sarekaden harira piztutako protestak oztopatzera. Bitartean, Etxe Zuriaren eta Kaliforniako... [+]
Donald Trump Etxe Zurira heldu zenetik, nabarmen areagotu dira ICE AEBetako Immigrazioko eta Aduanetako Polizia Indarrak etorkinen aurka eginiko sarekadak. Horren aurrean, komunitate latino handiena hartzen duen estatuan, Kalifornian, protestak piztu dira azken egunetan... [+]
Kuartela herrixantzat lelopean indar okupatzaileek Euskal Herritik irten behar dutela aldarrikatzen du Fan Hemendik taldeak.
21 pertsona “giza eskubideen urraketen biktima” gisa aitortu dituzte ofizialki. Espainiako Estatuko funtzionarioek eta eskuin muturreko taldeek torturatutako pertsonak dira eta biolentzia horren lagin txikia baino ez direla dio Egiaren Garaia Da ekimenak.
Dagoeneko Guardia Zibilek eta zenbait herritako udaltzaingoek badute taser pistolak erabiltzeko eskumena Nafarroan, eta badirudi bide horretan hurrengoa Foruzaingoa izango dela: Nafarroako Kontseiluak Foruzaingoak taser pistolak eman ahal izatea "indarrean dagoen... [+]
Espainiako Auzitegi Goreneko Fiskaltzak, Iratxe Sorzabal atxiloturik egon zenean "tratu gizagabeak" eman zizkiotela aitortzen duen epaia baliogabetzea eskatu du, eta berriz epaitu dezatela nahi du, 1995ean Irunen jarritako lehergailu baten harira.
Urteroko oroimen eta sari banaketa ekitaldia egin du Ertzaintzak Arkautin, Eusko Jaurlaritzako agintarien parte hartzearekin. Duela bi urteko kronikatik aurtengora auziek edota gaiek berdintsuak izaten segitzen badute ere, nabarmena da begiratzeko moduak nola aldatu diren.
‘Sanfermines de 1978. Los victimarios’ liburua kaleratuko du Txalaparta argitaletxeak. German Rodriguezen heriotzaren erantzule eta arduradunak biltzen ditu.
1991n atxilotua izan zenean Espainiako Poliziak Bilboko Komisarian torturatu egin zuela salatu zuen Raul Fuentesek. Espainiako auzitegiek ez zuten salaketa aintzat hartu, besteak beste delitua preskribituta zegoelako. Orain, Nazio Batuen Erakundeko Torturaren Aurkako Batzordeak... [+]
Bilboko hooligan inbasioari buruz idatz nezakeen, baina herri txiki batean bizi naiz ni eta ez dut sufritu. Euskaraldiari buruz idatz nezakeen, eskerrak emateko euskarari bizkarra ez ematen lagundu gaituzuenoi, baina ez da hori gorputzak eskatzen didana.
Egunak daramatzat gai... [+]
2023ko abuztuan, Bilboko Kale Nagusian, saltzaile ibiltari baten defentsan Poliziari aurre egin zion emakumeari hiru urteko espetxe zigorra eskatzen dio udaltzain batek. Bideo batek Poliziaren kontakizuna ezbaian jartzen du.