Azaroaren 11tik 13ra gauzatuko da Nazioarteko IV. Konferentzia Marxista Feminista

  • Ostegunean abiatuko da IV. MarxFem konferentzia, eta larunbatera arte iraungo du. Koronabirusak eragindako egoera medio online egingo da oso-osorik, eta interesa duenak mahai inguruak eta hitzaldiak jarraitu ahalko ditu Zoom plataforma eta Facebook bidez.


2021eko azaroaren 10an - 10:55
Azken eguneraketa: 12:35

Hasiera batean 2020rako aurreikusita zegoen MarxFem Nazioarteko IV. Konferentzia Marxista Feminista, eta Euskal Herria zen egitekoa. Alabaina, koronabirusak eragindako egoeraren ondorioz deialdia atzeratu beharrean ikusi ziren antolatzaileak, eta hausnartu ostean, konferentzia online aurrera eramatearen alde egin dute. Ostegunean irekiko ditu ateak konferentzia birtualak, eta hiru egunez hainbat mahai inguru eta hitzaldi aditzeko aukera izango da.

Azaroaren 11tik 13ra arteko egitarau osoa eskuragai dago konferentziaren web-orrian. Konferentzia osorik emitituko da Zoom plataforma bidez, eta hitzaldi nagusiak MarxFem-en Facebook orriaren bidez ere jarraitu ahalko dira. Gogorarazi dute Zoom plataformako lotura azaroaren 11an egongo dela erabilgarri, arratsaldeko 16:00etatik aurrera. Plataforma deskargatzeko laguntza behar duenari esku bat bota asmoz, jarraibideak biltzen dituen tutoriala eskuragai jarri dute web-orrian.

Konferentzian parte hartuko dute pentsalari marxista feminista entzutsetsuek. Silvia Federici, Tithi Bhattacharya, Christine Delphy, Lorena Cabnal, Ochy Curiel, Ana Cecilia Dinerstein, Nancy Fraser, Elsa Dorlin, Dilar Dirik, Jules Falquet eta Frigga Haug aditzeko aukera izango du konferentziara konektatzen denak.

 

Hizlarien artean Euskal Herriko emakumeak ere egongo dira.

Gaitegi aldetik, zabala da egitaraua. Intersekzionalitatea eta beronen bueltan korronte feministen artean dauden eztabaidetatik hasi, eta feminismo garaikidearen erronketaraino, askotariko gaiez hitz egingo dute hizlariek.

Konferentziaren antolaketa lanetan dabiltza Euskal Herriko Unibertsitatea (EHU), Parte Hartuz ikerketa taldea, Iratzar Fundazioa, Rosa Luxemburgo Fundazioa, Transform! Europe, Critical Theory Bilbo-Barcelona (BIBA CT), eta Berliner Institut für Kritische Theorie (InkriT).


Kanal honetatik interesatuko zaizu: Feminismoa
Gorputz hotsak
"Filmak ez daude gorrentzat eginda; euskara ez dakitenentzat eginda daude"

Jende askorekin eta elkarrizketaz inguratuta dagoenean isil-isilik edo ohi baino isilago egoten da Irati Erauskin (Hondarribia, Gipuzkoa, 1996). Horregatik, “oso irekia” den arren lotsatia dela uste dute batzuek. Entzumen urritasuna dauka, eta batzuetan “oso... [+]


Zapi morea

Andre zahar dotorea senarraren besotik zihoan gurutzatu ginenean. Bistaz ezaguna, oker samar zegoela ikusi nuen, adinaren ajeak. Benetako señora eibartarra: perlazko lepokoa; ilea kardatuta harro-harro, ostirala izanda, ile-apaindegian goizean egon zela ezagun zuen. Gure... [+]


“Denbora deskolonizatzea metatze kapitalistari uko egitea da”

Adriana Guzmán Arroyo herri-hezitzaile aymara eta Boliviako feminismo komunitario antipatriarkaleko erreferentearekin batu eta kolonialismoa, arrazismoa, estraktibismoa, nahitaezko heterosexualitatea, familia, komunitatea, Estatua eta pribilegioak izan ditugu mintzagai,... [+]


2024-03-17 | Diana Franco
Teknologia
Zirkuitua hackeatu

Martxoaren 8a dela eta, berri eta iritzi ezberdinak irakurri ditut. Berdintasunerako bidean lan handia egiten ari da gure gizartea, eta publikoki berdintasunerako bidean feminismoa onartua den borroka bada ere, gizarteko mikrokosmosetara jaisterakoan, bada oraindik berdintasuna... [+]


Bizipoza: aniztasun funtzionala, kulturala eta sexuala bistaratzen eta lantzen

Izaera berezia duten elkarteak eta behar bereziak dituzten haurren familia-elkarteak biltzen ditu Bizipozak, 38 denera. Familia horien errealitatea ikusarazi eta bertatik bertara ezagutzeko asmoz, jaia egingo dute apirilean. Unitate didaktikoak eta material pedagogiko ugari ere... [+]


Eguneraketa berriak daude