Azterketarik egin gabe ikasle guztiek ikasturtea gainditzea eskatu dio Ikasle Sindikatuak Espainiako Gobernuari
Egungo egoerak nahikoa bermerik ematen ez duela iritzita, azterketarik ez egitea, denek ikasturtea gainditzea eta oinarrizko edukiak hurrengo ikasturtean berreskuratzea eskatu dio Espainiako Estatuko ikasleen sindikatuak (Euskal Herrian ordezkaritza duenak) Hezkuntza Ministerioari. Asteazken honetan biltzekoa da Espainiako Gobernua erkidegoetako ordezkariekin, ikasturtearen amaiera erabakitzeko.
Baliabide teknologiko nahikorik ez dutelako edo etxeko egoerak ahalbidetzen ez duelako, gazte ugari ez dira ari aukera berdintasunean, eta horregatik, ezin da inor ikasturtea gainditu gabe utzi. Hala uste du Ikasle Sindikatuak, eta 2020-2021eko ikasketa-planak berrantolatuz gero, konfinamenduagatik airen geratu diren oinarrizko edukiak orduan berreskuratu daitezkeela dio.
Azterketak bertan behera uzteaz gain, sindikatuak nahi du unibertsitatera sartzeko kontuan hartzen diren kalifikazioak aintzat ez hartzea eta denontzako plaza nahikoa bermatzea unibertsitatean bakoitzak nahi duen karrera egin dezan.
Bestelako eskaera batzuk ere egin ditu, publikatu duen manifestuan. Hala nola, bigarren seihileko matrikula unibertsitarioaren dirua itzultzea, Lanbide Heziketako praktikak egin nahi dituztenek tasak berriz ez ordaindu behar izatea, eta hezkuntza publikoa erreskatatzeko berehalako plan bat martxan jartzea (murrizketarik ez, ratioak jaitsi, beka kopurua handitu, arrakala digitalari aurre egin…).
Manifestuarekin bat egiten dutenen sinadura bilketa abiatu dute.
Bilera Gobernuaren eta erkidegoen artean
Asteazken honetan, erkidegoetako ordezkariak bilerara deitu ditu Espainiako Gobernuak, ikasturte amaiera antolatzeko. Unibertsitateetan ez da ikasturte honetan aurrez aurreko klaserik izango, baina beste mailetan zer egingo da? Nola ebaluatuko dira ikasleak (ebaluatu behar direla erabakiz gero)? Errepikatu ahal izango dute ikasleek ikasturtea? Selektibitatea mantentzen jarraituko dute? Galdera asko dago oraindik itxi gabe.
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]
Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]
Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.
Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.