Frantziako lehen ministro Lecornuk gobernu berria aurkeztu du, parlamentuak onartuko duen esperantzan
Duela astebete, urriaren 6an, gobernua osatu eta hamalau ordura, Frantziako lehen ministro Sébastien Lecornuk dimisioa aurkeztu zuen, bost egunera berriz ere karguari heltzeko. Orain arteko bide sigi-sagatsua zuzendu nahi du aurkeztu berri duen gobernu-taldearekin. Parlamentuaren oniritzia lortu beharko du horretarako.
Besteak beste, Parisko poliziaren prefektu Laurent Nuñez proposatu du Barne ministro kargurako, SNCF tren konpainiako buru Jean-Pierre Farandou izango litzateke Lan ministroa, WWF erakunde ekologistako presidente Monique Barbut Trantsizio Ekologikorako ministroa, Cathérine Vautrin Defentsakoa, Roland Lescure Ekonomiakoa, Gérald Darmanin Justiziakoa eta Rachida Dati Kulturakoa. 34 kide izango ditu orotara.
Ikusteke dago orain ea parlamentuak gobernu talde berri hori onartzen duen ala, aitzitik, egoera berriz ere blokatzen ote den.
Dimititu, berriro izendatua izateko
Urriaren 6an Sébastien Lecornu lehen ministroak dimisioa aurkeztu zuen, gobernua osatu eta hamalau ordura. Lecornu irailaren 10ean izendatu zuten lehen ministro, bere aurretik François Bayrouk konfiantza mozioa galdu ondoren. Uztailean, hurrengo lau urteetarako aurrekontuak aurkeztu zituen Bayrouk. Eztabaidaren erdigunean jarri zuen herrialdeak duen zor publikoa, baina kritika handiak eragin zituen hurrengo urteetako aurrekontuetan urtero 43.800 milioi euro murriztu nahi zituela iragarri zuenean, besteak beste, pentsioak izoztuta, lan publikoak eta osasuneko gastua murriztuta, baita bi jai egun nazional kenduta ere.
Astelehen goizean aurkeztu zuen, hortaz, dimisioa Lecornuk, eta Macronek, lehen unean, onartu egin zuen. Baina bazkalondoan atzerapausoa eman zuen. Lecornuri azken ahalegina eskatu zion: 48 orduko epean negozia zezala legebiltzarreko alderdiekin, eta era zezala “ekintzarako plataforma egonkorra”. Ardura hartu zuen Lecornuk; asteazkenean (urriaren 8an) jakinaraziko zuen ea beste gobernu bat osatzea posible den ala ez.
Urriaren 7an, Gorka Peñagarikano kazetariak agertoki posibleak aztertu zituen ARGIAn, Ahalegin bat gehiago Macronek: azken aukera Lecornuri artikuluan. Bertan zioen posible zela Macronek lehen ministro berria izendatzea, eta berriz ere hutsetik hastea.
Urriaren 8an, ordea, egoerak blokeatuta segitzen zuen. Zehaztasunik gabeko erantzun lausoak izan ditu Lecornuk, eta horrela jakitera eman zuen, demagun, "balitekeela" lehen ministroaren izendapena aste bukaera aitzin etortzea: "Uste dut bide bat irekita egon daitekeela oraindik. (...) Uste dut egoerak egingarri bihurtzen duela 48 ordu barne lehen ministro baten izendatzeko aukera". Elkarrizketa bukatu bezain laster baieztatu zuen informazioa Eliseoak: ondoko bi egunetan jakinen zen lehen ministro berriaren aurpegia.
Eta, hala izan zen, urriaren 10ean lehen ministro berria izendatu zuen Macronek: Sébastien Lecornu bera. "Errepublikako presidenteak eman didan misioa onartzen dut –betebeharrez–, Frantziari urte amaierarako aurrekontua ematea eta gure herrikideen eguneroko bizitzako arazoei erantzuteko ahal den guztia egitea", adierazi du Lecornuk. Bestalde, gobernu talde berriak gaitasunen berritzea eta aniztasuna gorpuztuko dituela zioen Lehen ministroak.
Dimisioa aurkeztu zuen astelehenean Sébastien Lecornuk, gobernu berria osatu eta hamalau ordutara. Frantziako krisi politikoari aterabide bat atzemateko 48 orduko ultimatuma emana zion Emmanuel Macron lehendakariak. Epea bukaturik, egoerak blokeatuta segitzen du, eta... [+]
Macronek onartu du Lecornu lehen ministroaren dimisioa, baina azken aukera eskatu dio, eta Lecornuk hitzeman du ahalegina egingo duela: asteazken gauera arte du beste gobernu bat osatzea posible den edo ez jakinarazteko. Agertoki posibleak aztertu ditugu artikuluan.
Sébastien Lecornu lehen ministroak dimisioa aurkeztu du, Asanblea Nazionaleko buru izendatu eta hilabetera. Emmanuel Macron estatuburuak onartu egin dio. Bi aukera ditu orain Macronek: beste norbait izendatzea lehen ministro, edo Asanblea Nazionala desegitea eta... [+]
Frantziako Gobernuaren aurrekontua fintzen ari diren honetan, "justizia soziala eta fiskala" aldarrikatu dute karrikatik. Irailaren 18ko mobilizazioak baino jarraipen ahulagoa ukan du osteguneko greba deialdiak.
2025eko uztailaren 12an izenpetu zuten hiru aldeen arteko Bougivaleko Akordioa, irlaren etorkizun instituzionala adosteko asmoz. Frantziako Estatuaren "instrumentalizazioa" salatzean gain, FLNKS alderdi independentistak argitu nahi izan du beraiek izenpeturiko dokumentua... [+]
Frantziako Estatuak Palestinako Estatua formalki aitortu zuen astelehenean NBEren biltzar nagusian. Bere horretan, urrats inportantea, diplomatikoki pisutsua: 193 estatuetatik 158k dute orain ezagutzen Palestinako Estatua, eta azken ezagupen horiekin Mendebaldeko estatu... [+]
Badirudi larrazkena agorrila erditsutan hasten dela aldaketa klimatikoaren ondorioz. Euri eskasez hostoak firurikan erortzen dira eta Otso Errekako iraztorrak denbora baino lehen gorritzen dabiltza: ikusgarria da! Historiako udarik beroena ukan dugu aurten eta tenperaturek... [+]
François Bayrouk dimisioa eman eta ordu gutxitara izendatu du Emmanuel Macron Frantziako presidenteak ordezkoa: Sébastien Lecornu izango da lehen ministro berria, aurretik Defentsa ministro izandakoa eta Macronen oso gertukoa. Oposizioa haserre mintzatu da, ezker zein... [+]
Astelehen arratsaldean konfiantza mozioa galdu du Frantziako lehen ministro François Bayrouk. Konfiantza mozioa eskatu zuen, datozen lau urteetarako austeritate usaina zuten aurrekontu batzuk aurkeztu eta bere aurkako zentsura mozioa iragarri zuenean eskuin muturrak. Aurrez... [+]
Irailaren 10a izanen dute protestarako lehen hitzordua. 2018 urteko Jaka Horien mugimenduaren segipen gisa ikusten dute anitzek deia, nahiz eta alderdi politikoak eta sindikatuak dinamikari lotu izanak ezberdintzen dituen biak. François Bayrouren austeritate politikaren... [+]
2025ean hazkunde ekonomiko txikia (%0,6) ez da gai izango langabezia-tasak %8ko muga gainditzea saihesteko; Zor Publikoak bi bilioi euro (BPGren %115) gainditzen ditu EK-k ezarritako %60aren oso gainetik, eta Gastu Publikoak estratosferan jarraitzen du.
Horri gehitu behar... [+]
Konfiantzaren erronka izenburua jarri diote Kanakyko indar independentisten eta unionisten arteko akordioari. Ozeano Bareko uhartediak herrialde europarraren parte izaten jarraituko luke, baina estatu izaera lor dezake kaledoniarrek hala bozkatzen badute. Datorren urte hasieran... [+]
Dozenaka lagunek agerraldia egin dute astelehen arratsaldean Baionan, Pirinio Atlantikoetako Departamenduaren egoitzaren aurrean. Frantziak EEPn 100.000 euro gehiago inbertituko dituela iragarrita, euskararen etorkizuna bermatzeko hizkuntza politikak "ausardia eta... [+]
"Egungo baldintzetan" EEP Euskararen Erakunde Publikoak berritzeko hitzarmena sinatuko ez duela mehatxu eginda, Euskal Hirigunearen Elkargoak sei hilabete eman die erakunde publikoa osatzen duten partaideei Parisekin negoziatzen jarraitzeko. Astelehenean agerraldia egin... [+]