ARGIA.eus

2022ko uztailaren 06a

Berbaxerka hitz-jolasa asmatu dute, Paraulogic katalanaren parekoa

Sustatu @sustatu
2022ko urtarrilaren 10a
Albiste hau Sustatuk argitaratu du eta Creative Commons BY-SA 3.0 lizentziari esker ekarri dugu.

Mekanika erraza du jokoak, egunero zazpi letra ageri dira zazpi hexagonok osatutako abaraskara moduko horretan. Erdiko letra nabarmen ageri da derrigorrezkoa delako. Letra horiekin, beraz, euskarazko hitzak osatu behar dira, betiere erdikoa kontuan hartuta.

Berbaxerkari atxikitako laguntza orrian esaten duenez, "Letrak ezin dira errepikatu". Agian probatan ari dira, edo hori ez dute ondo adierazi, ze atzoko konbinazioarekin, zeina irudian ikus dezakezun, letrak errepikatu zitezkeen: Opio eta Gorri, adibidez, ontzat eman zituen jokoak atzo.

Zenbat eta hitz luzeagoa, puntu gehiago.

Jokoan azaltzen denez, "Euskaltzaindiaren hiztegian agertzen diren hitzak baino ez dira onartzen. "Okerra" mezuak ez du esan nahi hitza okerra denik: badago Euskaltzaindiaren hiztegian agertzen ez den hitz zuzen asko. Mezuak esan nahi du osatutako hitzak ez dituela betetzen jokoaren arauak, besterik ez." Uste dugu deklinatutako hitzak ere ez direla agertzen: opor, ondo; oporrik, ez du onartzen. Aditz eta artikulu mugatuarekin nola dabilen... ez dakigu oraindik oso ondo.

Abaraskako zazpi letrak bere baitan hartzen dituen hitza "guztitz" bat da, Berbaxerka egin dutenen hiztegian. Guztitz bakoitzak 10 puntu extra ematen ditu.

Puntuen batuketa edo gordetzea nola doan... oraindik ez dakigu ondo. Eta ez dakigu, ezta ere, nork sortu duen Berbaxerka ez dakigu, Telegram kate batetik iritsi zaigu abisua. https://berbaxerka.gitlab.io egin duenak edo dutenek beren berri ematen badute, gustura egingo diegu propaganda.

Jokoak aurrekari argiak ditu, ingelesez The New York Times-ek sortutako Spelling Bee eta, gertuago, azken asteetan Katalunian famatu bilakatu den Paraulogic, zeina urte berriarekin Vilaweb agerkariaren webgunean agertzen den, aurretik Rodamots ekimenaren inbentoa izan delarik.

Paraulogic-ek Katalunian azken asteetan izan duen arrakastaz, bi albiste (katalanez):

Jokatu Berbaxerka

Kanal hauetan artxibatua: Internet  |  Euskara

Internet kanaletik interesatuko zaizu...
Assange AEBetara estraditatzeko argi berdea eman du Erresuma Batuko gobernuak

Erresuma Batuko Barne ministro Priti Patelek argi berdea eman dio Julian Assangeren estradizioari. Iragan martxoaren 14an eman zuen estradiziorako baimena herrialdeko Auzitegi Gorenak, baina orain heldu den gobernuaren iritzia falta zen.


Instagramek ume eta nerabeen artean elikadura-nahasmenduen burbuila bultzatzen du

Aurrez ere aipatu dugu albistegi honetan Instagramek badakiela kaltegarria dela erabiltzaileentzat, bereziki neska nerabeentzat, baina irabaziak pertsonen ongizatearen aurretik jartzen dituela. Orain jakin dugu, Fairplay erakundearen ikerketa berri bati esker, Instagramen... [+]


Memeka.eus, memeak euskaraz egiteko tresna berria

Iametza komunikazio eta teknologia enpresak memeak euskaraz egitea errazten duen proiektua kaleratu du.


Googleri hamar milioi euroko isuna ezarri dio Espainiako Datuen Babeserako Agentziak

Bi arau-urratze oso larri aurpegiratu dizkio Espainiako Datuen Babeserako Agentziak (AEPD) Googleri: erabiltzaileen datuak hirugarrengoekin legitimaziorik gabe partekatu izana eta “ahaztua izateko eskubidea” trabatzea. Horren ondorioz, hamar milioi euroko isuna... [+]


Twitterrek 150 milioi dolarreko isuna jaso du, segurtasunerako eskatutako datuak publizitaterako erabiltzeagatik

Estatu Batuetako kontsumitzaileen babeserako erakundeak (Federal Trade Commision, FTC) eta Justizia Departamenduak  Twitterri 150 milioi dolarreko zigorra ezarri diote, erabiltzaileek segurtasunarekin lotutako helburuetarako emandako datuak, baimenik eskatu gabe,... [+]


Irakurrienak
Azken albisteak
Argia buletina
Egunaren laburpena
zure e-postan
Eguneraketa berriak daude