Berdintasunaren inguruko irakurketa sustatzeko gida kaleratu du Kanpezuko liburutegiak

  • Kanpezuko liburuen gida egiteko orduan, Makaria Iriarte Atauri herriko emakume "jakintsua bezain garrantzitsuaren" papera kontuan izan dute.

Artikulu hau CC BY-SA 3.0 lizentziari esker ekarri dugu.

2021eko uztailaren 21an - 06:50
Azken eguneraketa: 08:53
Argazkia: Kanpezuko Udala

Kanpezuko Udal Liburutegiak eta Arabako Mendialdeko Kuadrillako Berdintasun zerbitzuak elkarlanean berdintasunaren inguruko irakurketa sustatzeko liburuen gida bat kaleratu dute. Gida horretan, gainera, emakume idazleen liburuak ere jaso dira, beren lana eta beraien ikusgarritasuna sustatzea beharrezkoa ikusi dutelako.

Gida formatu digitalean soilik sortu dute, eta egiturari dagokionez, euskarazko liburuen proposamenak eta gaztelaniazkoak egitura ezberdina dute. Euskarazko kasuan umeen literatura gehitu dute; "izan ere, umeen zein gazteen artean euskarazko irakurzaletasuna zabaldu nahi dugu". Liburuak Kanpezuko Udal Liburutegian edo Euskadiko liburutegi sarean eskuragarri egongo dira.

Makaria Iriarteri omenaldia

Kanpezuko liburuen gida egiteko orduan, Makaria Iriarte Atauri herriko emakume "jakintsua bezain garrantzitsuaren" papera kontuan izan dute. "1901. urtean jaio zen. Beste hainbat gauzen artean irakurzalea zen, eta herriko eta inguruko hainbat kontakizun, istorio eta pasadizo umeei ahoz aho transmititzea gustuko zuen".

Iriarte Atauri berari, eta beste hainbat emakume idazleri eta ilustratzaileri historian zehar egindako lana eskertu nahi izan diete gidarekin. "Batzuek haien lana anonimo bezala sinatu behar izan zuten, besteak, ordea, ezizena erabiltzera behartuak sentitu ziren, askok idazteagatik errepresalia bortitzak jasan zituzten... haiei guztiei gure omenaldi xume hau".

Horrelako gida bat egitea erronka handia izan dela aitortu dute Kanpezuko Udal Liburutegiko eta Arabako Mendialdeko Kuadrillako Berdintasun zerbitzuko kideek: "Asko ikasi dugu prozesuan. Horregatik, nahiko genuke baliagarria izatea eta liburuak irakurriz disfrutatzea".

Halaber, gidaren egileek Bego Etayo Eren?a La hora violeta Arabako Mendialdeko irakurketa klub feministako dinamizatzaileari eta Ainhoa Aldazabal Gallastegi Arabako Mendialdeko euskarazko irakurketa klub feministako dinamizatzaileari, liburu-gida hau osatzeko bidean emandako laguntzagatik.

Gide eskuragarri hemen.


Kanal honetatik interesatuko zaizu: Literatura
'Salbatzaileen tenplua' eraisteko ordua

Feminista eta anti-arrazistatzat duzu zure burua? Bururatu zaizu inoiz ezagutzen duzun feminismoaren historia zuria eta kolonialista dela? Kultura ez-zuriei buruz duzun ezagutza edo begirada zalantzan ipini dituzu? Ahalduntze feministaren inguruko irakurketa kritikorik egin... [+]


Behe Banda sortu da
Literaturan behetik hasteko leku bat

Idazle gazte batek ba al du espaziorik trebatzeko eta gaitasunak garatzeko? Ba ote dute idazkiek zirkulatzeko aukerarik, lokaztuta ito ez daitezen? Bakarrik egin behar al du bidea idazleak, halabeharrez? Nolako zirkuitu literarioak nahi ditugu? Galdera horien itzalean sortu dute... [+]


2024-05-29 | Estitxu Eizagirre
Euskarazko 119 liburu eta disko berri eta 40 egile egongo dira larunbat honetan Ziburuko azokan

Urtean bertan argitaratutako lanak izaten dira protagonista Ziburuko Euskarazko Liburu eta Disko Azokan. 2024an argitaratu eta Ziburuko azokara eramango dituzten liburu eta diskoen zerrenda iragarri dute bertan egongo diren 33 liburu-argitaletxe eta 3 diskoetxeek. Era guztietako... [+]


Oskolak malgutzeko liburua

Soinean daramate etxea barraskiloek, bizkar-zorro kiribildua bailitzan, bizitzeko beharrezko dituztenak hara eta hona garraiatuta. Etxeak, ordea, kraskatu eta bitan bana daitezke. Bikoiztu ere egiten dira tarteka, behin-behinekoz bada ere gotorleku izatetik zama izatera igarota... [+]


2024-05-27 | ARGIA
Euskal letren asteburua egin du Literaturiak Zarautzen

Ostiraletik igandera Literaturia jaialdia egin dute Zarautzen (Gipuzkoa) (B)egia izenburupean. Booktegi webgunea omendu dute antolatzaileek. Hiru ikuskizun estreinatu dituzte, denak Literaturiarako beren beregi sortuak.


Eguneraketa berriak daude