Baionan, Kanbon, Donapaleun eta Donibane Lohizunen eginen dituzte elkarretaratzeak urtarrilaren 14an.
Abenduko Frantziako Hezkuntza ministerioaren zirkularrean zehazturik da "baxoko proba batzuk eskualdeetako hizkuntzetan pasatzen ahalko" direla. Orduz geroztik, ordea, ez dute zehaztapenik jaso murgiltze eredua hizkuntza gutxitu batean bideratzen dabiltzan ikastetxeek. Hori horrela, hitzen gauzapena aldarrikatzeko mobilizatuko dira Seaskako ikasle, irakasle eta gurasoak.
Urte garrantzitsua da aurtengoa Seaskaren arabera: "Denbora pasatzen utzi gabe, azterketen garaia gainean dugunez, eta aurten hauteskunde urtea dela kontuan izanik, erantzunak lehenbailehen izatea ezinbestekoa dugu". Aurten –bai ala bai– azterketak euskaraz pasatzea dute helburu.
Urte gatazkatsua izan zen 2021a, hizkuntza gutxituetan bideraturiko murgiltze ereduari dagokionez. Azkenean, abenduko zirkularrak argitzen digu hizkuntza gutxituen murgiltze irakaskuntza "posible" dela, frantsesaren eta hizkuntza gutxituaren "maila bereko ezagutza" bermatzen baditu. Baxoan ikasgai batzuk tokiko hizkuntzan pasatzeko aukera izanen dela zehazten du testuak, 2017ko zirkularrean ez bezala. Haatik, ez dago brebetaren aipamenik.
Baionan Euskararen Erakunde Publikoaren aitzinean elkartuko dira; Kanbon eta Donapaleun Frantziako Estatuko zerga etxearen aitzinean; 18:30ean izanen dira hiru mobilizazioak. Donibane Lohizunen autobus geltokian batuko dira 18:00etan.
Eusko Jaurlaritzak EAEko Euskal Sektore Publikoan Euskararen Erabilera Normalizatzeko Dekretua onartu du otsailean. Duela 27 urteko dekretua ordezkatu du. Euskalgintzako eragileen ustez, Jaurlaritzak ez du baliatu “jauzi ausarta” emateko. Dekretu berriak ez du... [+]
23. Korrikaren atarian, udalerri euskaldunetako bizilagun guztiek Korrikaren berri izatea garrantzitsua dela iritzita, diptikoa banatuko du UEMAk hamaika hizkuntzatara itzulita.
Beste urte batez, uda garairako, Salto! udaleku ibiltariak antolatu ditu UEMAk. Udalerri euskaldunetako gazteak elkartuko dira aisialdiaz gozatzeko. UEMAren helburua da “euskaraz bizi diren gazteek inertziatik kontzientziarako saltoa ematea eta horrekin efektu... [+]
2024 urte hastapenean adostuko du ondoko urteetarako hizkuntza politika Euskararen Erakunde Publikoak (EEP). Azken inkesta soziolinguistikoaren emaitzak eta EEPk 2050ari begira egindako aurreikuspenak esku artean, alarma gorria pizturik du euskalgintza sozialak: ezin da orain... [+]
EAJren, EH Bilduren eta Azkoitia Bairen aldeko bozkekin hartu dute erabakia. Udalbatza osatzen duten hamazazpi zinegotzietatik hamaseiren aldeko botoa jaso du Udalerri Euskaldunen Mankomunitatera (UEMA) sartzeko eskaerak.