Atera argazkiak euskarazko errotuluei Iruñerriko saltokietan

  • Maiatzaren 12tik 25era Iruñerriko eta Garesko kaleetan bazabiltza erreparatu saltokietako errotulu, kartel eta bestelakoei. Euskaraz badira atera argazkiak. Euskara Merkataritzara plana abian duten udalek eta Karrikiri elkarteak lehiaketa antolatu dute eta Euskararen Paparazzi onenak 500 euroko txartela jasoko du saltokietan gastatzeko.


2014ko maiatzaren 07an - 00:00
Azken eguneraketa: 2015-02-26 13:37:33
Iruñerriko bederatzi udaletan eta Garesen ibiliko dira 'paparazziak'.

Saltokietan ikusgai eta euskaraz dauden errotulu eta bestelakoak argazkitan jaso behar dira eta WhatsApp edo Telegram bidez bidali 692730246 telefonora. Irabazleak, Euskararen paparazzi bikainenak, 500 euroko txartela jasoko du Iruñerriko eta Garesko zenbait saltokitan gastatzeko. Parte-hartzaileen artean 100 euroko hiru txartel zozketatuko dituzte. Ondokoak dira lehiaketa honetan parte hartu duten udalak: Aranguren, Antsoain, Berriobeiti, Berriozar, Oltza Zendea, Zizur Nagusia, Burlata, Atarrabia, Uharte eta Gares.

“Euskararen Paparazziak” lehiaketa “Euskara Merkataritzara” plan orokorreko ekintza zehatz bat baino ez da. Iruñerrian, Burlatako Udala izan zen merkataritzan euskara erabiltzeko urratsak ematen aitzindaria, 1994. urtean. Hiru urtera Atarrabiak eta Zizur Nagusiak segi zioten bideari, eta ondotik gainerakoek. Gaur egun, Garesko eta Iruñerriko bederatzi udalerritan 235 merkatari inguru ari dira euskararen erabilera bultzatzeko pausoak ematen.


Kanal honetatik interesatuko zaizu: Euskalgintza
2024-03-25 | Leire Artola Arin
Burbuilaren ostean badago zer erein

Irundik Baionara, ezin ezkutatuzkoa izan da 23. Korrikak eragindako harrotasuna. ‘Herri Harro’ leloak zentzua hartu duela ikusi dugu lekuko hartzaileen aurpegietan, eta atzetik euskararen alde oihuka aritu diren korrikalariengan. Bakoitzak bere gorputzetik eta bere... [+]


Inoizko Korrikarik ikusiena izan da

1.700.000 ikustaldi izan ditu EiTBren emanaldiak –Hamaika TBrenak gehitu behar zaizkio–. Pozik agertu dira AEKko arduradunak: “Inoizko Korrikarik erraldoi eta anbiziotsuena lortu dugu, herria harro egoteko modukoa”.


Eguneraketa berriak daude