Bergarako erraustegiari Jaurlaritzak emandako ingurumen baimena baliogabetu du EAEko Auzitegi Nagusiak
Jaurlaritzak Valogreene enpresari ingurumen baimena eman izanari helegitea aurkeztu zioten Bergarako Udalak, Ekologistak Martxan taldeak eta Bergarako bi bizilagunek 2022ko apirilean. Udalak azpimarratu du auzitegiak arrazoia eman diola, ebatzi baitu Jaurlaritzak hartu zituen erabakiak ez datozela zuzenbidearekin bat. Ekologistek salatu zuten pirolisia errausketaren antzeko prozedura kutsakorra dela.
Duela hiru urte sortutako harrabotsaren ostean, badu epai definitiboa Valogreenek Bergaran jarri nahi zuen kareharrizko materiala ekoizteko plantaren aferak: Jaurlaritzak enpresari eman zion ingurumen baimena baliogabetu du EAEko Auzitegi Nagusiak, asteazkenean. Bergarako Udalak eman du epaiaren berri, ohar labur baten bidez. Oharrean, udalak azpimarratu du auzitegiak arrazoia eman diola, Ekologistak Martxan taldearekin eta Bergarako bi bizilagunekin batera Eusko Jaurlaritzako Ekonomiaren Garapen, Jasangarritasun eta Ingurumen Sailak Valogreen Paper enpresari 2022ko apirilean eman zion ingurumen baimenari helegitea aurkeztu baitzioten.
Udalak azaldu du auzitegiak "zuzenbidearen kontrakotzat" jo dituela Jaurlaritzak afera horretan hartutako hurrengo bi erabakiak: batetik, proiektuari ingurumen baimen integratua ematen zion ebazpena, eta, bestetik, ebazpen horren aurka aurkeztutako errekurtsoa ezesteko erabakia. Udalak "oso positibotzat" jo du EAEko Auzitegi Nagusiaren ebazpena, "zalantzan jarri baititu Eusko Jaurlaritzak ingurumen baimen bateratua ematerakoan jarraitu dituen prozedurak".
Horrez gain, Bergarako Udalak jakinarazi du epaitegiak Jaurlaritza zigortu duela epaiketaren gastuak ordaintzera. Orain, EAEko Auzitegi Nagusiak ebatzitako sententziari helegitea aurkezteko 30 eguneko epea du Lakuak, Espainiako Auzitegi Gorenean. Epe horretan helegiterik aurkeztu ezean, epaia irmoa izango da, eta Valogreenek Bergarako Larramendi industrialdean ireki nahi zuen plantaren proiektua itxi beharko du.
Zaldibarko zabortegia alternatiba gisa sortutako proiektua
Zaldibarko zabortegian 2020ko otsailean gertatutako hondamendiaren aurretik, paper hondakinak bertara eramaten ziren. Hura itxi ondoren, paper hondakinak tratatzeko alternatiba gisa proposatu zuen Valogreenek Bergaran ireki nahi zuen planta. Udalak 2021eko uztailean proiektuari baiezkoa eman bazion ere, azaro hasieran baimena baliogabetu zuen, enpresak hasieran aurkeztutako asmoak adierazitakoarekin bat ez zetozela iritzita.
Planta horretan paper hondakinak pirolisiaren bidez tratatzea proposatu zuen Valogreenek, eta horrek eztabaida ekarri zuen. Izan ere, Ingurumen eta hondakinen tratamenduaren gaia lantzen duten eragile nagusienen esanetan, Larramendiko Arnasa plataforma, Europako Zero Zabor edo Greenpeace, adibidez, pirolisia errausketarena antzeko tratamendua da, eta antzeko kutsadura sortzen du. ARGIAk Ekologistak Martxan taldeko Piter Encinasekin hitz egin zuen 2022ko maiatzean, plataformaren Bergarako proiektuaren aurka sortu zen Larramendiko Arnasa plataforman ere lanean aritu dena. Haren esanetan, udalak proiektuaren inguruko iritzia aldatu zuen enpresak aurkeztutako txostenean "gezurrak" zeudelako.
Europan kutsadura maila aztertzen aritzen den Toxicowatch erakundeak egindako ikerketaren emaitzak dira. Erraustegia martxan jarri aurretik egin zituzten lehen azterketak, eta ondoren 2024ra arteko laginak aztertu dituzte. Iazko laginen emaitzak dira honakoak.
Donostiako Udalak iragan osteguneko udalbatzarrean iragarri zuen moduan, zaborren tasa % 26,5 igoko du, 2025eko urtarriletik aurrera, Hondakinen 7/2022 Legeak horretara behartzen duela argudiatuta. Eguzkik, ordea, salatu du legea kostuei begira aplikatzen duela soilik, eta... [+]
Nafarroako Ecofert Sansoain enpresa itxita dago 20.000 tona hondakin toxiko legez kanpo jasotzeagatik Zubietako (Gipuzkoa) erraustegitik eta Tuterako (Nafarroa) Oleofat enpresatik.
Maiatzaren 18an, larunbatez, Zubietako Erraustegiaren aurkako martxa antolatu du Erraustegiaren Aurkako Mugimenduak (EAM). Lasarte-Oriatik abiatuko da, Okendo plazatik 11:00etan.
Bilboko Auzo Elkarteen Federazioak komunikatu bat eskaini du Gipuzkoako erraustegiko lixibiatuak Zorrotzara bidaltzeko asmoaren inguruan.
Bi urtean 5.000 tona lixibiatu baino gehiago prozesatu ditu Ecofert Sansoain enpresak
Zumarragan badugu eraikin-multzo bat herriguneak besteko zabalera duena ia, Arcelor Mittal-en fabrika zaharra, industriak gurean izan duen garrantzia geroz eta urriagoaren erakusgarri. Hura itxi eta gutxira, 2021eko urrian, Eusko Jaurlaritzako Ekonomiaren Garapen,... [+]
Plastic Energy enpresak Zumarragan hondakin plastikoen birziklatze kimikorako instalazioa jartzeko asmoa "kezka handiz" ikusten du Urretxu-Zumarraga Bizi! plataformak. Azpimarratu du pirolisiak osasunarentzat kaltegarriak diren kutsatzaile kimikoak askatzen dituela,... [+]
Errauste plantaren transformadorea matxuratu ondoren, Zubietan hondakinak energiarik sortu gabe erretzen ari direla salatu du GuraSOS elkarteak. Ezker Anitza-IUren aburuz, horrek erakusten du Gipuzkoako Ingurumen Gunea “bluf” bat dela eta Europako Parlamentura... [+]
4.500 herritarrek eta Bergarako Udalak jarritako helegiteei muzin egitea egotzi dio Larramendiko Arnasa plataformak Eusko Jaurlaritzari eta manifestazioa antolatu du erraustegi proiektuaren aurka hilaren 19an, igandearekin.
Errausketaren Aurkako Mugimenduak eragile anitzen babesarekin antolatuta, martxa girotu batek Lasarte-Oria eta Zubietako erraustegia lotu ditu larunbat honetan.
Astearte honetan jakinarazi du albistea Bergarako Udalak, baina dioenez Jaurlaritzaren ebazpenak ez die erantzuten baimenik ez emateko udalaren argudioei eta helegitea jarriko dio Ingurumen Iraunkortasuneko Sailburuordetzaren ebazpenari.
Udalaren eta Behemendi elkartearen arteko elkarlanaren fruitu da ekimena. Herrian sortutako hondakin organikoaren zati bat Lartzandieta baserrian konpostatzen hasi dira.
Valogreene Paper BC SM enpresari emandako hirigintza-bateragarritasunari buruzko txostena baliogabetu du Bergarako Udalak, aipatutako txostena egiteko adierazitako jarduera ez datorrelako bat ez ingurumen-baimen integratua lortzeko proiektuan jaso den jarduerarekin, ezta... [+]
