Etxe kaleratzea eten arren epaileak, Bilboko familia bati gasa eta argia moztu dio BBVAren higiezinen agentziak

  • Adin txikiko bi semerekin bizi den emakumeari argia eta gasa mozteko agindua eman du BBVAren higiezinen agentziak, eta etxetik joan daitezen telefonoz presionatu dituztela ere salatu du Stop Kaleratzeak plataformak. Alokairua ez ordaintzeagatik familia kaleratzeko eskaera egina du higiezinen agentziak, baina egoera zaurgarrian daudelako eten du kaleratzea epaileak.

Stop Kaleratzeak plataformak gogoratu du debekatuta dagoela familia zaurgarriei hornidura etetea.

2023ko urtarrilaren 03an - 10:22
Azken eguneraketa: 12:56

Hipoteka ordaindu ezin zuela-eta, Bilbon bizi den emakumearekin Funts Sozialei lotutako alokairua adostu zuen BBVA bankuak 2017an. Urtebete geroago, bankuak Cerberus funts putreari saldu zion bere higiezinen agentziaren %80a. Aurten, agentzia horrek, Divarian higiezinen agentziak, alokairua ez ordaintzea arrazoituta familia kaleratzeko eskatu du, baina kaleratzea 2023aren ekainaren 30 arte eten du Bilboko epaile batek, familia zaurgarriak ez kaleratzeko legeari jarraiki.

Horren aurrean, Divarian higiezinen agentziak Iberdrolari eskatu dio argia eta gasa mozteko, eta gutxienez hamar egun hala darama familia honek, nahiz eta Iberdrolarekiko ordainketak egunean dituen emakumeak. Stop Kaleratzeak plataformak gogoratu du debekatuta dagoela familia zaurgarriei hornidura etetea.

Are gehiago, enpresak telefonoz deitu dio emakumeari, etxebizitza utzi dezatela eskatuz, eta BBVAren eta funts putrearen higiezinen agentziak duen “jarrera mafiosoa” salatu du plataformak.

Familia presionatzeari uzteko eta “ilegalki etendako hornidurak lehenbailehen berrezartzeko” eskatu dute Stop Kaleratzetik: “Etxebizitza eskubide bat da, ez bankuen eta funts putreen eskuetan dagoen negozioa”.


Kanal honetatik interesatuko zaizu: Etxebizitza eskubidea
Elkarretaratzera eginen dute Baionan, Frantziako Ekonomia eta Etxebizitza ministroen bisitaren kari

Guillaume Kasbarian Etxebizitza ministroa eta Bruno Le Maire Ekonomia eta Finantza ministroa Baionan egonen dira ostiral honetan. Etxebizitza eskubidearen aldeko elkarretaratzera deitu du Herrian Bizi plataformak.


Etxebizitza bazterkeriak gora egin du Nafarroan

Pobreziaren eta gizarte-bazterketaren kontrako Nafarroako sarearen arabera, Nafarroan bizi diren pertsonen %17,2 bazterketa edo pobrezia egoeran dago.


Etxegabetzeak 48 ordutan burutu ahal izateko lege aldaketa proposatu du EAJk

EAJren asmoa da legezko aldaketa azkar bati ekitea, 48 orduko epean etxegabetzeak egin ahal izateko etxebizitzak okupatzen diren kasuetan.


Sei urteko espetxe zigorra eskatu dute bizkaitar baten aurka, etxegabetze bat gelditzen saiatzeagatik Bartzelonan

Bi lagunen kontrako epaiketa hasi da gaur, otsailaren 29ean, Bartzelonan. Akusatuetako bat Zeberiokoa (Bizkaia) da, eta bestea Esplugueskoa (Bartzelona). 2020an Bartzelonan etxegabetze bat gelditzen saiatzean, Esquadra Mossoak bortizki oldartu ziren han bildutakoen kontra... [+]


Eguneraketa berriak daude