Auziperatua izanik ere, Frantziako Justizia ministro karguan segitzen du Dupond-Morettik

  • “Interes aurkakotasuna” leporatua zaiola astelehenean ireki da Frantziako Justizia ministroaren aurkako auzia Parisen. Bi astez iraun beharko luke epaiketak.

Frantziako Justizia ministroa, auzitegian. Argazkia: AFP

2023ko azaroaren 09an - 12:46

Ez da inoiz horrelakorik gertatu Frantziako Gobernuan: kargua betetzen dagoela epaitzea ministro bat. Zein eta Justizia ministroa. "Interes aurkakotasuna" leporaturik, Eric Dupond-Moretti Justizia ministroaren aurkako epaiketa hasi dute astelehenean Errepublikaren Justizia Auzitegian.

Ustelkeria kasuen aurka dabiltzan hainbat magistraturekin izandako desadostasunei dagokionez, Justizia ministro kargua beren aurka erabili izana leporatzen zaio. Zehazkiago, 2020ko irailean, ministro zela, diziplina-espedientea hiru fiskalen aurka hasi izana –"espioi tzar" edo "erotzat" zeuzkana aste batzuk lehenago–. Magistratu horiek Bismuth afera ezizenez ezaguna den Nicolas Sarkozy presidente ohiaren aurkako epaiketan ariturikoak dira.

Horrez gain, bigarren afera bat ere ikertzen dabiltza, instrukzio epaile Edouard Levrault-i loturikoa. 2019an ez zitzaion bere ardura berritu eta erabaki hori dute epaigai. Instrukzio-epaile honek hainbat kasu politiko ikertu zituen eta ustelkeria kasu baten harira, eragin handiko pertsonaiak inputatu zituen: Dmitri Rybolovlev milioidun errusiarra, "AS Monaco" futbol klubeko presidentea, Christophe Haget Monakoko Printzerrian polizia judizialeko burua, eta Monakon Justizia ministroaren baliokidea den Philippe Narmino.

Hemezortzi hilabetez bideraturiko inkesta bururaturik, bi astez iraun beharko luke azaroaren 6an abiaturiko epaiketak.

2020ko uztailaren 6az geroztik Frantziako Justizia ministroa da Dupond-Moretti, ordura arte auzitegi penalean abokatu ezaguna izandakoa.


Kanal honetatik interesatuko zaizu: Frantziako Gobernua
Urtebeteko eta bi urteko espetxe zigorrak eskatu ditu prokuradoreak Molle eta Etcheverry bakegileentzat

Espetxe zigor arinak eskatu ditu Frantziako fiskaltzak Parisen epaitzen ari diren Jean Noel Txetx Etcheverry eta Beatrice Mollerentzat, ETAren helburuen arabera jardutea egotzita. Hala, zigor horiekin bakegileek ez lukete espetxera joan beharko. Maiatzaren 16an emango dute... [+]


Epaiketa
Parisek armagabetze prozesuan "kooperatu" zuela argitu du Fekl Barne ministro ohiak

ETAren armagabetzea bideratzeko, bakegileekin lankidetzan aritu ziren Frantziako autoritateak. Hala adierazi du Matthias Fekl Barne ministro ohiak asteartean, Parisko Zigor Auzitegiko 16. ganberan, Beatrice Molle-Haran eta Jean-Noël Txetx Etcheverry-ren aurka egiten ari... [+]


Elkarretaratzera eginen dute Baionan, Frantziako Ekonomia eta Etxebizitza ministroen bisitaren kari

Guillaume Kasbarian Etxebizitza ministroa eta Bruno Le Maire Ekonomia eta Finantza ministroa Baionan egonen dira ostiral honetan. Etxebizitza eskubidearen aldeko elkarretaratzera deitu du Herrian Bizi plataformak.


Ikasle euskaldunek Frantziako Legebiltzarrean euskaraz ikasteko eskubidea aldarrikatu dute

Euskal Herriko 16 ikasle Parisen dira astearte honetan, euskaraz ikasteko eskubidea aldarrikatu eta horretarako neurriak har ditzatela eskatu diete diputatuei, Frantziako Legebiltzarrean. “Urduri gaude, baina badakigu zer erran nahi dugun”, adierazi diote goizean... [+]


Frantziako Konstituzio Kontseiluak bertan behera utzi ditu Immigrazio Legearen neurri gogorrenak

Lege egitasmoak jasotzen dituen 86 neurrietatik 32 indargabetu ditu, hala nola familia batzeari jarritako oztopoak eta egonaldi irregularraren delitua. Eskuin muturraren bultzadarekin onartu zen legea.


Eguneraketa berriak daude