Hasi da Altsasuko gazteen aurkako epaiketa

  • Larunbatean manifestazioa egin zen Iruñean Altsasuko zortzi auziperatuen alde. Kasuak terrorismoarekin zerikusirik ez duela argudiatuta, auzia Nafarroan epaitzea eskatu zen, ez Madrilen.

Maddi Txintxurreta @mtxintxurreta
2018ko apirilaren 16a
Epaiketa hastear, jendetza bildu da Auzitegi parean (Arg: Euskalerria Irratia)

Altsasuko zortzi gazte auziperatuen kasua 2016ko urrian hasi zen, Altsasuko jaietan. Goizaldeko bostak aldera liskarra sortu zen Koxka tabernan, herriko gazte batzuen eta lanorduz kanpo tabernan zeuden guardia zibilen eta euren bikotekideen artean. Liskarraren ondorioz, eta guardia zibilek zauri arinak izan zituztela eta, “terrorismo delituak” egotzi dizkiete herriko zortzi gazteri: Jokin Unamuno, Oihan Arnanz, Adur Ramirez de Alda, Iñaki Abad –kartzelan daude hiru hauek–, Julen Goikoetxea, Jon Ander Cob, Aratz Urrizola eta Ainara Urkijo. Fiskalak 50na urteko espetxe zigorra eskatzen die seiri, 62 urte eta erdikoa Arnanzi, eta 12 urtekoa Urkijori. Orotara, 375 urte auziperatu guztientzat.

Guaixe atariak kronologikoki jaso ditu Altsasuko gertakariak lotura honetan.

Epaiketa

Concepción Espejel epaileak eramango du ahozko auzia Madrilen. Hiru gaztek urte eta erdi kartzelan eman ostean hasiko da epaiketa. Epaiketa hilaren 27 arte luzatuko dela aurreikusten da. Defentsak Espejel auzitik baztertzea eskatu zuen, Guardia Zibil batekin ezkonduta baitago eta horrek “inpartzialtasuna” kentzen diola argudiatuta, baina ez da aldaketarik onartu.

Deklarazioekin hasi aurretik eta aurretiazko gairik baldin badago, epaimahaiak horien inguruko erabakiak hartu beharko ditu, eta horren ondotik hasiko da epaiketa, auzipetuen deklarazioekin. Haiek fiskalaren eta Coviteren akusazio partikularraren galderei erantzuteko tartea izango dute, baina erabaki dezakete defentsaren abokatuei bakarrik erantzutea. Covite biktimen elkarteak “erasoaren egileak terrorismo delituarekin lotura duten gorroto delituengatik eta agintearen kontrako atentatuagatik” salatu zituen zortziak.

Bigarren egunean salaketa jarri dutenen txanda izango da, eta hurrengo hiru egunetan lekukoen txanda iritsiko da. Epaiketaren bigarren astean Guardia Zibilaren perituak arituko dira lekukotza ematen.

Iruñeko 3. instrukzio epaile Maria Paz Benitok atzera bota zituen Altsasuko gazteen defentsak aurkeztutako apelazio eta erreforma helegiteak. Beraz, Espainiako Auzitegi Nazionalaren esku utzi zuen ferietako liskarraren auzia.

Guardia Zibilak eta Espainiako Poliziak auziarekin lotuta idatzitako txostenak esaten zuen auzia Nafarroan epaitu behar dela, eta hori bera defendatzen du zortzi gazteen defentsak. Alabaina, Coviteren salaketaren ondorioz, auzia Espainiako Auzitegi Nazionalera iritsi zen, eta Carmen Lamela instrukzio epaileak tabernako liskarra “terrorismoa” izan zela ebatzi zuen auzipetze autoan. 2015eko Zigor Kodeko 573. artikulua baliatu zuen horretarako. Artikuluak jasotzen du terrorismo delitutzat hartuko dela “bizitzaren edo osotasun fisikoaren aurkako edozein delitu larri” eta “biztanleen edo biztanle batzuen artean terrore egoera bat sortzen duena”.

The Guardian hedabideko Pascale Davies kazetariak artikulu zabala idatzi du Altsasuko auziaren inguruan, eta ez da izan Espainiako Estatuko hainbat politikariren gustukoa. Kasurako, UPyDko diputatu Rosa Díezek gogor egin du artikuluaren aurka.

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Altsasuko gazteak

Altsasuko gazteak kanaletik interesatuko zaizu...
2018-11-11 | Adur Larrea
Ez hanka ez buru
Irudi batek mila hitz

Utzi Altsasu bakean

Eskuin muturreko España Ciudadana plataformaren deialdiari erantzunez, Espainiako Estatuko txoko askotatik etorritako ehunka lagun elkartu ziren Altsasuko  plazan –Foruzaingoa eta Guardia Zibilak gotorleku bilakaturikoa–.


2018-11-09 | ARGIA
Lehen irudiak: honela jo zituzten kanpaiak Altsasun eskuin-muturraren ekitaldian

Azaroaren 4ko Altsasun España Ciudadanaren ekitaldia oztopatzeko hainbat gazte elizako kapandorrera sartu eta kanpaiak jo zituzten. Polemika eragin du ekintza horrek eta orain Mozal Legeaz zigortu nahi ditu Foruzaingoak. Altsasu Faxismoaren Kontra herri plataformak prentsaurrekoa antolatu du azaroaren 10ean 13:00etan Altsasuko plazan, eta horren harira bideoa zabaldu dute.


2018-11-06 | Ahotsa.info
Altsasu Auziaren inguruko jardunaldiak antolatu dituzte azaroaren 16 eta 17an Iru˝ean

Altsasukoak Aske eta Altsasu Gurasoak taldeek antolatu dituzten jardunaldietan eztabaidak eta hitzaldiak izanen dira eta Gaztelu Plazan eginen den elkarretaratze batekin amaitu dira. Katakrak liburudendan ospatuko dira.


2018-10-30 | I˝igo Igartua
"Utzi Altsasu bakean" lemapean manifestazioa egingo dute larunbatean

Eskuin muturreko alderdiek herrian egin nahi dituzten ekimenei aurre egiteko antolatu dituzten mobilizazioen xehetasunak eman ditu Altsasuko Herri Batzarrak prentsaurreko batean.


Albert Riveraren azken probokazioa: Altsasun egingo dute ekitaldia azaroaren 4an

Ciudadanos alderdiak bultzatzen duen España Ciudadana plataformak ostegunean jakinarazi du hurrengo ekitaldia Altsasun egingo dutela, azaroaren 4an, igandea. "Ekitaldiak egiten ari gara Espainia osoan. Madrilen hasi ginen, Malaga, Mallorka, Bartzelona, Sevillan... eta hurrengoa leku garrantzitsu eta berezia da, Nafarroan izango da, Altsasun", adierazi du Riverak.


Defentsek bi epaile arbuiatu dituzte, Altsasuko liskarretik bi urtera

Jada 700 egun daramatzate preso Adur, Jokin eta Oihanek, eta preso dauden zazpiei omenaldia egin zaie asteburuan. Gazteen defentsaren abokatuek apelazio helegitea  aztertu behar duten hiru epaileetatik bi errekusatu dituzte, besteak beste, Guardia Zibilak kondekoratuak direlako.


2018-09-25 | Guaixe .eus
88 guardia zibil eta 27 ibilgailu azken 4 atxiloketak egiteko

“Ihes egiteko arrisku nabarmena” zegoelako, Espainiako Auzitegi Nazionaleko Lehen Sekzioko agindua bete eta garagarrilaren 5ean Guardia Zibilak Altsasuko auziagatik epaitutako Aratz, Iñaki, Jon Ander eta Julen atxilotu zituen.


Valentziatik Altsasura, elkartasun murala preso dauden gazteekin

Valentziatik etorritako ‘A tiro echo’ kolektiboko Elias Taño eta Carla Chillida artistek murala margotu dute Altsasuko udal frontoiaren fatxadan, Koxka tabernako liskarrengatik atxilotutako gazteen alde. Altsasuko bizilagunen laguntza izan dute zeregin horretan. Haien ustez, “botere judizialak, militarrak eta status quo-ko politikoak antolatutako injustizia” da gertatutakoa.


Altsasukoak askatzeko eskatuz elkarretaratzea egin dute espetxe aurrean

Gaur hasiko dira festak Altsasun eta Iruñeko espetxean izan dira herritar zenbait preso diren gazteen askatasuna aldarrikatuz. Herriko jaietan herrian nahi dituztela adierazi dute.


Azkenak
EGILEA
Eguneraketa berriak daude