Asteartean erabakiko dute emakumeen Futbol Ligako futbolariek greba egin ala ez

  • Hitzarmen berriaren inguruko urtebeteko negoziazioa ematen ari den arazoez eztabaidatuko dute. Nazioarteko Futbolari Profesionalen Federakuntzak emakume futbolariek dituzten lan baldintza eskasak salatu ditu.

Igor Galarza Intxausti @IgorGalarza
2019ko urriaren 18a
Realeko Kiana Palacios, baloia jaurtitzear. Irudia: La Liga

Espainiako emakumezkoen lehen mailako Kluben Elkartea (ACFF) eta Futbolarien Elkarteak (AFE) izandako negoziazioen haustura medio, David Aganzo AFEko presidenteak oraindik ezezaguna den leku batean –Madrilen izango dela ziurra da– elkartuko ditu lehen mailako talde bakoitzeko kapitainak. Batzar horretan, jokalariek aurrera begira estrategia berria diseinatuko dute.

Eztabaidaren mamia kontratu motan dago. Jokalariek %75eko lanaldietatik gorako kontratuak eskatzen dituzte, baina taldeek lanaldi hori erdia (%50) izatea bilatzen dute. Desadostasun horren aurrean, jokalariek bi aukera dituzte, asteartean mahia gainean jarriko direnak: beste batzar bat gehiago egin, eta ondo joan daitekeen itxaropena eduki; ala zuzenean greba egin.

Neska futbolarien profesionalizazioa

Bien bitartean, Nazioarteko Futbolari Profesionalen Federazioak (FIFPro) txosten bat argitaratu du, emakumeak futbolean ematen ari diren profesionalizazio prozesuaren inguruan. Bide horretan aurrera egitea asko kostatzen ari da, datuek adierazten dutenagatik: jokalarien erdia baino gehiagok ez du kontraturik, eta %42ak ez du ezta soldatarik jasotzen ere. Horrez gain, hamar jokalaritik bik soldata jasotzean atzerapenak izan dituztela esan dute.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Emakume langileen eskubideak  |  Espainia  |  Futbola

Emakume langileen eskubideak kanaletik interesatuko zaizu...
Azkenak
EGILEA
Eguneraketa berriak daude