BBVAk 1.846 milioi euro irabazi ditu lehen hiruhilekoan, iaz epe horretan baino %39,4 gehiago. Balore Merkatuaren Batzorde Nazionalak argitaratutako datuen arabera, Espainiako estatuan 541 milioi euro irabazi ditu, iaz baino %9,5 gutxiago; izan ere, bankuei ezarritako zerga berriagatik 225 milioi euro ordaindu behar izan ditu. 

Bankuak Bilbon du egoitza soziala, eta Madrilen egoitza operatiboa. Munduko bankurik indartsuenetakoa da, eta batez ere, Espainia, Argentina, Kolonbia, Mexiko, Peru, Venezuela, Uruguai eta Turkiako merkatuetan dago zabalduta. Urtarriletik martxora Mexikon lortu ditu irabazi gehien, irabazi guztien %54. Mexikoren atzetik daude Espainia (%23) eta Turkia (%12).