Baionako gizon bat epaitzen ari da Paueko Auzitegia, zortzi adin txikiko bortxatzea leporatuta
Salatu dute 69 urteko gizonak hogei urtean egin zituela erasoak. Donostian bi gizon atxilotu dituzte, adingabe bat bortxatzea leporatuta; beste bi gizon ere ikertzen ari dira, talde bortxaketako parte izan daitezkeelakoan. Salaketa jarri duen adingabea Gipuzkoako gizarte zerbitzuen tutoretzapekoa da.
Baionako 69 urteko gizon bat ari dira epaitzen Paueko Auzitegian, hogei urtean adingabeen kontrako bortxaketak eta sexu erasoak egin zituela leporatuta, zenbait hedabidek jakinarazi dutenez. Guztira zortzi adingaberi egin zien eraso, eta horietatik hiru bilobak zituen. Hogei urtez egin zien eraso haurrei, azkenak 2022an. 2021ean salatu zuen lehen aldiz gizon batek, haurra zenean abusuak egin zizkiola esanez; eta haren atzetik heldu dira beste zazpiak. Denbora luzez ukatu ostean, 2023an gizonak onartu egin zituen egindako salaketetan azaldutako gertaerak. Ostegunean espero da sententzia.
Salatzaileek azaldu dute hurbileko gizona zutela, “konfiantzazkoa”, eta horrek ahalbidetzen zuela umeekin bakarka geratu ahal izatea. Baionako errugbitalde bateko gazteen eta udaleku batzuetako arduraduna ere izan zen, baina testuinguru horretatik ez da salaketarik heldu.
Donostian, bi atxilotu eta bi ikerketapean
Donostian bi pertsona atxilotu ditu Ertzaintzak adin txikiko bati sexu erasoa egitea egotzita. Astelehen goizaldean gertatu zen erasoa, Ulia mendiko aparkaleku batean; eraso egin zioten neska Gipuzkoako Foru Aldundiaren tutoretzapean dago. Ertzaintza beste bi gizon ere ikertzen ari da, talde bortxaketan parte hartu zutelakoan.
Eusko Jaurlaritzako Segurtasun Saileko sailburu Bingen Zupiriak, asteazken goizean Euskadi Irratian egindako adierazpenetan, emandako informazioarekin “kontu handiz” ibiltzeko eskatu du, adingabea babesteko. Gipuzkoako Foru Aldundiak ateratako oharrarakin bat egin du Zupiriak. Ohar horretan, aldundiak “biktimarekiko eta haren inguruarekiko erabateko babesa eta elkartasuna” adierazi ditu.
2023ko abenduan notizietara salto egin zuen Gernika-Lumok: bertako saskibaloi entrenatzailearen kontrako salaketa bat zegoen sexu eraso jarraituak egitearren. Sare Feministaren izenean, zurrunbilo mediatikoan murgildu zen Apraiz.
Gipuzkoako auzitegi baten arabera 2016 eta 2018 urteen artean bost aldiz bortxatu eta beste hainbat sexu eraso zein tratu txar egin zizkion, neskak 12-14 urte zituenean. Gizonari hamasei urte eta hiru hilabeteko kartzela zigorra eta kalte ordainetan 50.107 euro ordaindu beharra... [+]
Hemezortzi hilabeteko kartzela zigorra ezarri dio epaitegiak, baina ez du zigorra bete beharko. Azken hamarkadan, dozenatik gora emakumek salatu dute aktore frantziarraren sexu erasoen biktima izan direla. 2021ean Les volets verts filmaren grabaketan eraso ziela salatu zuten bi... [+]
Epaiak dio 2001ean Sorzabalek egindako autoinkulpazioa "tratu txarren ondorioa" izan zela, eta beraz, "baliogabea" dela. 1995ean Irunen lehergailu bat jarri izanagatik atxilotu zuten 2001ean, eta bost egunez inkomunikatuta atxiki zuten, gogorki torturatuz.
Alain Esquerrek idatziriko Le silence de Bétharram (Betharramgo isiltasuna) liburuan eman du lekukotza Helene Perlantek, François Bayrouren alabak. 1980ko hamarkadan egon zen ikastetxe katolikoan ikasle eta berrogei urte luzeetan isilik atxiki ditu bertan jasandako... [+]
Ostegun gauean emakume bat bortxatzea egotzita atxilotu zuten gizon bat larunbatean. Gizona kasua argitu arte zaintzapean dago. Mobilizazioa egin du Itaiak astelehenean 18:30ean, Baionako Herriko Etxean, eta horren erantzukizuna azpimarratu du.
Hamaika eraso Uztaritzeko (Lapurdi) San Frantses Xabierko ikastetxe katolikoan gertatu ziren, beste biak Domintxaineko (Zuberoa) ikastetxe katolikoan eta Angeluko (Lapurdi) San Josepe ikastetxe publikoan. Uztaritzeko ikastetxean ikasitako bost gizonek beren testigantzak eman... [+]
Prentsaurrekoa eskaini dute ostegun honetan Marc Aillet Baionako apezpikuak, elizbarrutiko hezkuntza katolikoko zuzendari Vincent Destaisek eta Betharramgo biktimen entzuteko egiturako partaideetarikoa den Laurent Bacho apaizak. Hitza hartzera zihoazela, momentua moztu die... [+]
11 adin txikikori sexu erasoak egiteagatik 85 urteko kartzela zigorra galdegin du Gipuzkoako fiskaltzak. Astelehenean hasi da epaiketa eta gutxienez martxoaren 21era arte luzatuko da.
Elizak 23 kasu ditu onarturik Nafarroa Garaian. Haiek "ekonomikoki, psikologikoki eta espiritualki laguntzeko" konpromisoa adierazi du Iruñeko artzapezpikuak.
15 urteko emakume bati egin dio eraso Izarra klubean jarduten zuen pilota entrenatzaile batek.
Lestelle-Betharramgo (Biarno) ikastetxe katolikoko indarkeria eta bortxaketa kasuen salaketek beste ikastetxe katoliko batzuen gainean jarri du fokua. Ipar Euskal Herriari dagokionez, Uztaritzeko San Frantses Xabier kolegioan pairaturiko indarkeria kasuak azaleratu dira... [+]
Neska adingabeari sexu abusuak era jarraituan egin zizkiola frogatutzat jo du Bizkaiko Lurralde Auzitegiak.
1989tik 2014ra, Frantzia mendebaldeko hainbat ospitaletan egindako erasoengatik epaituko dute. 74 urte ditu Joel Le Scouarnec zirujau ohiak, eta espetxean dago beste lau sexu eraso kasurengatik.
Lau mila karaktere ditut kontatu behar dudana kontatzeko. Esan behar ditut gauzak argi, zehatz, soil, eta ahalko banu polit, elegante, egoki. Baga, biga, higa. Milimetrikoki neurtu beharra dut, erregelaz markatu agitazioa non amaitzen den eta propaganda non hasi. Literarioki,... [+]