“Asperdurari aurre egiteko ere", zibil palestinarrei tiro egin izan dietela aitortu dute soldadu israeldarrek
Gazatik itzulitako soldaduek aitortu dute bertan ez dagoela tiro egiteko irizpiderik. Armada sionistak nahieran egiten du tiro, etxeak erre eta gorpuak lurrean botata utzi, guztia komandanteen onespenarekin.
aurre egingo dieten hedabide independenteak
Israelgo +972 eta Local Call hedabideekin hitz egin dute Gazan aktibo egotetik itzuli berri diren sei soldaduk, eta palestinar lekukoen eta medikuen genozidioko testigantzak egiaztatu dituzte hauek. Soldaduek jakinarazi dute palestinarrei nahieran tiro egiteko baimena jaso dutela, baita zibilei ere. Palestinarren etxeak okupatu ostean su emateko politika sistematikoa dagoela ohartarazi dute. Armada sionistak 38.295 palestinar hil eta 88.241 zauritu ditu, gutxienez, urriaren 7tik hona, baina hildakoak askoz gehiago izatea aurreikusten da.
Hildako palestinarren gorpuz betetako paisaia deskribatu dute soldadu sionistek, eta aitortu kalean abandonatu izan dituztela, animaliek jan zitzaten. Israelgo armadak “gorpuak ezkutatzen zituen”, soilik laguntza humanitarioaren konboiak heltzekoak zirenean, “usteldutako gorpuen irudiak ez zitezen kanpora atera”.
Soldaduek “ekintzarako askatasun osoa” dutela adierazi dute iturriek, “inongo araurik gabe”. Mehatxu sentsazio txikienaren aurrean “ez dago azalpenik eman beharrik, tiro egin eta kito”. Edozeini egin diezaiokete tiro, soldaduen esanetan, “neskatila gazte bat, adineko emakume bat, berdin du”. Palestinar zibilak eta erresistentzia palestinarreko borrokalariak bereizteko zailtasunen aurrean, edozeini egiten diote eraso. “16 eta 50 urte arteko gizon guztiak terroristatzat hartzen ditugu”. Azaldu dutenez, debekatuta dago kaletik ibiltzea, eta kanpoan dagoen edonor da susmagarria. “Norbait ikusten baduzu leihotik begira, susmagarria da, eta tiro egiten diozu”.
Soldaduek aitortu dute nahieran tiro egin ahal izateak aukera eman diela asperdurari aurre egiteko, “eguneroko errutinatik” ateratzeko. “Ekintza normal” izendatzen dira horrelako tiroketak, eta soldaduek jakinarazi dute hori kode-izendapena dela, benetan esan nahi duena da “aspertuta nago, beraz tiro egiten dut”. Ekintza guztiak baimentzen dituzte komandanteek.
Tirokatzeko irizpiderik eza
+972 hedabidearen arabera, Israelgo armadak 1980tik ez du publiko egin tiro egiteko irizpiderik, nahiz eta Israelgo Justizia Auzitegiak hainbatetan eskatu dion. Yagil Levy soziologo eta politologo israeldarraren esanetan, bigarren intifadatik armadak ez die idatzizko araurik eman soldaduei, eta interpretazioa zabalik uzten du lurrean dauden soldadu eta komandanteentzako.
Orain hitz egin duten soldadu sionistek adierazi dute irizpideen malgutasunak ekarri duela, milaka palestinar hiltzeaz gain, oso altua izatea “alderdi berekoen suak” hildako soldadu israeldarren kopurua.
Egiptoko Poliziak militante ugari atxilotu ditu ostiralean, eta hainbat zauritu eragin, protesta oztopatzeko saiakeratan. Nazioarteko martxaren antolatzaileek adierazi dute aurrera jarraituko dutela, eta datozen orduetan erabakiko dituzte hurrengo pauso zehatzak.
Asteartean pasa zuten Tunisia eta Libiaren arteko muga, ondotik Egiptora sartu eta bertatik Gazara heltzeko asmoz. Berez, Libiako autoritateen babesa jasota du ekimenak, eta jarrera horri segika bidea berriz irekitzea galdetu diete poliziei antolatzaileek.
Gazarako Martxara bidean, Kairoko aireportuan atxilotu zituzten euskal herritarren artean dago Agus Gorbea, eta momentuz deportatu duten bakarra izan da. Euskal Herrira bidean dagoela erantzun ditu ARGIAren galderak.
Palestinako herria pairatzen ari den genozidioa salatzeko bi eguneko baraualdia egingo du Argituz elkarteak Donostian asteburu honetan, larunbatean eta igandean. Garibai kaleko 19. zenbakian egingo dute elkartasun ekintza.
Espainiako Estatuak eta Palestinak bultzatuta, 146 herrialdek alde bozkatu dute, 12k kontra eta 19 abstenitu dira. Ebazpenak Gazako sarraskia eta Israelen hedapena Zisjordanian salatu ditu eta nazioarteko ebazpen judizialak betetzea eskatu.
Egiptoko Gobernuak Israelen presioei men egin eta ehunka pertsona atxilotu ditu, Gazara egitekoa den martxa gelditu nahian. Hala ere, milaka lagunek martxari hasiera emateko prest jarraitzen dute, Israelen blokeoa apurtu eta genozidioa gelditzeko presioa egin asmoz. Melisa... [+]
Kairoko hotel batetik hitz egin du ARGIArekin ostegun goizean Pili Revilla gasteiztarrak. “Edozein momentutan atxilotu gaitzakete”, adierazi du. Solasaldiaren unean Euskal Herritik joandako bost herritar daude atxilotuta, eta nazioarteko dozenaka. Arreta Palestinako... [+]
Ekainaren 13an hasi behar duen Gazarako Martxako partaideak atxilotzen ari da Egiptoko Polizia, tartean hainbat euskaldun. Israel Gazan egiten ari den sarraskia salatu eta korridore humanitario bat ireki dadila eskatzeko abiatu dute ekimena mundu osoko 3.000 herritarrek.
Ekainaren 12an munduko bazter guztietatik –Euskal Herritik ere– heldutako ehunka pertsona batuko dira Egiptoko El Arish hirian, hortik Rafah-raino abiatzeko, Gazaren aldeko martxa globalean. Israel palestinar herriaren aurka egiten ari den genozidioa salatuko dute,... [+]
Erdaraz hitz egiten duzu, Francok nahi zuen bezala’ kamiseta dut gogoan egunotan, OlaXonMario Galiziako sortzaile digital kuir eta independentistaren diseinua.
Gogora ekarri dut, lehenengo, Isabel Díaz Ayusok alde egin duenean Imanol Pradales lehendakariak... [+]
Atxilotutako hamabi ekintzaileetako batzuk beren herrialdeetara bidaltzen hasi dira, baina zortzik uko egin diote deportazio dokumentuak sinatzeari. Astelehen goizaldean bahitu zuen Israelek Madleen itsasontzia nazioarteko uretan, Gazako kostaldetik 150 kilometro ingurura,... [+]
Zazpi auzotarako eta Jabaliako errefuxiatu-kanpalekurako aginduak eman ditu estatu sionistak, eta ohartarazi dute "babesleku" izendatutako eremuak erasotzeko "patroi" bat jarraitzen duela.
Gazara laguntza humanitarioa eramateko, duela astebete abiatu zen Madleen itsasontzia Sizialiatik (Italia). Askatasunaren Ontzidiak salatu du nazioarteko uretan zihoazela gelditu dituela Israelgo armadak, Gazako kostaldetik 150 kilometro ingurura. Israelera eraman dituzte... [+]
Rafah-ra doan nazioarteko martxarekin bat eginez, Gasteizen mobilizatzera deitu du plataformak, baita ikasgeletan ere. Palestinar haurrekiko elkartasun argazkiak ateratzeko eskatu du.