Aterpeak orokortzen ari dira ikastetxeetako patioetan
Pandemia garaian (ere) kanpoko espazioak ahal bezainbeste aprobetxatu asmoz, gero eta gehiago dira patioan karpak eta aterpeak jartzen ari diren ikastetxeak. Iruñeko Iturrama institutuak estalpea inauguratu du, eskaera historiko bati erantzunez, eta Nafarroako beste sei ikastetxetan ezarriko dute aurten estalkia.
782 metro koadroko aterpea da Iturraman jarri dutena. Honako hauetan ere aurten bertan estalkiak ezarriko dituztela iragarri du Nafarroako Hezkuntza sailak: Berako Toki Ona, Leitzako Amazabal, Doneztebeko San Migel, Villatuertako San Veremundo, Berbintzanako Rio Arga eta Burlatako Ermitaberri.
Bilbon, ikastetxeen karpa eskaerei ezetz esan die Udalak
Esan bezala, orokortzen ari den joera da, kanpo espazioek duten garrantziaz jabetzeko balio izan baitu pandemiak. Eusko Jaurlaritzak, gainera, ikastetxeetan karpa jartzeko ekimenak finantzatu egiten dizkie udalei EAEn. Bilbon, baina, ez du halakorik nahi Udalak: hiriburuko zortzi ikastetxek karpa jartzeko eskaera egin diote Udalari, baina honek ezetz esan die eskaera guztiei, ez du karparik nahi ikastetxeetan. “Argi dago hezkuntza komunitatearen eskaerak ez direla Udal honen lehentasun”, kritikatu dute BIGE Gurasoen elkartetik.
Ramadana bukatzear zela sortu zen zalantza irakasleen artean: familia musulmana duten ikasle batzuek adierazia zuten, ramadanaren amaieraren ospakizuna zela eta, ez zirela egun horretan joanen gelara. Ekintza horren bidez –aipatu zuen irakasle batek– argi gelditzen... [+]
EHUko Gobernu Kontseiluak adierazpena onartu du, Palestinaren alde eta Gazako sarraskiaren aurrean. Hainbat konpromiso hartu ditu, besteak beste, boluntariotza programa bat martxan jartzea, errefuxiatuen arreta zabaltzea eta giza eskubideen inguruko gogoeta sustatzea. Harreman... [+]
Neskek gaitasun matematiko eta zientifikoekiko txikitatik duten pertzepzio, autopertzepzio eta bizipenen eraginez, zientzia arloko ikasketei muzin egin eta bestelako karrerak aukeratzen dituzte. Hala dio ikerketa berri batek.
EHUk Tel Aviv-eko unibertsitatearekin etorkizuneko lankidetzarako bideak ahalbidetzen dituen zibersegurtasuneko katedra bat sortu izanaren harira, bertako langileok interpelatuak izan gara hainbat lekutatik, eta esan beharra dut neurri handi batean lotsatuta sentitu naizela,... [+]