Basurtuko kirurgia zerbitzua ixtearen eta Osakidetzak daraman politikaren aurka manifestazioa deitu dute
Basurtuko ospitaleko bihotz-kirurgia zerbitzua ixteko Osasun Sailak duen asmoa bertan behera utzi dezala eta oro har “gure osasun sistema publikoak pairatzen dituen egiturazko arazo larriei premiaz” hel diezaiela eskatzeko, manifestazioa deitu dute sindikatuek abenduaren 2rako.
aurre egingo dieten hedabide independenteak
Basurtuko bihotz-kirurgia zerbitzua itxi eta Gurutzetako ospitalean kontzentratu nahi du Eusko Jaurlaritzako Osasun Sailak, azaroaren 17an egin nahi zuen lekualdaketa, baina epaitegi batek bertan behera utzi zuen Osakidetzaren nahia, kautelazko neurri gisa. Itxiera eteten duen ebazpen horri jarritako helegitea kendu dezala eta “negoziazioaren bidea berreskura dezala” eskatu diote orain Osasun Sailari.
“Ez da isolatua, sistematikoa da”
SATSE, ELA, LAB, CCOO eta UGT sindikatuen hitzetan, Basurtuko adibidea ez da adibide isolatua, eta Osakidetzaren politikak “lan baldintzen prekarizazioa eta herritarrei eskaintzen zaien osasun arretan murrizketa” dakar. “Aski ezagunak dira lan-gainkarga sistematikoaren arazoak, kolapso egoerak zerbitzu jakin batzuetan, behin-behinekotasun tasa altuak, plantilla eskasa... Arazo horiek bereziki larriak dira Lehen Arretan eta ospitaleko larrialdietan, eta azken urteetan aplikatutako erabaki politikoen eta murrizketen ondorio zuzena dira”.
Basurtuko ospitaleko zerbitzua itxi nahi izatea hainbat elementuren isla dela diote sindikatuek: batetik, Osasun Sailak ez duela negoziatzeko borondaterik; “ebazpen judizialak adierazten du Osakidetzak alde bakarreko erabakiak hartu dituela, erabaki arbitrarioak”. Bigarrenik, zerbitzuaren itxierak “atea irekitzen dio osasungintza pribatuari, gogora dezagun Araban eta Gipuzkoan zerbitzu hori osasun pribatuarekin azpikontratatzen dela”. Hirugarrenik, “Osakidetzak irizpide ekonomizistak eta aurreztekoak erabiltzen jarraitzen du osasun-zerbitzu publikoa antolatzeko orduan”. Eta azkenik, horrek guztiak zerbitzuaren kalitatea murriztea dakarrela azpimarratu dute, “eta horrek eragin zuzena du herritarren osasunean”.
Honen guztiaren aurrean, sindikatuek abenduaren 2 arratsalderako deitu dute manifestazioa: mobilizazioa 17:30ean abiatuko da Basurtuko ospitaletik bertatik.
25,6 eguneko batez besteko itxaron zerrendak daude Osakidetzako Osasun Mentaleko Zentruetan. Larrialdi kasuetan, aldiz, 24 eta 72 ordu arteko itxaronaldiak daude.
Kargua hartu eta urtebetera, Alberto Martínez Eusko Jaurlaritzako Osasun sailburuak lantaldean aldaketa batzuk egin dituela iragarri du, "etorkizuneko osasun sistema publikoaren eraldaketari" ekiteko: besteak beste, Gontzal Tamayo Medel sailburuorde berria... [+]
Osakidetza lanean ari da Asisa aseguru-etxe pribatuaren filial baten Quantus Skin sistema osasun-zentroetan ezartzeko, 1,6 milioi euroko inbertsioa eginda. Adituek kritikatu egin dute adimen artifizialeko sistema hori, emaitza "eskasak" eta "arriskutsuak"... [+]
Azkenaldian osasun publikoaren egoera kaxkarra justifikatzeko erakunde publikoek gero eta sarriago aipatzen dute mediku eta espezialisten premia dagoela. Ez omen dago eskaria asetzeko nahikoa langilerik. Eusko Jaurlaritzak ardura osoa Espainiako Osasun Ministerioari egozten dio,... [+]
Eskualdeko ospitaleko zerbitzua ixtearen ondoren, ez dira Donostiako Ospitalean ere artatzen. Haurren larrialdietako arreta gabezia ere dirau. Lehen mailako arretako pediatria kolapsatuta dago eta ez dago haur-psikiatrarik.
Civio fundazioak salatu duenez, Osakidetzak darabilen AA sistema batek (Quantus Skin) kontratuan agindutakoa baino askoz efikazia gutxiago dauka. 1.6 milioi euroko inbertsioa da, larruazalaren melanoma minbiziak detektatzea du helburu, eta bere emaitzak eskatu zuen %85eko... [+]
Hizkuntzak osasun arretaren kalitatean duen eragina aztertu dute EHEk eta EHUk. Jon Zarate Sesma EHEko kide eta EHUko ikertzaile doktoreak emaitzen xehetasunak eman ditu.
GIB / HIESA kasuak mantendu dira, baina klamidia, gonorrea eta sifilis kasuak bikoiztu dira. "Osasun publikoko arazo" direla ohartarazi du Jaurlaritzako Osasun sailburuak, "gorakada nabarmena" izan baitute.
Iazko udazkenean egin zuten sinadura bilketa, eta abenduaren 12an entregatu zituzten atxikimendu guztiak Osakidetzaren Gasteizko zerbitzu zentraletan.
Sindikatuak adierazi du bi ospitale horietan behin-behinekotasunean daudela langile gehienak, eta ordezkapenak ez direla bermatzen; ondorioz, langileen lan-karga areagotzen dela. Gehitu du larrialdi zerbitzuetan “gainkarga” dagoela.
“Ea hurrengorako ikasten duzun…”. Horrela agurtzen zuen amak onkologoa, kariñoz eta lotsarik gabe, kontsultatik ateratzen ginen bakoitzean. Hamar bat kontsulta egingo genituen bospasei urteren bueltan, eta agurra beti bera izaten zen. Emakume atsegina... [+]
Jose Ignacio Martinez Ortegak, OPA Herri Plataformako bozeramaileak, salatu du Eusko Jaurlaritzak “azkar” itxi nahi duela osasun mahaiko eztabaida.
Hainbat urtetan jarduera hezitzaileak gazteleraz jaso ostean, bi urte direla Zabalgana ikastetxeak euskara hutsean ematea eskatu zion auzoko osasun zentroari. Osasun zentroko arduradunek diote ez dutela horretarako baliabiderik. Osakidetzak egoera ikasturte honetan... [+]
Hautaketa prozesuetako kudeaketa “geldirik edo kaosean murgilduta” dagoela diote elkarretaratzearen deitzaileek.
Osasungintzako 501 langilek bat egin dute zortzi eskaera zehatz dituen manifestuarekin. Helburua, osasun arreta euskaraz eskaini, eman eta bermatzea, “edonon eta edonoiz, maila guztietan eta ahoz zein idatzizko harremanetan”.