Bederatzi hilabeteko espetxe zigorra ezarri diete bi gazteri, "Polizia muntaia" salatu du Karta Sozialak

  • 2020ko urtarrilean Eskubide Sozialen Kartak antolatutako greba orokorreko manifestazioetan parte hartu zuten zigortutako bi gazteek. Espainiako Poliziak "desordena publikoa" egiteko asmoa izatea egotzita identifikatu zituen, eta orain epaileak arrazoia eman dio Poliziaren bertsioari, irudietan aurpegia estalita duten arren.


2022ko abenduaren 14an - 16:07
Eskubide Sozialen Kartak lau gazteren aurkako epaiketa "muntaia poliziala" dela salatu zuen ekainean. / Argazkia: Hala Bedi

Bederatzi hilabeteko espetxe zigorra ezarri diete 2020an Eskubide Sozialen Kartak deitutako greba orokorrean parte hartu zuten bi gazteri. “Desordena publikoa” eragiteko asmoa zutela argudiatuta, El Corte Ingleseko ateari ostikada ematea eta petardo bat piztea leporatu diete. Karta Sozialak "Poliziaren muntaia" salatu zuen epaiketa abiatu zenean eta “eskubideen alde egiten duen oro kriminalizatzeko” saiakera dela arbuiatu.

2020ko urtarrilean Eskubide Sozialen Kartak greba orokorra antolatu zuen Hego Euskal Herrian “lan, pentsio eta bizitza duinen” alde, eta kalean mobilizazioak egin zituzten milaka lagunek. Hilabeteak geroago, 2020ko azaroan, istiluak eragitea leporatuta lau gazte Gasteizko Justizia Jauregian epaitu zituzten.

Espainiako Poliziaren identifikazioa eta El Corte Ingleseko irudiak zituzten froga gisa. Roberto Ramos epaileak ebazpenean aitortu du irudietan agertzen diren askori ez zaiola aurpegia ikusten, baina haien siluetek bat egiten dutela bi akusatuen itxurarekin. Irudiren batean haietako bat “bere sudur bereizgarriagatik” atzematen dela adierazi du.

Zigor-arloko bigarren epaitegiak zigortutako bi gazteek aitortu zuten mobiliziazioetan parte hartu zutela, baina istiluak sortzea eta “desordena publikorako” asmorik izatea ukatu zuten. Ez dituzte kartzelan sartuko, zigor aurrekaririk ez dutelako. Ebazpenari helegiteak jartzeko aukera irekita dago, Hala Bedi-k jaso duenez.


Kanal honetatik interesatuko zaizu: Langile borroka
Arrasaten zama gainera erori zitzaion garraiolaria hil da: "Lan istripuen gorakada gogorra jasaten ari gara"

LABek jakinarazi duenez, martxoaren 14an materiala garraiatzen ari zela zama gainera erori ondoren larri zauritutako langilea zendu da asteartean. Jadanik hamazortzi lagun dira urtea hasi zenetik lanean hildakoak, sindikatuaren arabera, eta lan istripuen "gorakada... [+]


50.000 afiliatuko langa gainditu du LABek, mende erdia bete berri

Langileen aldarrikapenak eztabaida politikoaren erdigunera eraman, eta aldaketa soziopolitikoa lortzeko "eragile aktibo" izanen dela nabarmendu du LABek 50. urteurreneko ospakizunean.


Soldaten emendioa aldarrikatzeko greba eguna burutu dute Ipar Euskal Herriko sektore publikoan

500 lagun batu dira Baionan buruturiko manifestazioan. Sektore publikorako erreformarekin Frantziako Gobernuak sektore pribatuko logika funtzionarioen baitan txertatu nahia salatzeko mobilizazioa ere izan da.


EAE-ko sektore publikoa euskalduntzeko dekretua
Aukera galdua

Eusko Jaurlaritzak EAEko Euskal Sektore Publikoan Euskararen Erabilera Normalizatzeko Dekretua onartu du otsailean. Duela 27 urteko dekretua ordezkatu du. Euskalgintzako eragileen ustez, Jaurlaritzak ez du baliatu “jauzi ausarta” emateko. Dekretu berriak ez du... [+]


Industria agortu eta gero, zer?

Beriain (Nafarroa), 1974ko otsaila. Potasas de Navarra enpresako langileek greba egin zuten, besteak beste, aurreko urtean Motor Ibérica lantegiko langileek egindako grebak bultzatuta. Ez zen, beraz, Nafarroako industriako lehen greba, ezta Potasasena ere. Baina Potasas... [+]


Eguneraketa berriak daude