BBVA ustelkeriagatik auzipetu dute Villarejo kasuarengatik

  • José Manuel Villarejo Espainiako polizia ohiaren auzia daraman epaileak BBVA bankua auzipetzea erabaki du sobornatzea, sekretuak ezagutaraztea eta ustelkeria egotzita. Villarejo polizia ohiaren enpresei egindako ordainketekin dago lotua auzia.


2019ko uztailaren 30an - 10:16
José Manuel Villarejo polizia ohia eta BBVAko presidente ohi Francisco González.

José Manuel Villarejo auziko epaile Manuel Garcia Castellónek BBVA bankua auzipetzea erabaki du, “Tandem” atalaren barruan. Ustelkeriaren Aurkako Fiskaltzak egin zuen eskaera hori, eta epaileak onartu egin du. Fiskaltzaren arabera, BBVAk Villarejoren enpresei ordainketak egin zizkien legez kontrako lanen truke. Esaterako, pertsonei jarraipenak egitea, komunikazioak zelatatzea edo dokumentazio pribatua eskuratzea. Fiskaltzaren arabera frogatua dago bankuak Villarejoren enpresa sarearekin loturiko CENYT enpresari ordainketak egin zizkiola.

Urte hasieran zabaldu ziren auzi honen inguruko lehenengo albisteak, eta jarraian BBVAko presidente Francisco Gonzalezek dimisioa aurkeztu zuen. Auziaren kasurik ezagunena “tranpa operazioa” izenekoa da: ustez, BBVAk Villarejorekin legez kanpoko hainbat lan kontratatu zuen, Sacyr eraikuntza enpresa bankuaren administrazio kontseiluan sartzea ekiditeko. Villarejo auziko Tandem atalean, bankuaz gain, bederatzi pertsona daude auzipetuta: bankuko bi segurtasun arduradun eta hainbat arlotako zazpi zuzendari. Gonzalez presidente ohia ez dago auzipetuen artean.

BBVAk prentsa oharra argitaratu du bankua auzipetua dagoela jakin denean. Oharrean, errugabetasun presuntzioa aldarrikatzen du bankuak. Haren ustetan, “ikertua izateak ez du frogatzen, prozeduraren aurretiko fase honetan, deliturik egin izana”.


Kanal honetatik interesatuko zaizu: BBVA
Espoliazio frankista
Ibex35 eta euskal oligarkiaren zimenduak

Frankismoa ez zela 1975ean amaitu diktadoreak ohean azken hatsa eman zuenean, hori badakigu. Erregimenaren haziek bizirik iraun zuten poliziaren tortura ziegetan, justizia auzitegien sumarioetan eta militarren zein politikarien deklarazio kolpistetan –Aznarrek azkenaldian... [+]


BBVAk 1.846 milioi euro irabazi ditu lehen hiruhilekoan, iaz baino %40 gehiago

Espainiako Estatuan 541 milioi euro irabazi ditu, duela urtebete baino %9,5 gutxiago, 225 milioi euro ordaindu baititu bankuei ezarritako zerga berriagatik. Hala ere, mundu osoko negozioak kontuan hartuta, ia 2.000 milioi irabazi ditu, iaz baino nabarmen gehiago.


Inflazioa ez da fenomeno meteorologikoa, baina zure soldata urtuko du hipotekatan

Inflazioa %6,1era igo da otsailean Hego Euskal Herrian, eta azpiko inflazioa %7,7. Prezioen gorakada gelditzeko, interes tasak igo eta eskaria apaltzea da ordoliberalismoaren betiko guardasola. Baina inflazioa ari du esatea zein punturaino da zehatza?


BBVAk 6.420 milioi euroko irabaziak izan zituen iaz, 2021an baino %38 gehiago

Irabazien %47, 3 milioi euro, akziodunen artean banatuko dute, eta akzio bakoitzeko urteko dibidendua %39 igotzeko asmoa dute.


2023-01-11 | ARGIA
Bilboko familia batek hamazazpi egun egin ditu gas eta argindarrik gabe, BBVAren higiezinen agentziak etxetik bota nahi dituelako

Bi ume eta haien ama etxetik kaleratzeko agindua emana du BBVAren higiezinen agentziak, alokairua ez ordaintzea egotzita, baina epaileak uztailera arte eten du kaleratze hori, familia egoera zaurgarrian dagoela argudiatuta. Horren aurrean, Gabon egunean familiari gasa eta... [+]


Eguneraketa berriak daude