Azterketa ereduak kolektibizatzeko dei egin dute Ibaetako Guneako asanbladako kideek
Kolektibizazio proiektu bat jarri dute martxan aurtengo ikasturtean Ibaetako campuseko Guneako asanbladako kideek, "beste logika baten baitan harremanak eraikitzen hasteko, elkartasuna ardatz izanik". Hori dela eta, azterketa ereduak partekatzeko dei egin dute.
"Kapitalismoaren mesedetan dagoen hezkuntza eredu honek inposatzen duen lehiakortasunaren aurrean", kolektibizazio proiektu bat jarri zuten abian Guneako asanbladakoek. Elkartasuna ardatz izanik, apunteak partekatzeko proiektuari ekin zioten. Filosofia eta Hezkuntza Zientzietako ikasleak izan ziren ekimenaren bultzatzaileak.
Asmo honen baitan, proiektu berri bat proposatu dute asanbladako kideek. Apunteak ez ezik, azterketa ereduak partekatzeko dei egin dute: "Askotan pentsatuko zenuen ongi etorriko zitzaizula aurreko urteetako azterketa bat eskura izatea; bada, zuk ez baduzu aukerarik izan, erraz iezaiezu lana ondorengoei".
Proposamena sinplea dela adierazi dute: azterketa amaitzean, etxera eraman, argazki bat atera eta korreo elektroniko bidez bidali. Azterketa zein apunte partekatuak, drive plataforman egongo dira erabilgarri.
Albiste hau Topatu.infok argitaratu du eta ARGIAra ekarri dugu CC by-sa lizentzia baliatuta.
Ramadana bukatzear zela sortu zen zalantza irakasleen artean: familia musulmana duten ikasle batzuek adierazia zuten, ramadanaren amaieraren ospakizuna zela eta, ez zirela egun horretan joanen gelara. Ekintza horren bidez –aipatu zuen irakasle batek– argi gelditzen... [+]
Neskek gaitasun matematiko eta zientifikoekiko txikitatik duten pertzepzio, autopertzepzio eta bizipenen eraginez, zientzia arloko ikasketei muzin egin eta bestelako karrerak aukeratzen dituzte. Hala dio ikerketa berri batek.
EHUk Tel Aviv-eko unibertsitatearekin etorkizuneko lankidetzarako bideak ahalbidetzen dituen zibersegurtasuneko katedra bat sortu izanaren harira, bertako langileok interpelatuak izan gara hainbat lekutatik, eta esan beharra dut neurri handi batean lotsatuta sentitu naizela,... [+]
Hirugarren urtez Xiberoako ikastolei bultzada emanen die Tulalaika bestak.
Ongi doazen ikasleak talde batean, zailtasunak dituztenak, bestean; maila akademikoaren arabera banatuko dituzte ikasleak datozen ikasturtean, Frantziako Estatuan. Ikasleak sozialki eta akademikoki sailkatu eta bereiztea, desoreka areagotzea eta egoera okerragoan daudenak... [+]