Asteburuan Senpereko higiezinen agentzien kontra egindako pintaketak ikertuko dituzte
Asteburuan "EH ez da salgai", "Herriak bizi behar du" eta "Arnas berri" dioten margoketak egin dituzte Senperen. Azken asteetan Ipar Euskal Herrian etxebizitzen espekulazioa salatzeko ekintza gehiago ere egin dituzte, eta Baionako prokuradoreak ikerketa abiatu du ekintzen arteko loturarik ote dagoen aztertzeko.
Pintaketak egin dituzte Senpereko Immo Conseil eta Donibane higiezinen agentzietan, asteburuan. "EH ez da salgai", "Herriak bizi behar du" eta "Arnas berri" diote margoketek.
Apirilean ere Donibane agentziaren kontra gisa horretako margoketak egin zituzten, Ziburun. Garai bertsuan, Azkainen epe laburreko alokairuen etxe batean ere antzeko ekintzak egin zituzten. Baionako prokuradoreak Mediabasken azaldu duenez, ikerketa abiatu du ekintza ezberdinen artean loturarik ote dagoen aztertzeko.
200 urteko baserria milioi bat eurotan
Donoztirin, berriz, 1830ean eraikitako baserri bat 1.270.000 eurotan dago salgai, abendutik. Prezioa salatzeko, ekintza antolatu du Auziak Arberoa Lurra eta Etxebizitza Kolektiboa espekulazioaren aurkako kolektiboak. Maiatzaren 18an, 11:00etan, mobilizazioa egingo dute, Lurra lan tresna eta bizi leku bat da. Espekulazioari ez! lemapean. Donoztirik 411 biztanle ditu, eta Arberoako ibarrean (Behe Nafarroa) dago.
Etxebizitza duina izatea gero eta zailagoa da. Berdin du esaldi hori noiz irakurtzen duzun, urteak pasa eta arazoa gero eta larriagoa da.
Nola izan daiteke bizitzeko oinarrizkoa den eskubidea, teorian hainbat legek babestutakoa, EAEn eskubide subjektibo moduan onartu berri... [+]
Iruñerriko Etxebizitza Sindikatu Sozialistak eta Harituk Iruñeko Udalak etxegabeentzat eskaintzen dituen baliabideak kritikatu dituzte: "Ogi apurrak dira", adierazi du Martin Zamarbide Harituko kideak. Behin behineko zenbait "aukera" ematen... [+]
Bizitegi molde kooperatiboak zabalduz doaz Ipar Euskal Herrian. Euskal Hirigune Elkargoko azken biltzar nagusian Nicole Etxamendi, Itsasuko hautetsiak "Bizi lagun" kooperatibak kontutan hartu behar zirela eta alternatiba ona direla azpimarratu zuen.
Lanbideren Etxebizitzarako Prestazio Osagarria eta gizarte-zerbitzuen Larrieldietarako Laguntzak desagerrarazi ditu Etxebizitzaren Lege berria garatu duen Dekretuak.